روايـةعـشـق الـكـرار واجــرام

البارت الثاني

وصلنا للعراق بعد مرور يومين نزلنا الباص بالمنصور .
نزلنا غريبة علينا الشوارع والسيارات وكأنو المكان غريب علينه
– ادريـس : هسه أنتُ متفاجأين حقكم هههه.
– نـريمـان : اي والله احس المكان غريب عبالك أول مره احنه بالعراق هههه.
– أجـرام : اي والله .
– المهم اخذلنا سيارة بابه ورحنه البيت جدي اهل مامه
طول الطريق مستغربه من الأماكن. وصلنا البيت جدو استقبلتنا مرة خالي كوثر اكلتنا اكل عبالك مشايفة
وخالتي سرور سلمت سلمنا وگعدنا ناسيه كل الحچايات العراقية القوية صرت استرجع ذاكرتي .
بلشت مامه تضحك وتسولف كالعادة
واجتي بنت خالي دنيا  گعدت يمنا اني وأختي وتسألنا عن تركيا وشنو سوينا وشنو عدنه اغراض.
بعد مرور 10 ايام صارو بابه ومامه يدورون علي بيت ايجار بحي الأطباء العامرية ومالگو لأنُ كلشش غالي ايجارهم .  راح بابه يدور هوَ وصديقه بشار بمنطقه اسمها حي الفرات ومالگه بنفس اليوم راح ثاني يوم هوَ وعمي يسار يدورن من الضهر لليل ولگو بيت زغير كلش 75 متر وابد موحلو والگاع صبه
ثاني يوم اجه صديق بابه بشار ويا بابه واخذونا بس أيلين بقت يم بيت جدو اخذنا بشار وأشترينه اثاث بيت وأخذناهم للبيت ألي راح نعيش بي
نضفنا البيت وخلينا كل شغلة بمكانها ثاني يوم رحنا هم نكمل الاغراض
– نـريـمـان : ادريس ليش مانسأل على هذا البيت الي بالركن والله مرتب وسيراميك وطابقين صح زغير بس حلو .
– ادريـس : يلا بشار خلي نسأل .
– يلا هم صح هذا مرتب احسن من هذا
– بـشـار : السلام عليكم
– ام البيت : وعليكم السلام
– اختي هذا البيت للأيجار؟
– اي نَعم
– شگد سعره؟
– .....!
– اها أريده واليوم يأجرو الجماعة
– تمام عيني .
– بس المفتاح !
– اي صح تفضل
– أدريس : ام أجرام اجرنا البيت وهذا المفتاح
– صدگ اي الحمدلله.
– نريـمـان : فرحت كلش أول مادخلت المنطقة ردت هذا البيت هم مرتب وهم بنفس السعر مال هذا البيت
نقلنا اغراضنا وأستقرينه وصار كلشي مرتب وحلو صح البيت كلش زغير بس مرتب .
– أجـرام : بعد مرور 6أشهر صار وقت المدارس وبابه سجل أخوية الزغير بالمدرسة الي قريبه علينا واني وأختي أخذ نقل من مدارسنا القديمات قبل مانسافر وسوالنه أستضافة وقبلت المديرة بس رجعوني للرابع ابتدائي لأنُ تركت وسافرت ماقبلو الدمعة بطرف عيني مقهورة شكبرني 2008 ويه 2010 وچنت مسجلة قبل موعد التسجيل مالتي بالأول أبتدائي لأنُ شهر الـ1 بعد 3ايام داومت مامه وصلتنا للمدرسة دخلت أول درس چان عدنه درس أجتماعيات دخلت كلش مستحيه ومامه سلمت على المعلمه أوصتها بيه اسمعها تگول الها خاف تحچي وعبالچ ترفع صوتها عليچ تره هيَ هيچ أسلوبها والله بالنقاش متعرف تحچي بصوت ناصي
– المعلمه : لا عادي اصلاً احنا دارسين ونعرف هذا الشي لتخافين أمني .
– نـريـمـان :اي والله ياريت شكراً ست معَ السلام
– الله وياچ حبيبتي .
– أجـرام :راحت مامه ودخلت المعلمة گلبي يدگ سريع الصف متروس ولد وكم بنية وياي بس .
– المعلمة : شنو أسمچ ؟
– اجـرام .
– ححلو .
– ابتسمت ألها خلص الدرس الأول وبدأ الثاني دخل أستاذ اللغة الأنگليزية حلو مرتب وعيونه عسليه على زيتوني عنده اكتاف حلوَ بعدَ زغير عندي طبع من أشوف الشخص لازم أقيمه كل الصف وگف الحد ما گال sdaon بس هوَ مركز بيه.
– الأستاذ : انتِ طالبة جديدة ؟
– أي نعم أستاذ .
– شنو أسمچ ؟
– أجـرام .
– عاشت الأسامي.
–شكراً استاذ.
– مبين عليچ چبيرة مو أستحقاقج الرابع !
– أي أستاذ لأنُ تركت وسافرت التركيا وهناك داومت
–  چنتي بتركيا؟
– أي.
–گعدي.
– گعدت وأحچي بگلبي هذا شبي شكو سأل وشكو گعدني مال هسه ... أففف الصف كلهم مصدومين عبالك شي عجيب أني بتركيا وأنطانه تحضير وخلص الدرس وطلعنا فرصه أشتريت وخلصت ورجعت للصف طلع عدنا درس أسلامية دخل أستاذ أحمد متوسط بالعمر .
–استاذ أحـمد : أنتِ طالبة جديدة ؟
– أي أستاذ .
– هااا
– شنو أسمچ؟
– أجـرام .
– حلو أسمچ
– شكراً أستاذ .
– العفوا.
– أجـرام رجعت من المدرسة تعبانة وأسولف المامه على تعاملهم الحلو وشلون لطيفين داومت ثاني يوم هم داومت أول درس چان علينه أستاذ اللغة الأنگليزية قبل ليدخل سألت الطالبة الي يمي على أسمة
– شنو أسم هذا الأستاذ ألي ياخذنا بالأنگليزي؟
– اسمه الـكـرار .
– هااا شكراً.
– ألعفوا.
أجـرام : حچيت بگلبي هاي شنو أول مرة أسمعه هيچ أسم غريب احسه! .
دخل أستاذ الكـرار كلنا وگفنه الحد ماگال sdaoon
گعدنا وبلشو الطلاب يشاركون وآني أول مارفعت أيدي  كلهم گعدهم وصاح يلاا اجرام سألني وجاوبته سألني مرة ثانية وجاوبته.
– أستاذ الكـرار : v.good خوش محضرة اجرام
– گعدت وخلص شرح وگعدنه ننتظر الجرس يدگ طول حيل هوَ وأگف بالباب يدخل ويطلع ويبتسملي ويضحك والطلاب درس الأنگليزي كلشش أحبه لأنُ أكثر درس اضحك بي وأتونس يتبع ........... البارت الثالث