شِفت خلّي بعد غِيبه

4

- يازين السعه والبعد عن قوم قال وقيل
ومن الي لسانه يمنع الناس من قربه
.
.
.
الجد يوسف بعصبيه : وين رحتو يالسملق ماقلت لكم بيجون آل علي !
ضاقت الدنيا على سعود من كلمه ( السملق ) لانها تذكره ف امه يوم جات بتروح قالت ( خلكم مع أبوكم يالسملق مابيكم )
همس فراس ل سعود : يولد مشيها لجدي مايعرف امش خلن نسلم عليهم
هز سعود راسه بضيقه ودخل يسلم
.
.
.
خيمه البنات
بعد مجاكره مين يدخل يسلم اول دخلت امواج وسلمت عليهم ودخلو وراها البنات وسلمو جلست امواج ف نهايه الخيمه تهوجس ومشتهيه تشرب شاهي بعييييد عن الناس ، جلست جيداء جنبها بهدوء : هي ذحين ذول ناس طيبين ؟
امواج : على حسب المزاج ، هزت جيداء راسها وقعدت على الجوال ، جات فكره ف راس امواج ورسلت على اخوها احمد...
.
.
.
خيمه الرجال
سعود جالس وضايقه فيه الدنيا وماله خلق لاحد طلع برا الخيمه بدون لحد يحس وأخذ عوده من السياره وطلع يتمشى ،
جات رساله ل احمد من امواج كان محتواها كالاتي:
احمد بطلع أتمشى تعرف محب ذول الناس
احمد : طيب بس لا تتأخرين انتبهي
امواج : ولا يهمك
ابتسم احمد وقفل الجوال
.
.
.
خيمه الحريم
طلعت امواج بعد موافقه اخوها من الخيمه بدون لحد ينتبه بسبب سواليفهم الي ماتخلص لقت قدامها براد شاهي خذته وأخذ كاستين بدون لا تحس وطلعت وقعدت تمشي وتمشي وهي تهوجس
.
.
عند سعود الي كان يشوف احد جاي ف اتجاهه
سعود : من انت
امواج بربكه من الصوت : مين انت بالأساس
ضحك سعود بعد ماعرفها من صوتها : حي الله ام نظرات بريئه
عرفت امواج انه سعود وابتسمت : شتسوي هنا
سعود : الواضح انه سببنا واحد
امواج : صحيح
سعود وهو ياشر على المكان الي جنبه : اجلسي
هزت امواج راسها وجلست
امواج وهي تصب الشاهي : اصب لك
سعود : اييه والله ، ابتسمت امواج وعطته الكاسه صار تلامس بينهم بس سحب سعود يديه علطول وامواج نفس الشي ، صار صمت طووويل بينهم
سعود : اقولك شرايك اعزف
امواج : ايه يلا
قعد سعود يعدل ف العود وامواج تناظره
سعود : طب شتبين اعزف
امواج : مدري الي ودك
قعد يفكر سعود وجات فباله اغنيه : هيا ببدا
امواج : دقيقه عادي اصور ؟
ابتسم سعود : ايه يلا
فتحت امواج جوالها وابتسمت بمعنى ( أبدا )
بدا سعود بهدوء :
ياليت ابوي وابوها اخوان
اخذ من الورد واعطيها
اخذ من الورد واعطيها
اربع زقاير بلا كبريت
كبيرتها منها وفيها .
حست امواج انه يقصدها بس تجاهلت إحساسها وابتسمت له
شاف ابتسامتها وهمس : ياليتك تبتسمي دايم وتتركي هموم الدنيا عن عيونك
شافت امواج شخص جاي من بعيد بس مو باين وخافت : سـ سعود شايف الي أشوفه ؟؟؟
ناظر سعود : ايه والله ايش هذا
قربت امواج من سعود بخوف ، سعود : لاتخافين انا معك
احمد بعصبيه : عشتو شالقعده الرومنسيه ذي وانتي يالذكيه ايش خلاك تروحين وراه؟
