روايـةعـشـق الـكـرار واجــرام

البارت الثامن

دخلت الصف خلصو الدروس الأولى الـ3 ٬ بالدرس الرابع دخل علينا أستاذ أول مرة أشوفة چبير شويه بالعمر .
- مرحبا طلاب أني راح أخذكم بالعلوم .
- الكل مصدوم لأنُ راح أستاذ الكرار.
- أخذنا الدرس وصارت فرصة رحت أني وصديقتي دعاء على أستاذ الكرار .
- هلاو أستاذ .
- هلو .
- دعـاء :أستاذ نريد نحچي وياك .
- أحچو .
- أجـرام : أستاذ لتعوفنه أرجعلنه حباب .
- دعـاء أي والله أستاذ أرجع متعودين عليك .
- ماگدر أرجع .
- أجـرام :لا أستاذ تگدر ترجع .
- هسة أنتِ وياها شعليكم وأذا عفتكم .
- أستاذ تعودنه عليك بعدد.
- والله ماگدر أجي ٬ يلا روحو للصف .
- أجـرام : هذا شبي والله أني من الأول جبرت نفسي أروح لأنُ عرفت ما يقبل.
- دعـاء : يلاا بلكي يفكر ويرجع .
- شنو يفكر ويرجع أني أعرفة خلص گال كلمة وحدة .
- شلون تعرفي ؟؟
- يعني أني مادري شلون أعرفة من اباوع بوجهه أعرف شنو المعنى اقرا معاني الوجه .
- هاااا.
بعد مرور 60 يوم صار وباء كورونا كلش خطير أجة قرار من التربية الطلاب لازم يگعدون بالبيت ألحد أمتحانات اخير السنة لأنُ الوباء خطر ٬ گعدنا بالبيت ألحد مامتحنه امتحنت امتحانات كلهم وره 6 أيام نشرو النتائج ٬ طلعت الأولى ٬ المديرة گالت خلص وقت أستضافة لازم تروحين المدرستچ مال البنات حاولنا نقنعها ماقبلت٬ صار وقت الدوام بالنسة الجديدة رحت أني وبابه ومامه بلكي نقنعها دخلنا للأدارة أستاذ الكرار گاعد بمكان المعاونة والمديرة بمكانها .
-ادريـس : السلام عليكم .
- أستاذ الكرار والمديرة : وعليكم السلام .
- حچو وياهم بابه ومامه وگالت ما أگدر .
- أدريـس : هسه شلون بابه أجرام أللا هنا تداومين أستاذ الكرار مو ويه البنات أحسن ألها ؟
- مبتسم أي والله شعندچ هنا ويه الولد ويه البنات أحسن ألچ .
- لااا أستاذ ماريد أللا هنا ماريد .
- أدريس : هاي شلون بابه يلا عيني مشكورين مع السلامة.
- مع السلامة .
رحت للمدرسة مال البنات مستغربة حيل والمديرة جيران بيت جدو كلشش ٬ دخلت بغرفة المعلمات أسلوبهم أبد موخوش تدريسهم ابدد موزين أبچي على المدرسة مالتي المهم هم گالو أگعدو بالبيت وأمتحنو بس نصف السنة ونعتمد عليها گعدنه بالبيت بس أني اشارك وأمتحن الكتروني ويه مدرسة البنات اويه گروب أستاذ الكرار دائماً يگولي ليش متشاركين أجرام أكله أستاذ مادري وأشارك ويمتحني على الخاص وأخذ درجة كاملة صار وقت الأمتحانات ونشرو الجدول أنطيت البابه التليفون .
- بابه شوكت باجر أروح للأمتحان ؟
- باچر ساعة 2 مساءٍ .
- هاا خوش .
قريت وخلصت بس چنت مامفتهمه حيل لأنُ مو أستاذ الكرار ألي درسنه رغم أني انقلت ألغير مدرسة بس مستحيل وماگدرت أتقبل غير شخص يدرسني أنگليزي غير أستاذ الكرار ، رحت للأمتحان اني ومامه الساعة 2 مساءٍ دخلت ومامه بقت بالباب جاي أمشي بالساحة وصاحت المديرة عليه ، وييين عيييني خاتتون يحلوهه .
- وين ست رايحة أمتحن غير !
- دتعايي تعاي هههههه .
- دخلي للأدارة يلاا .
-دخلت وچان تگول .
- حبيبتي دور ثاني تمتحنين لأنُ صار ساعتين من مخلصين أمتحان مدرستنا .
- لا ست ممخلصين شلون دور ثاني ؟
- اي نعم ياخاتون دور ثاني يلا توكلي .
- طلعت أبچييييي المامه .
- هاا مامه ليش تبچين شكووو .
- مامه دور ثاني المديرة تگول راح عليج الأمتحان .
- أمشي خلي أشوف .
