الساعه ١١:٢٦ الليل ، نجد العذيه.
طلع سطام من المجلس وشاف سلطان فارش له
فرشه عن الأبل ومنسدح فيها
راح له وجلس جنبه
سطام:مهموم؟
سلطان:تقدر تقول
سطام:ليت مالك هنا عطاك نكته وشال الهم
سلطان:لا ياخوي خله يفارق
ضحك سطام
و مرت لحضات صامته محد يبي يتكلم ماغير يناظرون السماء
سطام:ماتبي تتكلم صح
تنهد سلطان تنهيده طويله
سلطان:ايه خلني كذا
سطام:طلّع همومك بقصايدك
سلطان:جالس اسويها
مرت لحضات صامته ثانيه كل واحد يتأمل له نجمه
سطام:يلا مشينا للمجلس قبل مايجلدنا جدي
سلطان:يوه نسيته عاد بيمسكني كلام
قامو وشالو الفرشه وراحو للمجلس
الجد:وينك انت وياه ماجلستم معنا!
سلطان:والله ياجدي قعدت عند ناقتي شوي وجيت
سطام:وانا رحت ساعدته بس
الجد:ابمشيها لكم اجلسو يلا
جلسو يسولفون لين داهمهم مالك فجأة
مالك:ياجد ناقتي رفستني شف
الجد:يابري حالي رجلك تصبصب دم رح لجدتك تلفها بشاش ولا شي
راح مالك بس قبل مايطلع قرّب من سلطان وسطام
مالك:كله بسبتكم لي ساعه اناديكم ان الناقه رفستني ومحد سمعني
ناظرو بعض سطام وسلطان بستغراب
سلطان:ماسمعناك عاد
مالك:لأنك اصقه انت وياه
سطام:فارق فارق بس
راح مالك وهو يعرج للبيت ودخل وهو ينادي جدته بصوت عالي
جته لين وهي معصبه من صوته
لين:وجع ان شاء الله شتبي
مالك:نادي جدتي يلا
لين:فارق بس
مالك:احترمي اخوس الكبير يابزر
لين:ياليل خلاص اسكت بناديها لعد تصارخ
جت الجده وهي مستغربه
الجده:ها يامالك شبغيت
مالك:ياجده الناقه رفستني وابي شاش من عندس
الجده:يلا يلا
راحت تجيب شاش وعطته وراح مالك للمجلس
حط الشاش برجله وراح لسلطان وسطام
وجلس عندهم
مالك:انتم ياخاينين العشره سحبتو علي وقعدتو تتحاكون لحالكم تراني شايفكم تحسبوني مادريت
سطام:انك بتخرب علينا وسحبنا عليك
مسك مالك قلبه بمزح و
مالك:اخ قلبي خيانه الاصحاب اقوى من خيانه الاحباب
سلطان:تسولف واجد يامالك ماتحس
مالك:لا والله ماحس
سطام:المهم ياعيال ترا عمانا رايحين بكرا للغنم خلنا نروح معهم
مالك:تم
سلطان:ابشوف
مالك:لا مانبي تشوف بتجي يعني بتجي
ضحك سلطان و
سلطان:خلاص تم
الجد:يلا ياعوال الساعه جت ١٢ رقدنا
قامو كلهم وراحو للمجلس الي داخل وجهزو فرشهم
ورقدو
الساعه ١١:٢٣ الصباح
"غرفه البنات"
قامو كلهم بدري ذي المره وكل وحده
تسوي الي عليها
كانت دانه تفكر و تمشط شعرها لين قالت
دانه:بنات دام كلهم راحو للغنم لازم نسوي الغداء؟
ميار:ياحبيبتي جدي ماراح معهم ترا
دانه:يووه ليه مايروح يغير جو
ساره:قولي انك ماتبين تسوين الغداء
دانه:اي مالي خلق بنات
ترف:نبيس ترتاحين لكن ترا جدتي موجوده بعد
دانه:يوه حتى هي
رنا:يلا مشينا نسوي الغداء بدال الفلسفة ذي
قامو وراحو المطبخ وكل وحده تسوي الي عليها
ترف:اشهد ياتاريخ حور ما انهبلت علينا زي قبل
حور:مارقدت زين ماني فاضيه ولا كان ازعجتكم
تمغطت حور وكملت الي تسويه
خلصو و ودو الغداء لجدهم بعدين لجدتهم وكلو معها
لين تكلمت فجأة جدتهم
الجده:متى ناويين تتزوجون ان شاء الله
غصو باللقمه كلهم من الصدمه
ترف:ياجده مهّدي لنا السؤال شوي مو كذا فجأة
ساره:النصيب ياجده النصيب
قامو حور ولين ورنا بأنسحاب من جلستهم
وراحو للغرفه
جده:شقومكم ماتحبون الزواج ولا وش
ميار:جده شبعتي؟عشان نلحق نغسل المواعين
جده:ايه ايه شلوه
شالو المواعين وانحاشو للمطبخ
دانه:الله يسعدس صدق انقذتينا
ساره:اوري حور ولين ورنا انحاشو وابتلشنا حنا
"عند الغنم"
غيث:مالك تعال شفت شبيهك
راح مالك وشاف غيث ماسك غنمه ويقربها منه
مالك:هذا يشبهني؟ فارق فارق
ضحك عليه غيث وهو يحط الغنم جنب وجهه مالك عشان يشوف نسبه الشبه
غيث:بالله يا فهد مايشبهون بعض؟
فهد:اووف من كثر الشبه مافرقت بينهم
مالك:انا شقعدني معكم فارقو
راح مالك لسلطان وسطام وسولف معهم.
