السلام عليكم اعرفكم على نفسي اني صخيمه عمري 5 سنوات عايشه ويه اهلي رجل امي ومرته وامي واختها واختي واخوها وبيبيتي وجدها وخالتي ومرتها
طبعا خ اوصفلكم شكلي اني بيضههه كلش بحيث بت خالتي تغار مني لان اني سوده وهيه حنطاويه تريد تصير سوده مثلي طولي 200 عيوني لون بنفسجي
اني صف خامس اعدادي جنت هستوني راجعه من البيت فتحت الباب شفت زلم معگلين وصوت صياح لمن طبيت كلها سكتت وضلو يباوعولي
گام واحد من الزلم جبير رجليه بلگبر صاح
نعوله:: ها ولج ام الچعچ اني اعلمج اذا مااخليج تعيشين احلى عيشه
صخيمه:: طيططط ها خالي سالمين خو ماكو شيء
اشو هذا شافني هيج گام يبجي وراح گعد يم امه
طبيت سبحت وفكيت شعري گمت اكنس الگاع بيه كملت كنس ضفرت شعري ورحت للصاله اكنس لگيت الزلم بعدهم يصيحون
صخيمه:: يمه هذوله شوكت يروحون
شحاطات:: انجبي يمه ولج لا بس ياخذوج فصليه اخوج جار شيخ عشيرتهم زيج لا يربي
صخيمه:: يااا اني اروح فصليه لا عيني هذا مو مستواي اني يحلم بيه كل رجال هسه اوكفي اني احلها
دفرت الباب وطبيت صحت
_ هييييي ولكمم امشو يلا كلمن البيته مفتحين روضه هنا للمزعطه لو شنو يلاا
گام نفس الزلمه الي رجله بلگبر
نعوله:: مانطلع مناا لحد ماناخذ فصليه لابني أحذيه
_ هوه وينه خ اشوفه اذا حلو اروح اذا لا تعذروني اني حلوه اريد واحد حلو مثلي علمود نجيب گيمر
گام واحد معضل اسم على مسمى جنه احذيه
گلت بيني وبين نفسي هوه هذا مستواي مو زين
يتبع.....
انتضرو بارط تو وشنو رأيكم
لاتنسون التصويت يلا ولو
