فلتنحني لقلبي تذللا [ تتمة ]

‎‏‎‏‎‏‎‏‎‏‎‏𝑷𝑨𝑹𝑻★242

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

توترث الاجواء ملي الكل ساق الخبار ان آدم غادي يتزوج بصفية وان عرسهم غيكون من هنا ليومين ، الكل حاول يهدر معاه ويخليو يتراجع على هاد الخطوة ولكن جوابو الوحيد ان هذي رغبة مرتو وهو كيحقق لها ما طلبت ..

قادر ما كانش عاجبو الحال بتاتا وكان مقرر انه بمجرد ما يصبح الحال غيدي بنتو ويرجع بحاله ومستحيل يخليها موراه تحضر لهدشي ..لان كان عالم ان وارد جدا تدير فراسها شي حاجة ..

الكل كان عارف شنو كيعني آدم لهدى ، وشافو بزاف ردات فعل منها بمجرد شي انثى غيرها تدخل  بينهم وخير  مثال لاول نهار حطو رجليهم فهاد فيرما وشافت صفية مطولة النضر فيه وكانت غادي تفتك بها ..

يالا غرابة القدر شكون كان متوقع ان نفس البنت غتكون ضرتها وغادي تشاركها فراجل لي ساكن قلبها ولي حاربت على ودو وعاشت عذاب معاه بانواعه..

تعقدو حواجبها وهي كتستشعر ما حولها في طريقها لاستيقاظ، حلت عينيها بثقل كل ما لقات قدامها هو البياض ، حركت مقلتيها يمين ويسار كتحاول تستوعب فين هي ..

تا كتلقى راسها فالشومبر ديالها ، خيبت سيفتها ملي حسات بالالم عند تحريك يديها ..تلفتت كتشوف فيها  تا  كتلقى مركب ليها السيروم .. دورت وجهها ملي حست بالحركة حداها ..

لمحاتو خارج من الدوش لاوي الفوطة على خصرو ، داز من حداها بدون ما يشوف فيها ..مشا نيشان لدريسنك مخليها موراه راجعة بظهرها للفراش وهي كلها بوؤس ..

ما كانش خاصها بزاف تا يهاجموه دوك الذكريات واخيرة لحظة وقعت قبل ما تغيب ، غمضت عينيها ملي جتاحوها الدموع كانت راغبة غير ترجه  تغيب وما تفيق..

كانت في حالة متخبطة متألمة لما وقع ولو انه كان طلبها الا فالداخل ديالها كانت باغاه يرفض ويبقى على كلامو كيف قال، علاش بدل رأيه واش لهاد درجة كان راغب بها ومنتظر غير الفرصة تجيه ..

تقلبت على جنبها ملي تسللت ريحة الباغفان دياله لانفها عالمة بقدومه ، ما كانتش باغا تشوفه او حتى تلمح خياله ولكن ماشي دائما كتحقق رغباتنا ..

وقف على جنبها عريان من الفوق لابس غير شورط ، ما نبسش بكلمة او حتى شاف فيها حدو هز ذراعها بين يديها محيد لها البرا من وريدها وغطا جرحه بلصاق طبي ..