فلتنحني لقلبي تذللا [ تتمة ]

‏‎‏‎‏‎‏‎‏‎‏‎‏𝑷𝑨𝑹𝑻★247

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

داز الــوقــت ..

وظلم الحال ، كانو مجموعين كلهم على الطبلة كيتسناو العشاء  يتحط ..الكل كان موجود  بداية من عياذ وميرفت تا حليمة وبناتهم  الشخص الوحيد لي كان غايب هو  هدى لي ما بقاتش بانت من الصباح ..

تا آدم ملي هبط ما بقى رجع لعندها ، كان كيحاول يشغل راسو ويبعد عليها يعودها على غيابو  ويتعود معاها ..خرج من سهوه ملي حس بيبيد صفية على يدو وهو يتلفت لها ناطق بهدوء..

آدم :" مالك ، اش عندك ".

هزت يديها كتحرك يديها جهة وجهها كتنش عليه:" كنحس بوجهي كيحرقنييي".

قرب لعندها كيتفحص ضمادها قبل ما ينطق :" نوغمال ، بدا يبرا ، غير صبري تا نتعشاو ونطلع نبدلها ليك ونخليه هاد الليلة تنعسي بلا بها ".

حركت له راسها بموافقة ووهي كتبتسم له ، دور وجهه كيشوف فالخدامات لي توزعو على طبلة كيحطو الماكلة تا كتنطق ميرفت موجهة هدرتها لوحدة منهم ..

ميرفت :" زهيرة، خلي داكشي من يدك وطلعي كلمي هدى تهبط تعشى معانا ، نهار كله ما كلات والو ".

خدامة حركات راسها باحترام :" واخا الالة ".

حطت داكشي من يدها ودارت باش تمشي تدير ما طلب منها وهي توقف فنفس الطريق ملي سمعت آدم نطق على غفلة مخلي انظار الكل تحول عليه..

آدم :" مكاين لاش تعيط عليها تنزل ، غير طلعي لها الماكلة تا لعندها".

ميرفت عقدت حواجبها :" وعلاش، خليها مسكينة تنزل ".

آدم هز راسو فيها ناطقة ببرود :" دويت ،ما كاين لاش تنزل ".

بمجرد ما نطق بها تسمع صوت قادر الغاضب :" لا راك زدتي فيه ، حتارمنا غير حنا واليديها لي باركين معاكم ".

آدم تلفت ليه :" تا واحد ما قلل منك لا نتا لا بنتك ، متنساش راها مرتي ، وانا ماباغيهش تنزل ..ومن حقي ".

مع نهى كلامو مع تسمع صوت خطاوي خلاو الكل يتلفت لمصدرهم ، تا كتبان هدى نازلة بخطاوت متزنة  تجاههم بملامح هادئة ..

غير قربت لعندهم وهي تبتسم بدفء ناطقة بهدوء:" بصحة عشاكم سمحو ليا تعطلت ".

ميرفت تلفتت لها :" بلعكس لقيتنا كنتسناو اجي بركي ابنتي ".