الساعه ١١:٢٥ الظهر ، نجد العذيه.
دخل الجد للمجلس الي مجتمعين فيه العيال راقدين وهو يضرب عصاته بالباب
الجد:يلا ياعيال الصلاة الصلاة قومو صلو
طلع بعد ماتأكد انهم كلهم قامو
الجد:يانوره قوّمي البنات خلهم يصلون ويجهزون عمهم محمد جاي للديره
الجده:ابشر
"عند غرفه البنات"
الجده:يلا يابنيات الساعه ١١ وانتو راقدين يلا قومو
حور:ياجده دقيقتين بس
الجده:وش الي دقيقتين عمكم محمد جاي للديره
فزو كلهم بعد ماسمعو ان عمهم بيجي وقامو من النوم
رنا:الله اخييرًا بيجون يلا بنات خلنا نقوم نتجهز
الجده:ايه ذلحين قمتو الله يصبرني بس
طلعت الجده من الغرفه وهي تستغفر
ساره:شفيها ترانا مستانسين بس
ميار:قومي قومي لاتسمعس وتعطيس محاضره طويله عريضه
قامو كلهم وراحو يصلون بعدين راحو للمطبخ يجهزون الغداء
"عند الأبل"
مالك:ياعيال مادريتو عمي محمد جاي اليوم
سطام:الله يحييه عاد من زمان عنه
قعدو يسولفون لين لاحظو ان سلطان ساحب عليهم وقاعد عند ناقته ويكتب شي بورقه
مالك:شعندك سلطان وش تكتب
سلطان:ماهوب شغلك
مالك:ياليل ذا النفسيه
سطام:ياخوي غبي انت واضح يكتب قصيده
مالك:اي صح نسيتنا
راح مالك له وسحب الورقه من سلطان وقعد يقرأ
سلطان:يالورع جب الورقه
مالك:ياخوي خلني اقرأ
سلطان:والله لو ماتعطني الورقه ماهوب اشلالك
مالك:خطك مخيس مافهمت شي خذ خذ
عطاه الورقه وكمل سلطان كتابته
الساعه ١٢:٤٣ , نجد العذيه.
كانو يسولفون سلطان و سطام و مالك لين لمحو سياره عمهم محمد مقبل عليهم
سطام:عانهم جو يلا مشينا
راحو وقفو عندهم لين شافو عمهم نزل
سلطان:اررحب ياعم
ابتسم عمهم لما شاف عيال اخوانه قدامه
محمد:البقى البقى
سلمو عليه وراح مالك ينبه الباقين ان عمهم جاء
سطام:حياك الله ياعم والله ذي الساعه المباركه
محمد:الله يحييك و يبقيك
سلطان:بنساعدك ونشيل اغراضك وانت دخّل اهلك للبيت
محمد:والله الي ماتقصرون
مشى محمد هو وزوجته وبنته ودخلو البيت وراحو سلطان و سطام يجيبون اغراض عمهم واهله
دخل محمد واهله لبيت الجد ورحبو فيهم
ومرت الساعات وهم يسولفون
"عند البنات"
حور:ااخ ياترف والله اني مشتاقه لس
دانه:ياختي تراها درت انس مشتاقه لها قلتيها ميه مره
حور:ماهوب شغلس خليني اشتاق لها
ضحكت ترف عليهم وكملو سوالف
لين:الا ترف انتم بترقدون هنا صح؟
ترف:على قول ابوي ايه
لين:حلوو ورانا سوالف الفجر اجل
ميار:يووه عاد بتبثرس لين ياترف
ترف:دامها من لين احلى شي
لين:حيااتي تروف
ساره:يع سولفو سولفو بس
ضحكو على ردة فعل ساره وكملو سوالف
الساعه ٨:٣٤ .
شيخه:بنات يلا سوو العشاء للرجال
حور:يووه مالي خلق
شيخه:يلا بس بلا كلام فاضي قومو يلا
قامو كلهم وتجمعو في المطبخ
ترف:بنات من بيجي؟
دانه:بيجون رجال عشان ابوك جاء
ترف:ايييه صح نسيتنا
فجأة طلّعت حور ملعقه خشبيه وبدت تتضارب مع الهواء
ساره:اعوذ بالله من الشيطان الرجيم شتسوي ذي
حور:بنات من تتحارب معي
لين:انا انا
طلعت لين ملعقه خشبيه وبدو يتضاربون فيها
رنا:والله لو شافتكم جده بتكسر الملعقه فوق روسكم اهجدو
كملو يتضاربون فيها كأن رنا ماتكلمت من الاساس الا فجأة تدخل جدتهم
الجده:شبلاكم انتم شتسوون!!
نزلو حور و لين الملاعق بسرعه من الروعه
حور:قاعدين نسوي العشاء بس
قعدو يبتسمون كأن مافيه شي وقعدت تحقق معهم الجده لين طلعت
مسكو لين وحور قلبهم من الروعه والباقي يضحكون عليهم وكملو شغلهم.
