Hmangaiha ka hmuhloh avang chuan Zuali chu ka bye taa, kalsan mai ange tiin ka bike nen chuah ka in khalh chhuak nghal a, traffic a zam lem loh avang chuan in ka thleng hma hle.
Bike ka dah fel hnu chuan Hmangaiha pawh chu rawn thleng chawp chilh ve nghalin, a thin a ur hmel hle.
Inchhungah chuan lut nghalin a room ah chuan ka nu zawhna pawh chhang lo chuan a lut nghal ta daih a, ka nu pawh a hrilh a hai hle.
“Aaa, hrethiam rawh nu, an fapa ve liau liau anih kha, vawiin ah thil sual a tawk palh aniang.” tiin ka hrilh tha a, ka nu pawh chu a nui suk ringawt.
“Nang i tha em?” tiin min zawt ve thung a, ka ngawih dap avang chuan, “Tunlai thil i ngaihtuah nasa deuhin ka hria a, chu vang chu ania.” tiin chhunzawm nghal a.
Ka hrilh dawn nge dawn lo tia ka buai lai tak chuan, hrilh rih loh hi tha phawta ka hriat avang chuan,“ Umm tha lawm, study pressure na deuh ani.” tiin ka khi suk a, room ah chuan ka luh san taa.
Inthlak zawh hnu chuan ka phone chu ka khawih leh mail mial a, message no. pangai a tang chuan rawn thleng thutin, ka thinphu pawh chu a rang sawt hle.
Open nghalin, PDF in physics MCQ thei awm ho chu min rawn thawn a, ‘Thank you, sir’ tiin ka va reply nghe nghe kha, kan dil pawh nilo mahse tha ve reng reng tiin.
Groupah chuan ka thawn leh taa, thiante chuan an rawn react sup sup bawk.
“Welcome” tih thumal te chu a rawn thawn leh a, a no. chu ka save nghal bawk.
Hmangaiha chu kawngka pawh kik lo chuan a rawn lut phawng a, Ka ka atanga,“Mawlian” tih chuan a zui nghal bawk.
“Enge i rawn tih dawn?” tiin ka zawt nghal vat.
“Ka pawngsual dawn che.”
La nghal em em zui.
“Tak tak in a, i duh dawnlo tih ka hria.” tiin bul an han tan phawt a.
Khuh halh halh hnu chuan,“I thiannu Zuali kha ka vei deuhin ka in hria.”
Ka mengphawk chiang ngang mai, mit tla lek lo chuan a ding lai chu ka en renga, mak ti ve tak chu ka ni.
“Oh, aw le.” tih bak sawi theih ka nei lo.
“Minlo pui.”
Kut suih meuh chuan min dil mawlh mai.
“Zuali i nihpui dawn chuan tih leh tihloh tur a tam ani.” tiin ka hrilh phawt a, a in huam thu a sawi hnu chuan chhunzawm leh in.
“Sex i hmanpui thei lovang in in nei dawn anih loh chuan,
Mihring tam na hmunah i kalpui tur anilo,
In in ngaizawng ani tih nangmah, keimah leh amah chiah in a hre tur ani chuchu a duhdan ani bawk,
Engmah tih leh tihloh tur i hrilh a thianglo, i duh chuan keimah kal tlangin i hrilh dawnnia.”
Tia kan sawi mai chu, a mit ko sân in, har a tih hmel viau.
“Tunah chuan chhuak tawh rawh ka mut a chhuak, chaw ei hma kan tlu zal lawk ange.” tiin ka mut san hmak a, ka khi ve char char ringawt, Zuali ka hlimpui em vang pawh ani mahna.
Reilo teah chuan ka muhil nghal bawk a.
Ka nu in min kaihthawh takah chuan ka intih harh tum chuan kan chhuak vak a, khua thim lutuk leh mihring reh ruih chuan ka ngaih an ti thalo hle. Dar zat en lem lo chuan kawngah chuan ka kal mai mai, kalna lam tur pawh hrelo chuan dawr chu ka pan ta ringawt a.
