ဒီနေ့နဲ့ဆို ခင်နဲ့မောင်တို့ လက်ထပ်ထားတာဟာ ၁ နှစ်နဲ့ ၁လ ရှိခဲ့ပြီ။မောင်တို့ လက်ထပ်ပြီး ၂လ အကြာမှာ ဘန်ကောက်ကို သွားပြီး စစ်ဆေးမူတွေခံယူကာအိမ်ထောင်သက်တမ်း ၄လပြည့်မှာ ခင်က ကိုယ်ဝန်ဆောင်နိုင်ခဲ့သည်။ ယိမ်းရဝီမောင် ကတော့ ဗိုက်ဖုံးအင်္ကျီလေးနဲ့ သနပ်ခါးလေးလိမ်းကာ ပါးကွက်ကြားလေးနဲ့ ပိုပြီးကလေးဆန်လာတဲ့ သူမ၏ မဗိုက်လေးကို သဲသဲလှုပ်ကာ အချစ်ပိုနေတော့သည်။
"မောင်ရေ.....မောင်"
"လာပြီခင်ရေ...လာပြီ"
မီးဖိုချောင်ထဲကနေ ယောင်းမကို ကိုင်ကာ ခင့်အနား ကိုပြေးလာသည့် မောင့်ကို ကြည့်ပြီး ခင်ပြုံးနေမိ၏။
"ဖြည်းဖြည်းဆင်းပါ မိန်းမရယ် ..... မပေါ့မပါးကြီးနဲ့ ဘာလို့ ဆင်းလာရတာတုန်း ၊ ဘာလိုလို့လဲ ခင်....မောင် ဘာလုပ်ပေးရမလဲ"
ခင့်လက်ကိုဆွဲထူကာ ခုံပေါ်တွင်အသာလေးထိုင်စေလိုက်သည်။
"ဟို..... ခင်လေ.... ချဥ်ခြင်းတတ်နေလို့မောင်"
"ဟုတ်လား.... ဘာစားချင်လဲခင် ၊ မောင် ဘာလုပ်ပေးရမလဲ"
"ဟို ....ခင်လေ... အရီးတင်မေတို့အိမ်က မာလကာသီးစားချင်လို့မောင်... အဲ့တာ ခင့်ကို ခိုးပေးပါလား"
"ဟမ်"
ခင့်စကားကြောင့် ယိမ်းရဝီမောင်လဲ အံ့သြသွားတော့သည်။
"ဘယ်လို ဘယ်လို..... မောင်က ခိုးပေးရမှာလား ခင်"
ထိုအခါ မဗိုက်လေးက မျက်လုံးဝိုင်းဝိုင်းလေးတွေနဲ့ မောင့်ကို ကြည့်ကာ ခေါင်းညိတ်ပြလာသည်။
"အွန်း "
"ဝယ်စားလို့လဲ ရတာဘဲ ခင်ရယ် ....ခင် စားချင်ရင်...မောင် သွားဝယ်ပေးမယ်နော်"
ကလေးဆန်လာတဲ့ မဗိုက်လေးက နှုတ်ခမ်းလေးကိုဆူကာ မောင့်ကို ပူဆာတော့သည်။
"ဟင့်အင်း......ဟင့်အင်း ခင် ဝယ်တဲ့ဟာကို မစားချင်ဘူး..မောင်ကိုယ်တိုင် ခင့်ကို သွားခိုးပေးနော်...နော် နော်လို့ မောင်... မချစ်ဘူးလား "
"ဟောဗျာ ဝယ်စားလို့လဲရတာဘဲလေ... မောင့် အချစ်ရယ်"
ယိမ်းရဝီမောင်ဟာ ခင့်ဆံပင်လေးတွေကို နားရွက်အနောက်ကိုသပ်ပေးရင်း ထိုသို့ပြောလိုက်တော့ မဗိုက်တစ်ယောက် အလိုမကျစွာနဲ့ ဂျီကျလာတော့သည်။
YOU ARE READING
ဗျို့ မမခင်
Romanceခင် ၊ မမခင် ၊မောင့်ရဲ့ တစ်ဦးပိုင်လေး ခင် ခင်ဆိုတဲ့ အမျိုးသမီးလေးက မောင့်နှလုံးသားကို ဟိုးအရင်ကတည်းကနေ အခုချိန်ထိ ချုပ်ကိုင်ထားနိုင်သူ။ ဘဝက ရုပ်ရှင်မဟုတ်မှန်း မမခင်နဲ့တွေ့မှ မောင် နားလည်တော့တယ်။