امواج بخوف ودموع : احمد تكفى لا تفهم غلط
سعود حس ان طلع الموضوع لفكر احمد بطريقه غلط : يا احمد لا تخوف البنيه ترا مو نفس الي فبالك اسمعني انت وتعال
ناظر احمد امواج ولحق سعود وامواج حتى رجلها مو شايلتها خايفه اخوها يفهم غلط
سعود : يولد وراك تسوي ف اختك كذا تراك فاهم غلط
احمد بعصبيه : وانت شقاعد تسوي هنا بعد !
سعود بهدوء: ياخي أنا اكره آل علي وطلعت مابغا اقعد عندهم وانا قاعد جات امواج وماخليتها تروح لحالها ف البر ماتدري ايش ممكن يصير وغصبتها تقعد معي واساسا هي كانت قاعده بعيد بس انت يوم جيت تحسبك من قطاع الطرق وجات وراي بس كذا !
احمد بعد مافهم السالفه : وانتو ليه ماقلتو لي من البدايه
سعود بضحك : وانت خليتنا نتكلم ؟ بغيت تنهد على البنت
ضحك احمد وراح ل اخته وحضنها وهي تبكي خايفه يعلم ابوها وعاد ابوها عصبي بشكل ومايتفهم أبدا !
احمد : خلاص يابنتي اسف ، امواج تكتم شهقاتها ومتمسكه فيه
جا سعود واخذ عوده : اقولكم خلن نرجع نلحق على العشاء على الاقل وانتي يام دميعه خلي دميعاتك بعدين
احمد : يولد إلا اختي ، ضحكت امواج وهي حاضنه احمد
سعود : شفت ضحكت اختك وانت فالح تبكيها بس
احمد وهي يركض ورا سعود : يولد ، قعدت امواج تضحك عليهم ورجعو الخيم سوا
جلست امواج جنب جيداء ، جيداء : وين اختفيتي
امواج : ابد رحت اتمشى وجيت
جيداء بغمزه : ماشفتي سوسو
امواج بحده : والله ياجيداء تراني مانسيت حركاتك وانتي صغيره
جيداء بعقده حواجب : ايت حركات انتي بعد ؟
امواج بغمزه بعد : فراس هاه مانسينا
دفتها جيداء : يابنت قومي هناك قومي
ضحكت امواج على جيداء
.
.
.
خيمه الرجال
الجد يوسف : تفضلو على العشاء
علي : الله يبقيك ويكثر خيرك ياصاحبي
الجد يوسف : وياك هيا اقلطو اقلطو ، وانت يافراس قم ود الحريم الاكل
فراس : ابشر ابشر
قام فراس شال صحن الحريم وراح لخيمتهم ، سمع ضحك جيداء وابتسم وتنحنح : امي ، هَناي
طلعت له روضه بغنج وبدون طرحه : هات الصحن
صد فراس علطول : كلمي امي ماني معطيك الصحن
روضه : اوف منك ، عصب فراس منها بشكل
طلعت هَناي : يابنت شتسوين انتي هنا حتى بدون طرحه ادخلي جوا ادخلي
روضه : يع فراس شوف اختك
فراس بعصبيه : اقول والله لو مادخلتي بعلم ابوك اوريك شغلك الحين
روضه وهي داخله : خلاص ماينمزح معكم انتو
هَناي : خلاص راحت عطني
فراس : هاك اقل..... يالبيه ( شاف جيداء )
هَناي : يولد قبل شوي تصد وذحين تقول يالبيه
فراس حس على نفسه : هاك هاك
هَناي : لا وصيني بعد اقطع لها
فراس : والله تبين الصدق قطعي لها المسيكينه
هَناي : يولد !
فراس بضحك : خلاص امزح ، راح فراس وهو يتذكر شكلها ويهمس : والله انها حلوه الملسونه

اعتذر ان البارت قصير بس برضو ماعرفت شكتب ههههههههه
ان شاء الله يعجبكم وأعذروني على الأخطاء الاملائيه ❤️