- السلام عليكم.
- وعليكم السلام .
- عيني أجـرام شلون دور ثاني مو كاتبين ساعة 2م .
- لا حبيبتي غلطانين أنتُ الساعة بـ12 كاتبين احنا .
- والله مادري ست امتحنيها هسه.
- لا عيني ميصير هسه خلي تمتحن المواد الجاية ويبقى بس الأنگليزي دور ثاني عود .
- هاا شكراً عيني ست مع السلامة .
- الله وياچ .
رحت للبيت شبعت بچي ٬ اجه بابه من الدوام .
- بابه دور ثاني بالأنگليزي صدگگ ؟
- والله .
- ليش أنتَ قاري الساعة غلط طلع الساعة بـ12 الأمتحان.
- يلاا بابه عود تمتحنين .
- بابه والله ماريدها هاي المدرسة بس يضربون يرجعني المدرستي بلكي تقبل.
- هوَ هم خلي أشوف لأنُ هاي المديرة عودد سحر تغار منچ لأن أنتِ أحلى منها هيَ من قبل تغار من الحلوات
- اي بابه خلي تولي بس احجي كلمة ويه البنات ورغم همه يعيلون تضربني بالعودة على أيدي گدام اولياء أمور بالأدارة.
- خلي تولي هاي السنه انقلچ .
- ماحچيت البابه بس من رحت أني وهاي البنية ألي تعاركنا أني وياها ،البنية الويايه أخرست ماتت وچان اني شنو تحچي وأرد اخليها تگمز ههه ، وصار دوري حتى انضرب وره البنية وكالت أفتحي أيدچ قدمتها وأني مبتسمه بأستهزاء قوي ، وچان تضربني بكل قوتها والعودة مال شجرة قوية حيلل .
- ولج أنتِ شو متخافين ؟
- ضربتني مرة ثانية أقوى وأني جامدة عبالك جاي اباوع فلم ولا أهتز أيدي صارت دمم وأبد ما أهتزيت أنتضرها تكمل ضرباتها .
- والله خوش متخافين اليوم ما أعوفچ أللا تتأذين وتگولين أخخ.
- احچي بگلبي ههه والله لوتدري بالعناد العندي خطية هسة تنجلط هههه .
- ايدي حسيتها رادت تنگطع من الضرب بس ولا بين عليه ابدا واحد من أولياء الأمور گاللها كافي خطية البنية راح تنگطع أيدها .
- لا هاي صلفة حيلل بنت أدريسسسس.
- عوفيها ست الخاطري خطية .
- يلا روحي٬ تعيديهااااا؟؟
- وگفت باوعت بترگيز عليها بنضرة استهزاء وابتسمت وطلعت ماجاوبتها ، طلعت بالطريق أضحك عليها خبلتها وأگول أي هذا وقت العناد مالتي ههههه ، غسلت أيدي عبالك مي حار اخلي عليها من الألم ، والأحمرار البيها صايرة دم ، بس اهم شي عنادي يفوز .
بعد مرور 3 شهور بابه راح نقلني الهاي المدرسة القديمة مالتي المديرة رفعت كتاب يسووها مختلطة على مودي أوافقت وطرررت من الفرح وأخيراً أستاذ الكرار راح يدرسني أنگليزي بعد مرور سنة ونص مادري ليش تحديداً أستاذ الكرار أول شي ذكرته ، اثناء الفتره الي بيها رحنا البيت جدو أهل مامه بالعطلة أني مسجلة مدرسة خصوصي حفظت الكتاب على الغيب وره أسبوع صار وقت أمتحان الدور الثاني رحت أني ومامة لابسة حجاب لأنُ قبل لا يصير وباء كورونا أستاذ أحمد معلم الأسلامية لبسني حجاب ٬ دخلت ويايه مامه سلمنا على المديرة.
- هاي شنو أجرام صاير شطولچ ما شاء الله كبرانه .
- شكراً ست .
أني ومامه وأگفين بالممر مقابيل الأدارة أجه أستاذ الكرار روحي طارت من مكانها من شفته سلم على مامه وأني هم سلمت عليه وچان يگلي .
- يلا أجرام روحي القاعة الأمتحان.
رحت همَ قاعتين وماعرف منو ألي أدخل بيها وگفت بالنص أفكر أو بالأحرى أستغبيت ، أستاذ الكرار هوَ ويمشي من بعيد صاح عليه أجرام دخلي القاعتي على جهة اليسار هسه أجي .
- دخلت وچان أشوف ست أنفال سلمت عليها وبوستها ، جان تكول هاي شطولچ صايرة ماشاء الله كبرانة وحليانة .
- شكراً ست.
گعدت أول رحلة .
دخل أستاذ الكرار رتب الطلاب كم طالب وراي عددهم 6 وبالقاعة الثانية 10 ، رتبهم وچان يخلي ضرف گدامي وأنطاني قلم ، رفت راسي هاي شنو أستاذ ؟؟
- وقعي .
