طلع ادم من المركز بعد يومين من احتجازهم ووقفو قدامه يسمعون الي يقوله
ادم : قدم سليم ادلة وتسجيل الفيديو هو الي سوا كل هذي الفوضى كلها
رعد : طيب والحين الحل يعني ؟؟ مو معقول انهم بيقعدون بالسجن ادم انت اكثر واحد عارف فينا القوانين وانه كان دفاع عن النفس وفوق كذا المقبوض عليهم مدعيه عامه ومحاميه وثلاث ضابطات
ادم : طيب فهمت لاتصدع راسي ، العقوبه كانت بتكون اخف بس لو ما اخفو الجريمه ماصار كل هذا والحين بياخذونهم للمحكمه عشان الحكم ، ندعي بس يكون خفيف مدام وحدة منهم حامل بيكون اخف عليها
اسر : وش قصدك وضح
ادم : بالمختصر بعد ماتولد بيقررون مصيرها
اسر : يعني بتجلس مسجونه ليوم ولادتها هههه برافو
ضحك بسخريه يصفق بيدينه ومسك ادم من ياقته : ادم تصرف ماينامون ليلة وحدة بالسجن
ادم : اسر نزل يدك هذا مو بيدي والقرار بعد
عقد حواجبه بغضب ورفع نظرة لخلف ادم يشوفهم يطلعون البنات من المركز
وحدة ورا الثانيه واصوات بكائهم متعاليه
كان رعد بيروح لها بس مسكوه العيال يهدونه
رعد: اتركني يا صالح اتركني
صالح : اعقل وش بتسوي ماتقدر تسوي شي
رعد : صالح !! اتركني
مسكو معتصم وادم اسر من طلعو توليب الي ناظرته بحسرة ونزلت نظرها لبطنها
تتنهد بتعب وقلة حيله تمشي معهم
عطت رغد صالح نظرة اخيرة وكأنها تودعه قبل ماتركب السيارة تريح راسها على المرتبه تناظرة بطرف عين
افترقو قبل مايعطون بعضهم فرصة
مشت السيارات للمحكمه من اجل محاكمتهم
ركبو العيال سياراتهم يتجهون وراهم
كان القاضي جالس ويقول قضيتهم وتفاصيلها وسببها
نزلت توليب نظرها لبطنها وهي تبكي وناظرت البنات وكانت تقول لنفسها انها السبب وهي الي ورطتهم مالهم اي ذنب
وقفو من جا وقت الحكم ونطق القاضي : بعد الاستماع للأقوال والشهود والادله
وعدم تنازل اهم الميت جابر
سوف يتم الحكم على المتهمات بالسجن لمدة ست اشهر حتى الجلسه القادمه والتي سوف يصدر بها القرار النهائي
شهقو كل الي بالقاعه ومسكت توق يد توليب الي ماقدرت رجلها تشيلها من الي سمعوه
ناظرت توق رعد الي وجهه جامد من الصدمه والغضب ثم رجعت نظرها للبنات الي حطو راسهم على كتفها يبكون
حتى جو العساكر وقيدو ايديهم بالأصفاد
يتوجهون للسيارة
___
دخلت ميس الصاله وشافتهم مجتمعين فيها خذت نفس وراحت تجلس على الكنبه الفرديه ومسكت راسها بصداع
رنيم : وشفيك ؟
ميس : صدر اليوم حكمهم ، سجن مدة ست شهور حتى الجلسة الجايه الي بيكون فيها القرار النهائي
لانت ملامحهم بحزن وتنهدو
مسكت لين راسها ووقفت وهي تبكي على بنتها وصديقاتها الي توهم ببداية حياتهم
لميس : يارب تفرجها من عندك يارب
همسو كلهم بأمين ونطقت تغريد : بنات يعني توليب بتولد بالسجن ؟ باقي لها شهرين
نوال : تغريد ادعي انهم يطلعون بدري
لو ولدت بالسجن بياخذونه منها وهذا شي مانبيه بتكون نفسيتها سيئه بعد الولادة ولما تفترق عنه طفلها بتسوء اكثر
