الكاتِبةَ: زَيِنَب حُسِيَن
الرواية: ضياغم الليث♥
.........
تصويت كومنت بين الفقرات 🔥
انا المنطيك گلب أبيَض
عَليش تخلي أصبعي من الندم ينعَض ؟
عليش تخلي حچي يّألما حچيتة وَياك . .
يم الغُربة يتفضفض !
........................................................
~ فهد ~
رجعت من الشغل تعبان كلش ومالي خلك سبحت
وكعدت ب الصاله اباوع الجهاز صبتلي امي اكل طبن البنات
وبدلن وطلعن كعدن يسولفن وهيڤار ماكو عكدت حاجبي
وطفرت من الاكل لزمتني امي وكالت
- ولكك فهيد وين مولي مو جوعان شو ماكلت
فهد - يمه الخاطر الله وخري هيڤار الحد هسه ماكوو خلي اروح اشوفها
- شنيييي هيڤار بعدهاااا ما جايه
فهد - ايي
هدتني طلعت اركض صحت للمحمد وسولفتله راح يركض جاب السياره ركبت شغل السيارة وطلعنه
وصلت نزلت طبيت اركض بوجهي للادارة لكيت المعلمات ملتمات
كلت : السلام عليكم
باوعلي مستغربات
- وعليكم السلام ورحمة الله
فهد - بت عمي هيڤار الحد هسه ماكوو ماحلت
- ماكو طالبه بقت ب المدرسه كلهن حلن
فهد - بس بت عمي ماكوو اريد ادور عليها
- ولله مايصير ماكدر
فهد - بس...
- اخي لا تسويلنه مشاكل منكدر هاي مدرسه بنات وانته ولد
عفتهن وطلعت اجاني محمد يركض
محمد - هااا بشر
فهد - تكول كلهن حلن .. امشي تعال
محمد - وين
فهد - انشوف الكاميرات
دكينه الباب مال الناس الي مخلين كامرات سولفتله طلع روحنه يلا قبل فتحنه الكاميرات نص ساعه يلا
ركزنه شفناها طبت بعد ماطلعت
التفتت مستغرب وخايف صاير الها شي طلعت صفنت اردف محمد
- شلون هسه جا اذا طبت يعني بعدهاااا ب المدرسه
