رواية يا ديرتي حنا لك وانتي لنا معشوقتن وعاشقين

البارت "39"

                  البارت "39"

::بجناح البنات::

كان جناحهم بدور الثاني يطلع على الشاطي والبحر مباشره وتحتهم جناح الشباب

العنود مرت من جنب البنات الي بصاله وهي شايله كوب قهوه متجه للي جالسين بالبلكونه انتبهت لوعد الي بجنبها الدله وتشرب وعاد هي معها الدله بكبرها ناظرت وعد:على فكره اختي تري في اضرار لكثرة القهوه وراحت
وعد ناظرتها:سبحانك الله يا مغير الدنيا العنود الي كانت تدمن القهوه ومستعد تشربها اليوم كله قامت تعطي نصاحيه عن كثرة القهوه خلصت الفنجان وناظرت الدله:بس صدق جاني فضول وش اضرار كثرة القهوه؟
سهى:وش يعرف اهلي انا اسألي قوقل
وعد سكبت فنجان من الدله وتشرب:وانت الصادقه
سحر مرتهم متجهه للبلكونه ارتكت على الكنبه:اقول بنات ما تبون نطلع شكل الجو فنان
ايلاف:ابنطلع بس اصبري يأدني العصر ونصلي ونطلع مره وحده
سحر افتكرت:ايه صح وانتي الصادقه على وشك يادن العصر انتبهت على وعد الي جالسه بجنبها وناظرت جوالها تشوف وش تقراء هزت راسها:الى اي مد وصلت فيك قوة البجاحه وعد؟
وعد لفت لها:ايشش وش مسويه؟؟؟
سحر مرتكيه:تقرائين اضرار كثرة القهوه وفنجان بيدك والدله بجنبك تشربين قهوه!!
وعد رجعت نظرها:لا بس جاني فضول اعرف اضرارها واكتشفت ان كل الاضرار ماهي موجوده عندي وتأكدت ان قوقل كذاب
سحر:يمكنك ما وصلت للاضرار ذي يعني صح انك مدمن بس حدك دله بالكثر ولا تزيدين عليها
وعد:بالضبط يعني اكيد ما وصلت للاضرار الي يقولها
سحر عدلة وقفتها:ابروح للبلكونه مع باقي البنات
سهى وقفت:ابروح معك واتجهو للبلكونه
دخلت ميساء وريم الجناح ميتين ضحك:ههههههههههههههههه
ههههههه
البنات ناظروهم:؟؟؟؟
فرح:عساه خير ليه الضحك؟
ولاء:اساس انتم وين كنتم
نجلاء مصدومه:ايش الي بيدكم؟؟
ميساء ترفع جزمة كفر:مثل ما انتي شايفه جزمة كفر سرقنا حقت ريان وياسر
ريم تضحك:ههههه تاركينها بدرج وحنا شفناهم وهم ما كانو دارين عنا اصلا ومن سرقنها وهربنا نسمعهم يقراؤن قران يحسبونها جنيه شالتها ههههههههه
انفال ضحكت:هههههه ما الومهم لو بدالهم كان سويت مثلهم وش يعرف اهلي انكم انتم الي بتسرقوها
ميساء جلست تلبسها:انا متحمسه من اول ابي اجربها وهم مو راضين يعطوني
البندري متحمسه:ريم تكفين اعطين بجربها
ايان منصدمه:انتم من جدكم بتجربوها هنا اطلعو برا لشارع ماهو هنا
ميساء:عشان نطيح على وجيهنا قدام خلق الله ونصير مسخره يعني؟
ريم:لا افضل اجربها هنا واطيح لين اقول امين ولا اطيح عند الناس
البندري:هاه بتعطيني ريم؟
ريم:اصبري اجرب اول ثم ابشري بعطيك
نجلاء:ميساء ابغى اجربها حتى انا
ميساء بعد ما لبسة تحاول توقف:اصبري بيجيك الدور ناظرتها:ساعديني اوقف مو قادره
نجلاء ابتسمت بخبث:ابشري ركضت لها وساعدتها توقف
نجلاء:توازني لا تهتزي
ميساء وقفت بتوازن:وقف بس مستحيل اقدر اتحرك
نجلاء بخبث:وهذا المطلوب ودفتها بقوه
ميساء تصارخ:لااااا نجلاااء يا حقيره وقفيني نجلاااااءء اتجهت للبلكونه
اما عند الي بالبلكونه
العنود جالسه على سور البلكونه:وربي صادقه الجو ينعنش
ساره جالسه فوق الطاوله الموجوده بالبلكونه ناظرتها:انا الي اعرفه ان المشروبات هي الي تنعنش الواحد ماهو الجو
العنود:لا انا بنظري الاجواء هي الي تنعنش
منيه جالسه على الكرسي وبحضنها معاذ:اقول سوير انزلي ضاقط بك الاماكن الا تجلسي فوق الطاوله؟
ساره:على الاقل انا احسن من العنود ومضاوي جالسين على سور البلكونه لو يجي هواء قلبو مع البلكونه
مضاوي كانت تتأمل البحر مو يمها
العنود:يقال لك احنا ريش مثلا يطرينا الهواء
عبير تأشر:ايش عندها مضاوي من جلسنا وهي تتأمل البحر
حور:مدري من اول معها وهي على نفس الحاله
لمى:عادي خلوها يعني حرام لا تأملنا خلقت ربي
مضاوي لفت للبنات:هيا بنات ننزل الشاطئ مره الجو يفتح النفس
العنود:يب صادقه
سحر:انتظري نصلي العصر اول
مضاوي افتكرت:ايه صح صادق اعطيني منيه عبايتي بالبساها ابي ادفى
منيه ترمي لها عبايتها:اخدي
مضاوي نزلت من السور ولبسة عبايتها وطرحتها:كذا دفيت الحمدلله رجعت تجلس فوق السور
منيه:اختاه انتبهي لا تطيحي من البلكونه
مضاوي ناظرت تحتها:عادي لو طحت بطيح على الرمل مو بصاير لي شي انتبهت على طارق متكي على البلكونه حقت الشباب الي كانت تحتهم مباشره بس هو كان واقف على الشاطئ مو بالبلكونه مثل الشباب ويضحك واضح مندمج مع احد بسالفه ابتسمت:اول مره اشوفه يبتسم ويضحك من قلب
البنات ناظروها مستغربين:ميين؟
مضاوي لفت بسرعه:هاه ولا احد
سمعو صراخ ميساء وماهي الا ثانيه وتدخل عندهم بالبلكونه تصارخ:وااااااااااااااااااااءءءءءءء ساعدوني اقوووقف لحقوووني
مضاوي ما مداها تستوعب تشوف شفيها اختها الي تصدم فيها ميساء والي كانت خايفه منه منيه حصل وطاحت من البلكونه والبنات لحقو على ميساء ومسكوها ولا كانت انقلبت معها
البنات بصراخ:مضااااوي طلو كلهم يشوفون وش صار لها شهقو:هيييييييه