Dar zat kan en nak chuan dar 10 lo ri thuak tawh in, mihring reh em em pawh chu ka hrethiam chiah.
Dawrah chuan lutin, ice cream chu ka lei ta a, ei pah chuan ka hawi thaw veng mai mai a, street light hnuaia Hmangaiha ka hmu chu ka phu zawk thei. Eng tak ti ang maw.
In lo awm hnungah chuan ka biru kiau a, ka en ru ta reng a, eng an ti chu ka hmu thei chuanglo na in, thil an in pe in ka hria.
Hmangaiha chuan a lak hnu chuan in lam pan chuan a kal ta a, mipa thil petu pawh chu a scooty nen chuan a tlan nghal bawk a, Hmangaiha hnungah chuan ka zui renga, in a luh dawn chuan min hmu a, a hlauhthawn hmel ang reng hle.
Ka hmu tih sawi ka tum lo bawka, a hahdam huaiin ka hria.
Eng mah ngaihsak tawh lem lo chuan room ah chuan ka luh san a, lehkha chu ka zir mawlh mawlh bawk.
Dar 2 a rik chuan ka chau deuh tawh ania nge ka mu hahdam ve taa.
“Thawh ka hai leh ta,” dar zat chu en vatin, dar kua leh a chenve ri dêr, ka pa chu hnaah a kal ani mah na, ka nu pawh inah chuan a awm lem lo, tlai ta ro ro tiin ka hmanhmawh duh vak lova, school pawh chu dar sawm leh min sawm panga velah chuan ka thleng ve taa.
Hmangaiha ride chu garrage a a awm tawhlo avang chuan school ah a kal daih tawh turah kalo ngai a, school parking lot ah pawh chuan a awm lo tih ka hriat hnu chuan tih ngaihna vak a awm lem lo nen class ah chuan luh san in, school bana zawnah ka ti tamai anih kha.
Break ah chuan, Sir Hriata chuan min rawn kova, cafeteria ah chuan min luh puiin, ka eitur chu min order sak a, mak pawh ka ti lem lo, khatia ka no. a neih hnu tang khan kan inbe ve zeuh zeuh va, a fel khawp leh nghal.
“I lu te na em, i mut tlem hmel sia.” a plate a artui chu min rawn pek pah chuan ati a.
“Sir, school ah kan awm hi, friendly vak theihloh nia.”
Kan sîra hmeichhia lo phun ri sep sep te avang chuan ka ti vat bawk.
“Aih nalo e, ka tha phian mai,” tiin ka chhang ve mai bawka.
Kan ei zawh hnu chuan kan chhuak dun leh a, aman pay a châk bawkah, ka eiman min tum sak kha.
Class ah ka kal san ani pawh chu staff room ah a lut nghal bawk.
Vawiin Zuali school lo kal lo chu mi run tak zet kher mai, mood lo nileng ang vel ka ni, engtak tiang maw tia ka ngaihtuah pah chuan restaurant changkang ve tah kan chawlh na tur hmun ka zawn pah chuan ka en kual mai mai a, chutah tak chuan ni, Hmangaiha ride school parking a awmlo leh Zuali nena school an kalloh nachhan tak mai chu.
An lo in date chu ni rengin, Zuali no. kha kava thawn ringawt kha ania engtin nge Hmangaiha'n hma a lak ngam zawk pawh ka hre nek love, an hlim chuan atawk timai ang tiin ka kalsan taa.
“Vawiin kha i nguai kher mai, ka ngaihtuah lutuk che a.”
Hriata chuan in ka thlen hnu chuan min rawn mesaage zeuh.
“Ni e, thawh tlai effect nihhi.”
tiin ka reply vel mai mai bawk, ani pawh chuan a seen ringawt keipawn mesaage dang ka thawn lem tawh hlei lova.
“Hehe, kan stalk tan ange.” tiin ka khi suk.
