مُذكرات مجهولَه.

٢٠٢٤/١١/١٩

٢٠٢٤/١١/١٩-----------الثلاثاء:

_ بطريقَه مـا أشاهد نفسي تحترق أمامي أشاهدها  تنصهر بقوةٍ وتحترق وكأنها لم تڪن  شعرت بأَن جهنم بداخلي لم يكن ينقصني سوىٰ بعض الكفار  لتصبَح مثل الهاويِه.. براكين مشتعلَه أشاهد كل شيء أمامي  وأسأل في بعض الأحيان لم كتب لي أن أرى هذا كله.. كيف لي أن أحمِل هذا كُله كيف لي أن ابتلعه.. حتىٰ وإن ابتعلتُه هو يسممني  ويضهر علىٰ وجهي بهيئه تعبٍ مرير  رغُم هذا ڪُلّه لازلت احارب وأقوي نفسي وأقول الرب لن يتركني وسيعنني   مثلمَا كتب لي أن اشاهد كل هذا..  سيعينني على تحملِه وإن ماهذا الا اختبارٌ لي وبعدَه سيجازيني على كل شيء..  تحملته في وقتٍ كان يصعب علي فيه التحمل..  وعلى صبري في وقت كان يصعب علي أن اصبر فيه....  لعلَّ هذا ڪلَّه سينتهي بطريقةٍ ما.. لعل الفرج قادم.. "بلگي باچر تفرِج..بلگي باجر تهون"  وفي نهايه ڪل شيء الحمدلله.. الحمدُلله.. دائما وأبداً..  لن يترك الله عبداً رفعَ اليه يديه أو احسن الظن به...

_ يحيطون بيه ناس موزينين بكل مره.. صعب هواي وانتَه چاي تشوف غيرك يعيش أشياء انت تتمنىٰ تعيشها وأنته تشوفَه فجأه تحس بنيران وتنشب بكلبك ابسط وصف الها(جهنم) واسئل نفسي بيش مطلوبَه اشهد هذا ڪله؟!  وبنفس الوكت اكول دام الله خلاني أنحط بهيجي موقف صعب فهو يريد يختبرني.. مجبوره أصبر بلڪي تفرج.. بلكي تفرج..

تعبانَه بطريقه سيئه جاي اشوف نفسي تنهار كدامي وجاي احاول اساعد نفسي..  عندي يقين الله ماراح يعوفنَه..  الله راح يساعدنه راح يهونها هوه الحنين ع عبادَه مستحيل يعوف عبدَه هذا كله اختبار ويكضي...  هذا كله اختبار من رب العالمين.

_ صحيح اني مو بخير  بس بعدني احارب مستمره رغم انو اني مو بخير بعدني اسعىٰ رغم انو اني  مو بخير  بس احساسي  إنو الله وياي يقويني ويرشدني..

_ يمكن آني من گد صعوبَه الموقف أو الاشياء الي جاي تصير بحياتي  جاي احسها مثل الحلم وع ساعه يفززوني منه وماجاي اتقبلها.. بس رغم كلشي هاي آني بعدني ثابته بمكاني احاول اهدئ نفسي واكول هوه اختبار ويكضي وراح اتجازه عليه...  او اكول راح اتعوض والي راح ماجاي من نصيبي

احاول ابعث بنفسي بصيص من الامل  يحييني وأحاول اسند نفسي..  صح موقف صعب تشوف غيرك ياخذ الي انت تتمناه بس.....

بنفس الوكت أكول جوز الله راح يشوفنا نتمنه الخير لغيرنا مثل مانتمناه لانفسنا.. او يجوز هلشي مو من نصيبنا من الاساس  بلكي تفرج ميخالف... باجر تفرج ميخالف...

الحمد لله  ...

ذكرىٰ:  لعبه العراق وعمان وكان الفوز لصالحنا.. بواحد.. يوم الثلاثاء كان عندي امتحان احياء بس  اطونا عطله....