- ليش .
- وقعي وبعدين أگلچ.
- صفنت يربي شلون أوقع وأني ولا مرة موقعه بعمري وهذا أول توقيع وماعرف خاف يطلع موحلو .
- وقعي هنا .
- وقعت ٬ بس مستحية لأنُ ماعرف .
- هسه أنتِ وقعتي على أسئلة الأنگليزي لأزم الطالب يوقع يلاا تنفتح الأسئلة .
- هاا. ، وزع الأسئلة وبديت أحل لأنُ الأسئلة سهههههلة حييل ، وگف أستاذ الكرار على راسي وكلهنن حلهن والولد الوراية يباوعون شمعنى يردلي وميردلهم ، بنص امتحان اجتي المديرة دخلت للصف هااا الكرار شلونها أجرام ؟
- لاا شاطرة وردة اصلاً كلهم الأسئلة حلتهم وحدة ويبتسم ويباوعلي ، بمعنى اني حليتهم عبالة مقارية.
- عفية عليچ أجرام اصلاً انتِ متميزة، والباقين شلونهم ؟
- والله بيهم مجال .
- هاا ، يلاا شدو حيلكم حتى تنجحون ، اني أبين ماحچو أني خلصت كلشي وگعدت ،طلعت المديرة شافني كلشي مرتبته على الرحلة وگاعدة .
- خلصتي ؟؟
- نعم أستاذ ، اخذ الدفتر شافة وگال .
- عفية والله خوش قارية .
- ابتسمت .
خلصو أمتحان التحريري ، بدأ يمتحنه شفهي مادري ليش أمتحن الوراية كلهم بقيت أني أخر وحدة وأحچي بگلبي يربي بس لا راح أمتحن وحدي أرتبك وجان يدخل أستاذ أحمد معلم الأسلاميه وآني جاي أمتحن سلم عليه اني وأستاذ الكرار وسلمت عليه طول ما أمتحن صافن علية چان يگول ألأستاذ احمد والله أجرام وردة وتاخذ النصيحة أني حجبتها من الرابع وألحد الأن منازعة الحجاب بارك الله بيچ بنتي ويحفظچ.
- أستاذ الكـرار : اي والله مؤدبة وشاطرة .
- يمة هم َ يحجون هيچ وأني ميته من الخجل , جاوبت أستاذ أحمد .
- شكراً أستاذ .
- العفوا .
خلصت أمتحان وطلعت المامه.
- نـريـمان : جاوبتي مامه .
- ايي مامه الأسئلللة سهههههلة حيل وكلها جاوبتها .
- اي خوش عفيه.
- رجعت للبيت فرحانة بكل طاقتي أگمز بالبيت ماعرف بهذا اليوم حسيت أنولدت من جديد من صدگ احساس غريب گلبي ولاهم بي مرتاحة وفرحانة وره 10 ايام خابر على المديرة بابه
- سئلها أجرام نجحت ؟
- اي عيني نجحت ألف مبروك .
- الله يبارك بيج ست .
فرحتتتت بوقتها لأنُ راح أصير سادس .
قبل الدوام بأسبوع بابه راسل أستاذ الكرار لأنُ هوَ وأستاذ الكرار بينهم صداقة على الفيس بوك راسلة بابه وگاله.
- السلام عليكم أستاذ شلونك أني ابو أجرام .
- وعليكم السلام أهلاً ابو أجرام .
- أستاذ شوكت يبدأ الدوام ؟؟
- والله يبدأ 11/1 .
ها أول يوم ضهري لو صبحي ؟
- ضهري .
- شكراً أستاذ ربي يحفظك.
- العفو أبو أجرام .
- أجـرام أني چنت أباوع ويه بابه بالتلفون رحت للغرفة أگمز الله معقولة أني صرت سادسس الله وراح أرجع المدرستي ويرجع علينه أستاذ الكرار صار يوم 10/31 ثاني يوم أني أداوم لازم وضهري بليل دخلت سبحت وحضرت نفسي بس ضايجة لأنُ بابه أشتره أليَ جنطة مال اطفال وأني سادس وحتى ملابس ما أشترلي غير القميص ميقبلون أطلع وأني اختار چنت بس اوصيهم ولو يجيبون ولو ميجبون محبوسة بالبيت بس شغل، بهذا التاريخ الرواية راح تبدأ 11/1 ، المهم بنت خالي چانت عندها صدرية جديدة مشتريتها ومو على قياسها أنطتها أليَ بس جديده كلش حلوه ، حضرت ملابسي ونمت . گعدت الصبح ساعة 10ص بدلت ورحت للمدرسة بابه وصلني مادري ليش المهم دخلت المدرسة وأني مستحيه ......... يتبع البارت التاسع