وقف من كرسيه المدير العام للقطاع اللي هم به
و نطق : وعليكم السلام و رحمة الله و بركاته
و النعم به بالجميع عز الله انه ماقصر و كنت شاك ان فيه نقطة تواصل بينكم لان بنفس اليوم جاني خبر طرح الاثنين بحايل و الجوف و توقعت ان فيه تواصل
لكن يا الفريق اول فاضل من عندي من عند جميع الضباط اللي جنبي بأسمي انا الركن الفريق اول
اسلمك بنفسي هالقرار انت حدده الرجل اشتغل عندك وانت تعرفه اكثر مني و من جميع الضباط اللي انت تشوفهم حولك القرار لك تبيه يزع البدله او لا
فاضل : يا حضرة الركن الفريق اول عز الله انه رجال ولد رجال و وقف معانا بوقت حاجتنا ولا قصر بشي
و دامك سلمتني القرار انا اقول و الكل يسمع انا الفريق اول فاضل اتنازل عن نزع البدلة العسكرية من خاين وطنه ثامر بن ضيدان للعميد عتيق بن خلف
و هو من ينزع عنه الرتبه و البدله العسكريه
عتيق : الله يسلمك يا الركن الفريق اول و الفريق اول فاضل عز الله اني ما سويت شي كل اللي سويت اديت واجبي و عملي على اكمل وجه مو مثل الخاين ثامر
و لي الشرف اني انزع الرتبه و البدله عن ثامر
تقدم وقف امام ثامر و حط عيونه بعيون ثامر و ابتسم و رفع كفوفه و فك الرتبه من كتفه اليمين و نزلها بعدها فك الرتبه من كتفه اليسار و مدهن لفاضل
بعدها فك الأبريهه من راسه و مدها لفاضل
( الأبريهه هي الطاقيه الخاصه بالزي العسكري )
بعدها فك سحاب الستره و فك الكبلش عن يده اليمين و طلع الكم كامل من يده اليمنى كامله
رجع كلبشه و فك كلبش يده اليسرى و نزع الكم من يده اليسرى كامله و مد الستره لفاضل
فك الكلبشات عن يدينه كامله و نزع البلوزه اللي داخل الستره الخاصه بالعسكر و مدها لفاضل
رجع كلبش يدينه و فك الكلبشات من رجلينه كامله و نزع منه السروال الخاص بالبدله و مده لفاضل
جرده من البدله و رجع كلبش رجلينه من جديد
ثامر واقف امام جميع العسكر و الضباط الكبار بسروال شورت فقط لا يوجد شي يكسيه غيره
عتيق بصوت عالي : هذا مصير اي خاين
مسكوا ثامر و طلعوه من المحكمه و اخذوه بسياره كاتمه الزجاج لا يراه احد سوى من ركب معه
بعد فتره وصلوا للمركز و نزلوه و اعطوه لبس السجن و حطوه بزنانه المحكوم عليهم بالأعدام لحاله
« بعد الظهر ، قصر ابو وافي »
بعد ما طلعوا ثامر طلع عتيق و راح للقصر
دخل عندهم و حصل الجميع موجود بالمجلس
و نطق : السلام عليكم
الجميع : و عليكم السلام
عتيق : ابشر يابو وافي جايك ببشاره
ابو وافي : الله يكثر من البشاير ها غرد يا عتيق
عتيق : ثامر المتسبب بكل شي صار لوافي بعد يومين حكم اعدامه لانه خاين و طلع معاون لعمامه
ابو وافي : الله يجزاك خير يا عتيق
الجد ابو حمد : كفو والله ونعم يا عتيق
عتيق : كفوك الطيب و ماسويت شي حق و واجب
ابو هادي : عز الله ما قصرت خذيت حق وافي وهو لسى ما قام من الغيبوبة والله يقومه بالسلامة يارب
الجميع : امين
و كمل : ما سويت شي يا عمي كل اللي سويته اللي ملزوم به عملي وهذا المطلوب وانا حلفت على نفسي ما ازور وافي الا انا جايب له حقه من عدوه ثامر و العصر اليوم ابي ازوره و معي خبر حكم عدوه ثامر
الجد ابو حمد : و كلنا بنزوره معك يا ولدي
ابو فهد تقدم لعتيق و حب راسه و تقابلت عيونهم
و نطق : عز الله انك رفت راسي يا ولدي بسواتك هذي
عتيق : راسك دوم مرفوع يابو فهد دامن ولدك
سكت شوي و كمل : عن اذنكم بروح ارتاح
ابو وافي : اذنك معك يا ولدي فمان الله
و طلع من عندهم توجه للشقه يرتاح للعصر
ابو غيث : ترا كلنا بنحضر قصاص ثامر مهو بس عتيق
ابو معاذ : وانت صادق يابو غيث كلنا نبي نحضر
أنت تقرأ
في مبسمك يضيع كياني وثقلي وأصير كأني طير بين اياديك
Ação.. لا استبيح النقل او الاقتباس .. .. التنزيل كل خميس .. الانستا : 1w_x88
