بسم الله الرحمن الرحيم
البارت الثامن والثلاثون
بقلمي : حب موروث
لا تنسون التصويت والتعليقات حتى نستمر..
ـــــــــــــــــــــــــــــــــــــــــــــــــــ
ريماس : مسح على وجهه يريد يحجي والشرطه اخذتني رجعت لنفس المكان جانوا يتغدون اني نفسي لعبت خليت بلوزي على خشمي وكعدت ..
ــ : غداج .
ريماس : نزلت صينيه كدامي اني انطيتها لوحده من النسوان متحملت الريحه .
ــ : هذا الموجود مو بعدين تبجين على اكل ماكو بعد .
ريماس : مجاوبتها جان باقي من اكل الجابه راهب اكلت منه مشه الوقت عادي ماكو اي تغيير مر اليوم
كعدت الصبح لفيت نفسي بالقمصله مالتي حسيت بدوخه مو طبيعيه لزمت بطني وكعدت ابجي المفروض هسه اني فرحانه لان بداخلي طفل من راهب واني متأكده ابنه قطع أفكاري زينب جانت تحجي ويايه ..
زينب : ليش تبجين عيوني ؟ بيج شي عندج وجع ؟
ريماس : اممم تعبانه وبردانه .
زينب : عندي بطانيه هسه اجيبها الج .
ريماس : لا ماريد ميحتاج خليها الج اني هاي كافيه عليه .
ابتسمت وكامت جابتها الي.
زينب : مو زين على البيبي دفي .
ريماس : تشكرت منها وصار عندي فضول اسئلها سبب وجودها هنا .. احمم عادي اسألج سؤال ؟
زينب : ييي كولي ؟
ريماس : شوفي لتضوجين مني بس يعني شعجب بهذا المكان أنتِ ؟
زينب : توقعت سؤالج والله خيه قصتي طويله بسبب مره ابويه نسجنت تهمتني اني كاتله ابنها .
ريماس : عززه ليش !!
زينب : شوفي امي ورا ما توفت ....
ريماس : كعدت تحجيلي على حياتها وعيونها مدمعه اني مكدرت الزم نفسي وبجيت وياها ..
اني اسفه ذكرتج بيها عذريني .
زينب : مناسيتها اني وان شاء الله اذا طلعت منا اخذ حقي من الكل .
ريماس : أن شاءالله.
زينب : ييي وهسه أنتِ متحمسه للبيبي مو .
ريماس : صراحه اني خايفه عليه .
زينب : الله يفرجها بوجهج وتخلصين والله اول ما شفتج حسيتج حبابه وطلعتي صدك هيج .
ريماس : هههه الوكت خلاني هيج .
زينب : تدريننن ضحكتججج تخبل .
ريماس : ههه حبيبتي تسلمين .
