دخلت للمدرسة وأني مستحيه وجان الأصطفاف جاي ينتهي ولكل يدخل للصف دخلت للصف گعدت بالرحلة القبل الأخير وگعدت يمي طالبة جديدة ما أعرفها وصديقاتي بالرحلة الأخيره ألي چانو ويايه بالرابع دخلت علينه معلمة گالت السلام عليكم.
– الطلاب : وعليكم السلام .
– أني معلمة الأنگليزي مالتكم .
– صابتني صدمة بعمري ما مصدومة هيچ أني أريد أستاذ الكرار هوَ يدرسنه مو هاي ماريدها ٬ خلص الدرس وأني مادري شلون لازمة أعصابي أريد أنفجر من العصبية ، دخل علينة أستاذ أحمد وست أنفال وأستاذ سامر وأخر شخص هوَ أستاذ الكرار دخل وگف بالباب هوَ چان يباوع على الطلاب باوعت عليه وهوَ باوعلي مجرد ما صارت عيني بعينة گلبي بكل سرعة صار ينبض صوت النبضات بأذني وكل جسمي يرجف أباوع على أيدي شلون ترجف أحاول أهدء حركتي ، كلشي بية تخربط ،احتفلو بينه او وزعو أعلام وچكليت ، مر من يمي أستاذ أحمد لازم أعلام وچكليت گال أختاري أخذت چلكيته واباوع على أستاذ الكرار من أخذتها، وسكتت وشغلو الأغاني وصورو گالو ألي ما أخذ علم يصفگ ، يربي أني شلون اصفگ وأني جسمي يرجف صارو يصفگون أجه أستاذ أحمد گال أجرام صفگي جاي يصورن تره، رفعت أيدي خجلانة شلون أصفگ ، صفگت بهدوء ، خلص ألأحتفال وطلعو، أني رحت على أستاذ الكرار.
– هلاو أستاذ شلونك ؟
– هلاوو أجرام الحمدالله أنتِ شلونچ ؟
– زينة أني .
صفنت عليه وحچيت بقهر أستاذ أرجع علينه ألله يخليك والله متعودة عليك .
– ما أگدر والله .
– حتى لو أگدر بس هاي السنة .
– والله ماكدر عددكم هواي.
– حتى لو أرجع والله ما أحبها هاي المعلمة .
– لا حبابة ست أيناس هسه من تدرسكم تتعودون عليها .
– لا أستاذ لو اموت ما اتعود عليها هوَ اني من انقلت بمدرسة البنات ماتقبلت احد غيرك يدرسني أنگليزي وألحد هاي الحظة .
– هههه لا تتعودين .
– أرجع أستاذ امانة .
– ههه گتلج ماكدر والله .
– انفجرت طاقتي وجاوبت وأحچي سريع لااااا تگدر أستاذ وأني أرجعك وغصباً عليك أخلي بابه يرجعك وهسه تشوف أسوي كلشي حتى ترجع بابه يعرف كل وزارة التربية .
– استغربت من ردة فعل أجرام جاوبتها ، هسه روحي ويصير خير .
– اي أستاذ .
– أجرام خلص الدوام وأني أريد أبچي وعصبية حيلل ، جاي نطلع من المدرسة وهوسة يم الباب أستاذ الكرار گاعد على الرحلة ألي يم الباب بنص الهوسة رفعت أيدي وأشرتله بمعنى باي وهوَ هم أشرلي ، رجعت للبيت. عصبية وسولفت ألبابه على أستاذ ألكرار وشلون مراح ياخذنا بعد وأگله بابه رجعة الله عليك .
– ادريـس كافي بابه أني أرجعة مالچ علاقة روحي بدلي ملابسچ هسه .
– اي بابه .
– رحت للغرفة بدلت وگعدت على الچرباية افكر وعدت شريط الذاكرة من دخلت علينا المعلمة وصدمتنا ألحد ما حچيت ويه أستاذ الكرار وجان انصدم شلون حچيت هيچ ويااا عززه يربي أني ، شنو مسوية ياربي هسة شنو گال علية لااالالاا مستحيل أني هيج أحچي صدگ اني هيچ حاچيه لايااربي، وانوب الأزيد منها مأشرتله أخر شي ليشش ليشش هيج سويت شصارلي هيج تصرفت ويا وشنو هاي حركاتي الخايسة وبچيت مادري ليش بس أرتاحيت چان أكو شي مختنگه منه ، مسحت عيوني على المراية وغسلت ورجعت اشوف عيوني بعدها حمر أوخر بالأثار لأنُ مامه تعرفني من أبچي لو مدري شنو يصير تعرفني وأهفي على وجهي حتى ارتاح ما يبين بجيت رحت اتغديت وآني على الغدة أسئل بابه.
– بابه هسة راح ترجعة عود؟؟
– اي والله بابه شبيج أرجعة والله أطمأني .
– اي هم زين ، كملت غدة وبابه ومامه طلعو يجيبون دفاتر وشغلات المدرسة ، رجعو وكل واحد من عدنا گعد يكتب اسمه عليهم بدون كل سبب ولا شعور وماعرف شلون أيدي كتبت الأسم أجرام أدريس ... وبأخر أسمي أول حرفين من أسم أستاذ الكرار مافكرت ليش كتبت هيچ بس ضليت اباوع على الحروف وأبتسم . داومت ثاني يوم ....... يتبع البارت العاشر
أنت تقرأ
روايـةعـشـق الـكـرار واجــرام
Romanceرواية حقيقية بقلمي أنا الكاتبة أيـلـول الدليمي تتحدث عن الصدفة تخيل أنك تواجه بعض المشاكل و تلتقي بصدفة تفرح قلبك و تلهيك عن تلك المشاكل كلها و تصبح مجرد سوء فهم لا تبالي لها لأن الصدفة التي رأيتها اجمل بكثير و أهم بكثير من تلك المشاكل التافهةالبطلة...
