السلام عليكم
كاتبه جديده اتمنى ينال على إعجابكم
الشخصيات :
عائلة البطل :
الاب : عبدالله (متوفي)
الام : هدير ( ربة منزل )
الاخ 1 : سامي ( الأكبر + مهندس )
البطل : محمد ( ظابط )
الاخ 3 : عبدالكريم ( لاعب )
الاخ 4 : سليمان (الأصغر + يدرس بالمتوسط )
عائله متكاتفه وكل واحد يساعد الثاني واي احد يدخل بيتهم متضايق يطلع منشرح صدره
عائلة البطله:
الاب: عزيز ( رئيس رقباء )
الام :مهره ( ربة منزل )
الاخ 1: مسلم ( الأكبر + مبرمج )
الاخ 2: سلمان ( ظابط )
الاخ 3:سالم ( معلم )
البطله: جواهر ( دكتوره + استخبارات بدون علم اهلها )
عائله ونيسه وما بقلبها حقد يحبون بنتهم آخر العنقود و وحيدتهم يخافون عليها من ايش يمسها حتى نسمة الهواء
اصدقاء البطل :
1: رائد
2: سعد
3: فهد ( رئيس جواهر بالدوام )
4: عزام ( رئيس محمد بالدوام وصاحبه بنفس الوقت )
اصدقاء البطله :
1: ورد ( بنت عم البطله من طفولتهم مع بعض )
2: رند ( بنت خالة البطله من طفولتهم مع بعض )
3: رغد ( صحبة المقربه )
4: لينا ( بعتبار اخت لها )
5: ريتان ( بعتبار اخت لها )
اختصار بسيط لحياتهم :
محمد و وجواهر عيال خاله جواهر تحب تركي من طفولتها ودايم تدعي ربها يكون من نصيبها ومع ذالك تلزم حدودها معه حذر من وقوعهم بالحرام
مشتركين ب الخالات ولكن العمات مختلفين تماماً وكل واحد ساكن بمدينه
نتعرف على باقي الشخصيات في القصه
نبداء ببيت عزيز
تدخل جواهر بحب وشغف ومبسوطه من المهمه الي تمت
تدخل على امها وابوها و اخوانها وتسلم عليهم تجلس
يبداء ابوها الكلام : جواهر بنتي تجهزي اليوم جايين خالاتك متجمعين
جواهر : غريبه متجمعين شكل وراكم بلاء بعدين شدخلني اتجهز عساس بنخطب وضحكت
ناظرتها مهره بتوتر : جواهر صدق بيجيك خطيب
لفت بصدمه وسمعت ضحكات اخوانها من صدمتها
جواهر : نعم نعم نعم أنا قلت ما ابي اتزوج كيفكم هو
مسلم : تزوجي وفكينا طلبتك
رمت عليه المخده الي عندها ونطقت جواهر : قسم بالله لو اشوف واحد داخل المجلس يخطبني اني لثور فيه
عزيز : اعطيت كلمه للرجال هو واهله جايين ويمكن تملكين بعد مو دايم لك أنا والرجال شهم وأبيك توافقين ان كان لي عندك خاطر
ناظرت ف ابوها بدموع ونطقت : دامك أعطيتهم كلمه ما اكسر كلمتك دامك عارفه وتعرف انه رجال
لفت جواهر على امها : ولد خالتي مين ؟
مهره : شرط من عندهم ما تعرفين الين تملكون
جواهر : لا والله وتبوني أوافق بعد !
سالم : مو شرط تعرفين ترا
ضحك سلمان : تزوجي وتعرفينه ونشوف الحب والهيام بعدها
جواهر قامت بعصبيه انها وافقت وهي ماتعرف مين راحت تغير لبس الدوام توها بترتاح على سريرها وتطلع الي بقلبها من حزن وقهر
دخلت مهره وهي تناظر بجواهر واردفت: قومي قومي تجهزي مافي وقت وترا طلبت وحده تسوي الديزاين حق الملكه وكتبت اسمائكم وبيوصل على الساعه 3 وخالاتك بيوصلون الساعه 5 مع عماتك وعمانك سامعه
ناظرت جواهر لمهره واردفت : تمام تمام باقي وقت تو الساعه 1 ظهر مدري على ايش متحمسين فوق انه زواج غصب وكله عشان ما أحرجكم
طلعت مهره : تعرفين مع الوقت نشوف غصب ولا لا
رفعت جواهر جوالها وارسلت بقروب صحباتها محتوى الرساله : بنات تعرفون اني احب محمد اليوم خطبتي وملكتي من واحد ما اعرف ولا وافقو يعلموني مين هو المهم ابيكم تجون عندي على الساعه 3 او 4
ردو عليها : عادي يا بنتي يمكن عوض اهلك مستحيل يوافقون على واحد مايستاهلك وابشري لو تبين الحين نجيك
قفلت جوالها بفقدان امل انه يكون حب طفولتها ومراهقتها
اخذت لها غفوه صحت على صوت العمال والإزعاج رفعت جوالها بكسل لقت الساعه 3 تأففت بقهر
قامت تغسل وجهها وتتجهز وتفرد شعرها الطويل الي يوصل لحد خصرها سوت ميكب خفيف جداً جمالها يظهر كل شي عيونها المسحوبه العسليه ورموشها الكثيفه حواجبها المرسومه من صغرها رشاقة من صغرها معروفه فيها لبست فستان بيبي بينك اظهر دلعها وملامحها الحلوه اكثر مكشوف الكتوف ومبين خصرها النحيل سمعت جواله يرن سحبت وهي تبتسم من الاسم الي نور جوالها
أردفت بحب : يأهلا ومرحبا ويا مليون مسهلا تو ما نورت ...... فيكم
ضحكت رند : اوف اوف هاذا كله لي
جواهر : اكيددد لك فيه غيرك
رند : طيب تجهزتي ولا لسى
جواهر بغصه : اي خلصت وقاعد انتظر البنات وانتظركم
رند : فيك شي
دمعت جواهر وحاولت ما تبين : لا لا مافي شي مبسوطه فيكم إلا وينكم ؟
رند حست بحزن جواهر ودها تعلمها بس ناظرت بالي حولها الي يحذرونها تتكلم عشان ماتاكلها : تو الان دخلنا
جواهر : المهم تعرفين مين خاطبني وافقت عليه ؟
رند : يلا عاد بقفل الأنظار حولي مقدر اقول
جواهر : مع السلامه ياعيني وطبعت صوت قبله لها
ضحكه رند : يا حظه فيك وبس وقفلت قبل جواهر ترد عليها
نزلت الجوال رند ولفت على امها : امي ليه ما علمتوها حرام عليكم
ام رند : كنا بنعلم لكنه رفض وش نسوي عاد تعرفين وش بيسوي
عند جواهر الي تسمع دقات الباب جريت على الباب عشان تشوف مين سحبها سالم من يدها
سالم : هي هي وين رايحه وين
جواهر : بفتح الباب البنات وحشوني من زمان ما شفتهم
سالم : وش دراك انهم البنات يمكن أعمامي وعيالهم
جواهر : طيب عادي كلهم صغار
سالم : ارجعي لا اصفقك الحين
طالعت فيه وهربت من بين يده تفتح الباب ونطت على ورد الي كانت مصدومه من حضن جواهر الي ماتحب الحنان
تابع...
