- البـَرد ماهـُو رجفـة يديـِن و عظــَام ، البـَرد بــَرد الروح لـاغـاب غالـِيك -

1

( بـسم الله الرحـمن الرحـيـم )
--------
كانت تغريد نايمه و خواتها حور و شريفه يسولفون بموضوع خايفين تغريد تعرفه لانها راح تعصب ووتضايق .
حور : اسمعي شوشو مقدر مقدر اقولها وربي خايفه
شريفه : لا لا ان شاء الله ماتهاوشنا امشي امشي نصحيها
راحو حور وشريفه يصحبون تغريد .
شريفه : تغريد تغريد قومي نبيك بموضوع
تغريد : وش فيه مصحيني على نصاص الليالي وش فيك؟
حور : بنقولك شي بس لاتتضايقين ، ترانا مثلنا مثلك متضايقين
تغريد : روري تكلمي اخلصيني بديت اخاف !!
شريفه : لا لا خلص بنقول بدون مقدمات اسمعي بابا مو صح هو عند جدك بالديره
تغريد : اي ادري انه هناك وش الجديد يعني
حور : اااا شروف مقدر اقول!!!!
شريفه : بابا و ماما راح يلمون عفشنا ونروح نعيش بديرن لطول العمر
تغريد : ايش!!!! والله ما انقل معهم شريفه تستهبلين حياتي كلها هنا !!!
حور : هدي هدي لاتعصبين
تغريد : وانتم كيف عرفكم؟
حور : انا من لقافتي سمعت صوت ماما وهي تتكلم مع بابا و سمعتهم ان جدي اقنع بابا يقعد بالديره وينقل فيها
تغريد مسكت راسها: ياراسي راسي شوي ينفجر !!!
شريفه :  بسم الله عليك توتي
تغريد : بروح اشوف وش السالفه لأن راسي بينفجر عليكم اذا ماعرفت ليه ننقل !!!!
راحت تغريد لامها جواهر
تغريد و الغصه بحلقها : ماما صدق بننقل
جواهر : اي يا ماما راح ننقل
تغريد وهي تبكي : ماما تكفين ماابي انقل معكم لديره ابي اقعد هنا عند دراستي وصحباتي بليز ماما ماابي انقل
جواهر و هي تحط راس تغريد على فخذها وتلعب بشعرها و تهديها : ماما متطرين اننا نروح واذا عشان صحباتك بخليك تسافرين له
تغريد : طيب ماما اذا ما عجبني الاجواء هناك برجع الرياض!!
جواهر : اذا وافق ابوك
تغريد : لا ماعليك بخليه يوافق
جواهر : يلا بكره راح نمشي روحي جهزي اغراضك انتي و خواتك
تغريد : طيب ماما
راحت تغريد وجواهر قامت تقول لعيالها :
جواهر عند عيالها :-
جواهر : طلول  قوم يلا يكفي نوم حبيبي
طلال : خلص يمه الحين اقوم
جواهر : بروح اصحي اخوك والقاك قايم
طلال : ماعليك بقوم بقوم
راحت جواهر تصحي عبدالاله :
جواهر : عبدالاله قوم يلا قوم روح جهز اغراضك عشان بنسافر بكره ( طلال و عبدالاله يدرون بالسالفه )
عند البنات :
تغريد بعد ماراح غرفتها و جهزت شنطه و اغراضها
راحت عند شريفه و حور الي خلصوا من بدري
بغرفه شريف :
تغريد : بنات متضايقه حيل حتى بكيت عن ماما ماابي اروح تكفون اقنعوا ماما وبابا اننا ماننقل الديره
شريفه : شنسوي عاد ابوك اذا قال شي ينفذه وانا الصراحه حاولت اقنعه و ماوافق لأن جدك زيد مصر عليه
حور : قوموا قوموا خلينا نساعد ماما على الاغراض
تغريد : هذاني قلت لكم اذا ما ارتحت هناك والله لاارجع الرياض ولا اقعد هناك عندهم
شريفه : والله تسوينها يابنت صالح
تغريد دق جوالها وراحت تشوف بين :
تغريد : وايي وحشتيني شموخ وينك مختفيه؟!
شموخ وهي تصيح : توتي عرفتي الموضوع؟
تغريد : اي موضوع؟ ، لايكون موضوع نقلنا للديره ؟!!
شموخ : ايي ، بابا جاء عندي وقالي و قال للكل وانا حاولت اقنعه بس مارضى ريري تكفين وش نسوي عاد ماما اغصبتني اني اسوي غراضي لأن بكره ماشيين
تغريد بحزن : اي حتى انا سويت اغراضي ، حاولت اقنعهم بس اعرف بابا اذا فتحت سيره اني ماراح اروح راح يعصب علي وانا ماابيه يعصب . عاد شنسوي لازم نتقبل الأمر الواقع !!
شموخ : طيب ، باي ماما تناديني
تغريد : سيو .
بعد ماقفلت المكالمه نزلت مع خواتها يساعدون جواهر .
------------------
عند الجد زيد و الجده موضي :-
الجد زيد : جاك الخبر ولا لازم اقول؟!!
الجده موضي : لا لا جاني الخبر ( بتوتر )
الجد زيد : اي زين مااخذتي مني وقت يلا روحي جهزي كلشي اليوم بالليل ابي كلشي محضر و زابط ، بكره يجون ان شاء الله
الجده موضي : ابشر
وراحت الجده موضي و بنتها تسواهن يرتبون الاشياء و ينظفون
عند الشباب :-
شـُجاع : سمعتوا جدي وش قال ؟
نواف : اي ندري عمي بندر وعمي صالح بيجون ويعيشون عندنا
هايف : بناتهم مزز؟
حامد : اقول ياراعي النسوان استح على وجهك لا ادفنك
هايف : لا لا خلص خلص انكتمنا
شـُجاع : هي يا عيال امشوا نروح للنياق ماعندنا شغله ولا مشغله
نواف : يا الفاضي جدي يبينا اليوم نرتب المجلس و القعده البرانيه
شـُجاع : ياليل امشوا امشوا خلونا نخلص مالي خلق له ذا الشايب
ضحكوا العيال و راحوا ينجزون شغلهم
..............
إن شاءالله اعجب البارت الاول💘
سكب للاغلاط الاملائيه .🎀