الهوس

PART 19

INSTA: MALAK_ATHMANI1
____________________________________

بقاو مدة على نفس الحال، هادا من هنا وهادا من لهيه .. الهضرة ضايرة والحديث الخاوي مامساليش بين ايريكـس و نويليا لي مالقاتش معامن تهضر لقاتو غير هو ..

بداا الاحتفال دايز .. العروسـة بكسوتهـا البيضاء جاية سااامبل معاها كتحمق والعريس بالكومبلي الاسود ديالو وبابيون صغيرة على عنقو زايداه وسامة فوق وسامتو ..

بداا الاحتفال والموسيقى الهادية مبينة داك الڤايـب الهماوي ديال العائلة والعرس لي عندهم .. دخل القس بداك اللباس الخاص بالكنيسة الكاثوليكية .. الألب،الستولا،الكاهن، التاج وداك القبعة لي مداير فوق راسو ..الزي لي كان كايرمز لبزااف دد الحوايج عندهم

بداا العرس بالنشااط ، موسيقى كلاسيكية بامتيااز تقلبات فرمشة عين لموسيقى مناسبة للرقص خلات الحضوور يتجمعو مع كوبلاتهم يبدااو ينقزو ويشطحوو بفرح ..

كلشي نااشط ، ادلر و ڤاليـريا واقفين بلا كلام بلا جوج مرة مرة كايجي واحد يسلم عليهم .. وعينوو مفيكسين فالحضور مقابل واش كلشي ماشي مزياان وواش ماكينش شي تنقنيقة لي لحد الان مابان ليه والو..

مد لـيو يدو لروبـي كايشوف فعينيها وهي حشمااانة ماباغاش تدخل وسط بنادم وعينيها فأدلـر لي كان مفيكسي نظراتو عليها بنوع من الفخر، ختو الوحيدة كاتزوج ، هادا بحد ذاتو اعتِزاااز كبير .

بداا ليو شاد فروبـي كايديرو ديك الرقصة المعروووفة عندهم كإطاليين وسط الاعراس ديالهم.

كان شاد ليها فيديها مسرحها فالجنب وحتا هي نفس الشي ، خطوة للقدام وخطوة للجنب ، رااجع مرة خرة للقدام بسباطوو اللامع تابعاه فحركاتو والحضوور ها لي كايشطح معاهم ها لي كايصفق ليهم بابتسامة على محيااه..

تسمع الصّـوت ديال الفرقعات ديال الالعَاب الناريية .. وسط داك الضحكك والفرح ديال الحضوور بيهم لدرجة كاين لي بداا كاينقز من الشكل بي كايحمق .. كان ادلـر علا عينو فالسما كايشوف فالالـوان لي طغاو عليها من دوك المفرقعات قاطب حجبانوو.. عاود نزل عينو للساعة كايشوف فيها ورجع شاف فإيـنزو لي فهمو شنو قصد فاش حرك راسو بالجهة د السما ..

دلا اينزو شفاهو بمعنى ماعرفتش وحرك ادلر راسو مبعدو للجهة لخرا وعينوو على روبـي و ليـو وعقلو مشغوول فدوك المفرقعات مخلي البلان موسوسو نيت حتا ولا كاضور عينيه فالحفلة لا يبان ليه شي بلان اخر ماهواش .

#سالات الموسيقى ..

رخفـات روبي منو راجعة للبلاصتها واقفة وجنبها ليـو .. نزلات على وجهها ديك الطرحة الشفافة المزينة ببضع صغيرة من الالماس كاستعداد للنذور ديال القس لي كان واقف قبالتهم هاز فيدو داك الكتآب وعلى عينو نظاراتو منزلهم على نيفو ..