فلتنحني لقلبي تذللا [ تتمة ]

‏‎‏‎‏‎‏‎‏‎‏‎‏𝑷𝑨𝑹𝑻★246

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

هدى بمجرد ما سمعت اش قالت وهي تبتسم بمرار ناطقة بسخرية:" نفس الهدرة لي قلتي ملي كنت مع انس وبغيتو تطلقوني منه ، نتي باقا صغيرة الف واحد يتمناك ويبغيك ، انا ماشي روبو غير كنسالي مع واحد كنسى ما داز ونبدا ازيرو ، انا دابا من بعد هاد الزواج كتسناني غير الموت ، كتظني انو بقا عندي حياة من بعد آدم ،تا حاجة ما بقات فيا مقادة لراجل اخور ...انا هنا ساليت ."

سميرة غوبشت فيها :" ايوا ملي ساليتي ، اشنو معمول ، راضية بالذل معاه ، راه فعايلك لي وصلوك لهدشيي ،  مفهمتش انا فين عقلك وصيتك تجمعي وتطوي معاه سيري نتي حلي ليه راسك ، ملي باغا تعتقي ما بقا ليك سدي رجليك شوية ".

قربت لعندها كثر جارة ليزار من على لحمها كاشفة عند دوك الكدمات لي متنشرين على لحمها القدام منهم والجداد ..

سميرة:" لاش كتخليه يدير فيك هاد الحالة  ، لي بداه لك البارح كملو ليك اليوم ، واش نتي مونيكة مكتحسيش ، مخلياه يلعب بك كيف باغي ، نتي مكنتيش ناعسة مع راجل نتي كنتي مع حيوان ".

هدى جرت على ذاتها ليزار ناطقة باستسلام:" براك اماما ، هدشي بيني وبين راجلي وتا حاجة من هدشي ما كتدير بزز مني ، انا لي كنبغي هاكا، وعفاك الا ما عندك باش تنفعيني بلما تزيد عليا لي فيا كافيني ."

سميرة غوبشت فيها ناطقة باستياء:" ايه سري نيت لي واكلني قلبي عليك ولكن اش نتسنى من مدلولة بحالك ، من نهارك مدلولة وغتبقاي عمرك كله".

هدى عضت على شفايفها بحرقة ملي حست بدموع كيتجمعو فعينيها ناطقة ببكاء:" هذا ما كان ناقصني نسمع منك اماما ، ما كلاك قلبك عليا تا شفتيني باغا نموت ، اما كون بقيتي مكملة نفورك ليا ، كتدوي على راجلي ، نتي اكثر من ذلني فهاد الحياة  فراه ماشي شي حاجة جديدة ، انا هاكا ".

سميرة:" ذليتك؟ حيث كنت باغا ليك حياة كريمة ".

حركت راسها برفض وهي كتضحك بطريقة ساخرة :" علامن كتكذبي اماما ، ديك الحياة كريمة كنتي باغاها ليا من الصغر ؟ (تنهدت ) عرفتي شنو مكاين لاش نهدرو فهدشي وما كاين لاش تهزي ليا الهم انا عارفة انك متحملينيش فما كاين لاش تبيني العكس حيث انا عارفة انك غير مبززة على راسك ".