Chapter 169
Chapter 169October 26, 2023
ဖန်များ၏ တုံ့ပြန်မှု
သူတို့အသည်းကွဲနေပြီဟု ကြွေးကြော်နေသည့် မှတ်ချက်တွေလည်း အများကြီးရှိသည်။ လင်းယောင်ယောင် ၏ Weibo ပို့စ်အောက်တွင် သူမ ပြန်လာပြီးနောက် ပေးပို့ခဲ့သော ရည်းစားစာ စာရင်းသည် အထပ်မြင့်အဆောက်အအုံတစ်ခုလို အပုံလိုက် စုစည်းထားသည်။
လင်းရွှမ် သည် ချစ်သူကို တွေ့ရဖို့ ပျော်ရွှင်နေချိန်မှာ သူ့မျက်နှာကို ရေခဲရေနှင့် ချက်ချင်းပက်ခံလိုက်ရသလို ခံစားရ၏။သူ့အရင်ကပြောခဲ့သည့် စကားက မမှားပေ။ မျှော်လင့်ထားသည့်အတိုင်း တစ်စုံတစ်ယောက်သည်...မဟုတ်သေး...လူငါးသန်းကျော်သည် သူ့ ကောင်မလေးကို လုယုဖို့ ကြိုးစားနေသည်။
ဤအခိုက်အတန့်တွင် လင်းယောင်ယောင် သည် သူမက "in love" ဟုကြေငြာခဲ့သည်ကို သူမြင်လိုက်ရသည်။ လွန်ခဲ့သည့် ၂၄ နာရီလောက်က ဖြစ်၏။
လင်းရွှမ် သည် လင်းယောင်ယောင် ၏ ပရိုဖိုင်စာမျက်နှာရှိ "in love" ဆိုသော စကားလုံးနှစ်လုံးကို စိုက်ကြည့်နေပြီး သူ၏ အေးစက်သော မျက်နှာသည် ဖြည်းညှင်းစွာ သက်သာသွားသည်။ ရေခဲတွေ အရည်ပျော်ပြီး နွေဦးရာသီစလာသလို သူ့နှုတ်ခမ်းများသည် ပျော်ရွှင်မှု အရိပ်တစ်ခုအဖြစ် ကွေးညွတ်လာ၏။
'မင်းတို့ကောင်တွေ သူမကိုကြိုက်လည်း အလကားပဲ…သူမက ငါ့အပိုင်ပဲ"
အချိန်အတော်ကြာအောင် တိတ်တဆိတ်စိတ်မချမ်းမသာဖြစ်နေသော သူသည် အချိန်အတော်ကြာမဖွင့်ရသေးသော သူ့ Weibo တွင် အချစ်ရေးအခြေအနေကို "In Love" ဟု ပြောင်းလဲခဲ့သည်။သူ့မှာ ပရိသတ်များစွာရှိသည်။ အရှင်သခင် အင်ပါယာတွင် လူဦးရေ ဘီလီယံ 100 ရှိပြီး သူ့ ပရိသတ်မှာ 50 ဘီလီယံရှိသည်။ကျန်50မှာလည်း ဂြိုလ်များစွာသည် Star Network နှင့် မချိတ်ဆက်နိုင်ခြင်းကြောင့်သာဖြစ်သည်။ Weibo ပလက်ဖောင်းပေါ်တွင် ကိုယ်ရေးကိုယ်တာအကောင့်များကို အဆင့်သတ်မှတ်ရာတွင် သူသည် ပရိသတ်အရေအတွက်များပြားသူ ထိပ်ဆုံးဆယ်ဦးစာရင်းတွင် ပါဝင်ခဲ့သည်။ သူကတော့ နာမည်ကြီးအနုပညာရှင်တွေထက် အနည်းငယ်သာ အဆင့်နိမ့်သည်။
YOU ARE READING
ကိုကို့နှင့်သူ့ဘေဘီအစားသရဲလေး
Romance💥New Normal အချက်အပြုတ် novel တောင်းနေတဲ့ချစ်လေးတို့တွက်လာပါပြီရှင် ... Title- Futuristic Gourmet's Spoiled Marriage Description ဖုဘလော့ဂါလေး လင်းယောင်ယောင် သည် "ဒဏ္ဍာရီထဲမှ အရှင်သခင်" ဆိုသည့်ဝတ္ထုတွင် သူမနှင့် နာမည်တူနေသည့် အမျိုးသမီး ဇာတ်ပို့ဇ...
