« يوم الجمعه »
مرت يومين بدون احداث مهمه
و اليوم يوم العشاء لسلامة وافي
طلع ابو وافي مع الصبح يجهز الذبايح
اشتراها و وداها للمطعم يجهزون العشاء
و جاب معه معاميل الشاي و القهوة
الحريم من الظهر قايمات بالتجهيزات
ام فهد و ام معاذ يجهزن الشاي و القهوه
انسام و غيم رتبن المجالس و بخروها
و بعد المغرب راحن لغرفة انسام يتجهزن
_______________
انسام اخذت دش على السريع بعدها بدت تسوي ميكب خفيف يبرز ملامك جمالها و انوثتها
بعد ما انتهت من الميكب بدأت تسوي شعرها
سوته ستريت و من تحت ويفي خفيف
خلصت من شعرها بعدها اخذت فستانها و توجهت لغرفة التبديل تلبس فستانها لبست و طلعت
فستانها اسود ماسك من خصرها و فوقه
مفتوح من الصدر لكن مو بشكل فاصخ
مغطي الصدر بس ، من فوقه فاتح بس
و تحت ماسك خفيف و واسع شوي
يتميز بوجود نقاط بيضاء صغيره منتشره بكامل الفستان طالع كأنه قطع كريستال صغيرة
انتهت من اللبس و طلعت للغرفه و اخذت سلسال ناعم خفيف عليه شكل فانكليف صغير
لبسته و لبست خاتم و حلق و توجهت للتسريحه
اخذت عطرها الخاص اللي يميزها تعلن انتهاءها
بأخر لمساتها بنشر ريحة العطر على فستانها
و التفتت على غيم ..
_______________
غيم جهزت اغراض الميك اب على بال ما تنتهي انسام من الشاور و من انتهت دخلت بعدها
اخذت شاور و طلعت و بدات تسوي لها
ميكب خفيف يبرز ملامح جمالها و انوثتها
بعدها سوت شعرها كامل ستريت
انتهت من شعرها على خروج انسام
من غرفة التبديل تبي تاخذ رايها بشكلها
انسام : ها شرايك غيمتي
غيم : الله خيال طالعه تهبلين
تقدمت و مسكت سلسال انسام تتأمله
و نطقت : انسام خيال السلسال
انسام : ذا هديه من وافي بيوم تخرجي من الثانوي جابه لي و للحين محتفظه فيه يجنن صراحه
غيم : يالله بتجهز انا ما بقا وقت
انسام طلعت من الغرفه و نزلت
سكرت الباب بعدها اخذت فستانها و توجهت لغرفة التبديل تلبس فستانها لبست و طلعت
فستانها ازرق غامق مفتوح من فوق لكن مو بشكل فاصخ ، فاتح من فوق الصدر بس و ماسك مع الخضر و من تحت شبه ماسك واسع خفيف
توجهت و اخذت سلسالها اللي من عتيق و لبسته و لبست خاتم و حلق و توجهت للشنطه
اخذت عطرها الخاص تعلن انتهاءها
بأخر لمساتها بنشر ريحة العطر على فستانها
دخلت عليها انسام تبي تناديها امها تبيها
انسام : غيم امك تبـ .. وااااوو غيم يجنن
سكتت شوي و كملت : والسلسال خيال
غيم : اي هديه من عتيق بيوم تخرجي
انسام : تهبلين ماشاء الله حتى نسيت اقول لك ان خالتي تبيك تقول وينها طولت ذي
غيم : يالله جايه امشي ننزل سوا
رفعت جوالها تصور ستريك و جنبها انسام لكن وجيههم ما تبين و ارسلته نست ان عتيق معها
نزلوا سوا من الدور الثاني و استقبلوهم ام معاذ و ام فهد بالصاله و انبهروا من جمالهم
ام معاذ : بسم الله ماشاء الله تهبلون
ام فهد : تعالو يا بناتي احصنكم
ام معاذ بمزح : ترا ما حستهم ياوخيتي
ام فهد : عارفه ياخيتي انتي ذكرتي ربنا عليهم اصلا
لكن انا ابي احصنهم من العيون الثانيه عليهم
وصلوا لها انسام و غيم و بدت تحصنهم
أنت تقرأ
في مبسمك يضيع كياني وثقلي وأصير كأني طير بين اياديك
Action.. لا استبيح النقل او الاقتباس .. .. التنزيل كل خميس .. الانستا : 1w_x88
