"كيف أكتب الشعر وعُيونك قصيد
وكيف أوصفك وانتِ القصايد كلها"
الساعه ٤:٥٦ مساءً ، نجد العذيه.
مشى سلطان للأبل منها يشيك عليها ومنها يحاول ينسى القهر الي فيه
من جده ، وصل للأبل ولاحظ احد عندها لين قرّب ولاحظ انه
سطام
سلطان:ياخوي انت جالس هنا ولا داري عن الي صار كله
عقد سطام حجاجه بأستغراب:ليه وش صاير
سلطان:ابد والله اخوك بيتزوج اختي
سطام:اما عاد ، يلا الله يبارك لهم
استغرب سلطان من برود سطام المستفز:وش ذا البرود اخوك تراه معصب
سطام:ياخوي داري ان جدي الي غصبّهم و داري في فعايل جدي ماهوب شي جديد
قام سلطان وهو يحت ثوبه من التربان:مشينا ندور اخوك الخبل لايجيه حادث وحنا مادرينا عنه
قام سطام من مكانه وركب السياره مع سلطان ومشو يدورون مترك
"غرفه البنات"
تكلمت دانه تحاول تهدّي الوضع:شدعوه ياساره ترا اخوي مو ذيك العصبيه
تراه طيب وحنون لكن عشانه يكره تحكم جدي فا يعصب بسرعه
كملت رنا كلام اختها:صح صادقه دانه تراه حنون صح اتفق معك ان ملامحه تروع شويتين و..
ضربت دانه ذراع اختها قبل ماتكمل وتجيب العيد
سكتت ساره وهي تمسح دموعها:خلاص بنات برضى بالأمر الواقع خلونا ذلحين نسوي ايشي
ينسيني الموضوع
لين:ابشرري ذلحين اجيب الأونو حقت اخوي نلعبها.
الساعه ١٠:٣٤ الليل .
مجتمعين الجد وعياله واحفاده العيال بالمجلس يسولفون وياخذون اخبار بعض
جت للجد فكره ونطق:بمناسبه قربت خطبه مترك وساره بكره نمشي للمخيم نحتفل فيه ونبيّت فيه ثلاث ولا اربع ايام
كان بيتكلم مترك لكن مسكوه سطام وسلطان وحاولو يخلونه يهجد قبل مايجيب العيد
تكلم سالم الي اعجبته الفكره:فكره ماهيب شينه خلاص من بكره نمشي
محمد:والله تم ، واحد منكم ياعيال يعلم جدتكم يلا
قام فهد عشان ينبه جدته وطلع من المجلس
قربّو سلطان وسطام ومالك يتهامسون عن الطلعه ونطق مالك وهو متحمس:ياعيال تراها طلعه عائلية وللمخيم بعد! والله حماس
عطاه سلطان ضربه على راسه وهو معصب وقال:ياخوي وين الحماس والي بيتزوجون مغصوبين من الاساس
قام مترك من مكانه بعد ماسمع صوت سلطان الي كان واضح عنده وطلع من المجلس
ناظره سطام بعدين ناظر سلطان الي حس ان مترك سمعه:ياكثر ماقلت لك قصّر صوتك لحد يسمعك ها شفت شصار ذلحين
حك راسه سلطان وهو يقول:ماكنت داري انه بيسمعني طيب
"الجهه الثانية"
الجده:ابشركم قال جدكم بنروح للمخيم نبيّت فيه عشان قربت خطبه مترك وساره
همست ساره للبنات الي جنبها:وين البشاره بالموضوع ليتس هاجده ياجده
ضحكو البنات بصوت قصير عشان محد يسمعهم وكملو اليوم عادي
الساعه ١٢:٤٥ الليل،
"غرفه البنات"
جالسين البنات يجهزون اغراضهم لبكره وكل وحده محتاسه اكثر من الثانيه
حور وهو تحوس بدرجها:ترف شفتي وين بجامتي البيضاء
تكلمت ترف وهي ترتب شنطتها:شوفيها بدرجي خذيتها امس
رنا:اوف نعست وانا ارتب شرايكم نكمل بكره
ميار:وش الي بكره ترانا بنمشي بدري لو تدرين
ناظرت ميار لساره الي جالسه على جوالها وساحبه عليهم:وانتي ليه ماترتبين شنطتس معنا؟
تكلمت ساره وهي عينها عالجوال:باخذ من اغراض حور مو لازم ارتب
حور:بجيحه بدون ماتقولين لي حتى
كملو البنات اغراضهم وراحو نامو مستعدين لبكرا.
الساعه ١٠:٢٣ الصباح .
طلع مالك من غرفته وشاف سلطان الي قاعد عند ناقته وراح له
نطق مالك وهو يطقطق عليه:شكلك جاي تودعها
سلطان:للأسف بغيب عنها اربع ايام
مالك:اما صدق تودعها قلتها بمزح طيب
مشى سلطان لناقته وهو يفكر
سلطان:
"ان جيتها مهموم والقلب ملتاع
الهم عن قلبي تلاشى وضاعي"
تكلم مالك وهو يضحك:لا انت صدق حاله خاصه
لف سلطان عليه وهو يتنهد:مشينا مشينا نتجهز
مشى سلطان هو ومالك وراحو يجهزون
الساعه ١٢:٥٧ الصباح.
وصلو للمخيم ونزلو الأغراض وفرشو فرشه كبيره وجلسو عليها كلهم الا البنات
الي كانو بمخيم واحد يسولفون فيه
نطقت ترف وهي تناظر الخيمه:بنات الحين كيف توزيع الخيمه
لين:قالي ابوي ان كل واحد مع اهله
ترف:حلو طيب طلّعو الاونو نلعب لين ربي يسرها
طلّعت لين الاونو وبدو يلعب
لفت رنا لساره الي جالسه تقرأ كتابها ونادتها:ساره تعالي العبي معنا
تكلمت ساره وهي مالها نفس لإي شي:لا مالي خلق كملو انتو
كملو البنات لعب وهم زعلانين عليها واضح انها زعلانه من الموضوع
مرت ثلاث ساعات كل واحد يسوي الي عليه
راح مالك لخيمه البنات بدون مايدخل وقعد ينادي اخته:ياميار تعالي
طلعت له ميار:شتبي
عقّد حواجبه مالك وهو ينطق:شقومس منفسه انتي؟المهم تراني رايح افحط بالبرّان يعني لو تبين تجين
ميار:الله ابيي اروح معك
مالك:يلا تعالي
لفت ميار على البنات بعدين على مالك وقالت:عادي يجون معي البنات من زمان ودنا نفحط
مالك:يلا بسرعه تراني احتريكم بالسياره
راحت ميار وقالت للبنات واستانسو كلهم وراحو للسياره
لين:مالك ترانا بنركب بالصندوق حق السياره بس دقيقه جدي وجدتي يدرون ان حنا معك؟
مالك:اي معليكم يدرون يلا اركبو
ركبو البنات بالصندوق حق السياره ومشى مالك
