(ريماس )
مرت ايام عاديه وتأجلت جلستي للمره الثانيه وماعرف شنو السبب ورا التأجيل بطني صار بيها مثل الانتفاخ صغير تلمستها مبتسمه طلعت من تفكيري من زينب كالت ...
زينب : احس بيج بنات .
ريماس : شنو قصدج توأم ؟
زينب : اممم لان صارلج شهرين وبينت بطنج ما شاء الله لهذا السبب حسيت مرت ابويه هيج جانت بطنها من حامل .
ريماس : الله يسمع منج ماريد شي غير يبقون عايشين واشوفهم بعيني اني قبل مده خسرت طفلين .
زينب : ياااا عيوني سوده عليه ان شاءالله تتعوضين باليجي .
ريماس : امين باوعت عليها حسيت عدها حجي بس متردده .
احجي زوبه شبيج .
زينب : ولا شي گلبي بس اشتاقيت لاختي .
ريماس : فتحت ايدي الها متصورت راح تفرح هيج وادمع حضنتها كل قوتي وصرت اطبطب على ضهرها ابتعدت وباوع عليه بأمتنان وطلعت للحمام بهل اثناء اجتي الشرطيه وياها ممرضه .
ــ : تعالييي هنا عندج ابره .
ريماس : وكفت يمها وضربتني تحت الجلد ابره وجان بيدها علاگه ادويه سلمتها الي عرفتهم مثبتات ومكملات مال حمل .. رادت تطلع ووكفتها .. عفيه شوكت الجلسه مالتي ليش تاجلت ؟؟؟
باوعت وكالت بشماته ..
ــ : هههه يااا حلوه كعددي هناك شغلتج طويله .
ريماس : قفلت الباب وخلتني جامده بمكاني حسيت على ايد على كتفي شفتها زينب .
زينب : ميخالف كعدي ارتاحي عيني الله كريم .
ريماس : كعدت الدمعه بعيني صار الليل واجوي ثنين شرطيات يصيحون وينترون ..
ــ : كومن اشتغلن يلا الحمامات اريدها تلمع يلا ....
زينب : لتكومين انتِ اني اشتغل بدالج .
ريماس : رفضت هي تشتغل بدالي بس مانطتني مجال وهي اشتغلت الشغل المفروض اني اسوي ..
ــ : ريماس هشام ... تفضلي ويانه ..
ريماس : التفتت جان ضابط شفته بيوم المحكمه اجتي شرطيه كلبچت ايدي وطلعتني دخلنا بمرراات هواي إلا إن دخلوني غرفه بيها فقط ميز وثنين كراسي كعدت على كرسي وفتحت ايدي باوعت بانحاء الغرفه مفاهمه شي طلعت وعافتني وحدي ثواني ودخل شرطي وراها ..
قحطان : سلام عليكم.
ريماس : عليكم السلام .. ابتسم وسد الباب واجه كعد مقابيلي .
قحطان : يابا اني صديقه لراهب طلبت نحقق وياج وراهب خاطره عندي جبير راد تحجين ويا راح اتصل بي احجي ويا براحتج .
