الساعه ١٠:٥٦ ، نجد العذيه
"عند الحريم"
ميار:شفيس تأخرتي؟
حور:روعني اخوس جاني وهو يحسبني جني وقعد يصارخ لين فارق اخيرًا
ترف:ياعمري ياحور عاد ضلام هناك
لين:معليش ياحور عاد اخونا مطفوق شوي
حور:شوي؟ الا مره
ضحكو عليها لأن واضح من وجهها انها متنرفزه
الساعه ٢:٣٤ ، الفجر.
رنا:يلا يابنات نرقد ورانا مشوار بكرا للسوق
ساره:يووه مصدعه مقدر اتحمل برقد ذلحين
الساعه ١١:٢٠ ، الظهر
قامت ترف من النوم وشافت ميار الوحيده الي قايمه وتعاين جوالها
ميار:اخيرًا وحده منكم قامت
ترف:متى قمتي؟
ميار:الساعه ١٠
ترف:ما شاء الله عليك بدري مره
ميار:متحمسه للسوق مع اني عارفه انه مو حلو بس اهم شي اتقضى ههههه
ترف:اخاف يخرب الحماس ويعيون امهاتنا نشتري الي نبيه
ميار:يوه صادقه بس بحاول اقنعهم معليس انتي الحين روحي كلي توس قايمه عاني امس سوت فطور فوق الطاوله بالمطبخ
ترف:تمام
راحت ترف للمطبخ وشافت امها تغسل المواعين وراحت تضمها من ورا
ترف:صباح الخير
آمنه:اهلًا ببنتي الجميله يلا عانيني سويت فطور كلي منه
ترف:ابشري
كلت ترف من الفطور وراحت فوق تقوم البنات قبل ماتجي جدتهم وتهاوشهم
الساعه ١١:٣٤ الظهر ، نجد العذيه
ترف:يلا بنات قومو قبل تجي جدتي تجلدكم
قامو البنات من التهديد وكل وحده راحت تسوي روتينها
ميار:متى بنروح؟
ترف:بعد الغداء بنروح للسوق
ميار:طيب يلا مشينا نسوي الغداء
ترف:انا بروح اجهز المطبخ وانتي نادي البنات
ميار:تم
جو البنات كلهم للمطبخ وكل وحده تسوي الي عليها
حور وهي تجهز الكاسات القزاز للعصير
حور:بنات لو اكسر الكاس وش تتوقعون يصير
لين:ابد بتعلقس جدتي فوق الشجره ليوم كامل بس
دانه:حور حبيبتي جهزي الكاسات وانتي ساكته
حور:ابشري
منيره:يلا يابنيات جهزتو الغداء؟
رنا:ايه خلصناه
منيره:يلا اطلعو بيجون العيال ياخذون الغداء
رنا:ابشري
تحمحم سلطان تنبيه انه بيدخل هو و سطام
منيره:ادخلو ياعيال خذو الغداء
دخلو سلطان و سطام وخذو الغداء وراحو للمجلس الي برا البيت
"عند البنات"
ترف:بنات انا مو جوعانه روحو كلو انتو
ميار:ولا انا
حور:طبيعي فطرتو وبلعتو الفطور علينا
ضحكو ميار و ترف عليها و
ترف:روحي كلي عشان تزين نفسيتس بعدين تعالي
الساعه ١:٢١ ، الظهر
مريم:يلا يابنيات من تبي تروح معنا للسوق
جو البنات كلهم متجهزين للروحه
منيره:بسم الله كلكم بتروحون!
ساره:اي منزمان متحمسين للطلعه
مريم:دقيقه خلنا ندبر لنا احد يودينا للسوق
راحت مريم للعيال تنادي واحد منهم وشافت قدامها سلطان بس
مريم:سلطان ولدي تعال شوي
راح لها سلطان
سلطان:شبغيتي ياعمه
مريم:عادي تودينا انا وعمتك والبنيات للسوق الجديد
سلطان:ابشري ابجيب السياره واطلعو ذلحين
مريم:ماتقصر ياولدي
راح سلطان يجيب السياره وركبت منيره قدام بحكم انها اكبر وحده
والباقي ركبو ورا ومشو.