حوريه : ان شاء الله اليوم قبل بكرة يصير اي تغير ويطلعون
ميرال : امين ، انا بروح البيت الحين لازم اقعد مع امي
وقفت رنا معها وهازان بعد يودعونهم ويطلعون كلهم
يفترقون
ركبت رنا سيارتها تركب جنبها هازان
هازان : حطيني عند المول
رنا : تمام بس انا عندي شغل بعدها فيه احد يرجعك ؟
هازان : ماعليك بدبر نفسي
هزت رنا راسها وتوجهت للمول تنزلها وتروح وجهتها
دخلت هازان محل الذهب وطلعت اسوارتها من شنطتها تمدها للرجال : ابي ابيعها تسومها لي
هز راسه وناظرها يحطها على الميزان ومن بعدها حسبها يوريها كم تساوي
هزت راسها : تمام خلاص ببيعها
هز راسه وتوجه للصندوق يطلع لها الفلوس يعطيها
خذتها تطلع من المحل وتنهدت
هي الحين تخلت عن اول اسوارة جتها هدية من اغلى صديقة لها قبل وفاتها
عشان بس تساعد اهلها بعد ما امنتهم لها
هازان بهمس : سامحيني بس هذا عشان اهلك
مشت تتوجه للخارج تركب التاكسي تتوجه لبيت اهل صديقتها غير عالمه عن الي يراقبها
ناظر محل الذهب الي باعت له الاسوارة
ودخله
__
انفتحت بوابة السجن يدخلون منها البنات ونظرات السجينات عليهم ومستغربين من وجودهم وان وحدة منهم حامل ويتسألون عن جريمتهم
غمضت رغد عيونها تهمس لهم : يارب وش هذا المنظر ذي الاشكال كنا نسجنها الحين صرنا منهم !!
قربت منهم وحدة قدرو يتعرفون عليها
وقفت قدامهم تبتسم : كيفكم ؟
توق : مثل ماتشوفين وصلنا للمرحله ذي بسببهم
لينا : ماعليك ان شاء الله تطلعون منها
توليب : ايش حكمك !
تنهدت لينا تناظر الساعه الي على الجدار : للأن قاعدة انتظر ، ابوي يقول انه بيطلعني بس ما اعتقد بيقدر انا استاهل الي صار
بسبب حبي لشخص اعمي على عيوني وخسرت نفسي وبنتي خليتها تعيش بدوني
وابوي خليت بقلبه قهر مستحيل يختفي
حتى بعد مرور السنين تعاملت مع كريم بطريقة سيئه وهو ما يستاهل ظلمته وهذي نتيجة ظلمي له ، والحين قاعدة اشتاق له رغم معاملتي معه الا انه هو الي كان جنبي كان يروح عند امير ويقوله مايضربني مايسوي فيني شي
رغم كذا ماقدرته والحين قاعدة اذوق الم فراق هذا الولد الي اعتبرته ولدي بس الغيرة اعمت عيوني
خذت نفس عميق اخر كلامها تزفرة : تفضلو هذيك الاربع اسرة فاضيه انا انوم باللي جنبكم
ابتسمو لها يهزون روسهم اما هي توجهت تشرب مويه تتركهم يرتاحون
ولاء : بنات احس رحمتها
رغد : صدق الغيرة تخلي الواحد جاهل
وحقود بس يلا ان شاء الله ذا درس لها بالحياة
توليب ناظرت حولها تميل شفايفها بتفكير وقالت : بنات نحتاج اشياء مفارش وملابس الجو هنا واضح فيه تقلبات
ناظرتها توق تحاول تلطف الجو : ليه هرمونات؟
ضحكو البنات يصمتون شوي
قامت توق تأشر : توليب انسدحي توك طالعه من عملية لازم ترتاحين
توليب : توقي انا الحمدلله بخير ماعليك
ولاء : الا توق صادقه انتي الي الحين في اخر شهورك ، يا بطه باك باك باك
مسكت المخده ورمتها عليها : كلبه انكتمي
أنت تقرأ
روح تراني طايب النفس مابغاك حكم طغى ماعاد ينفع نظامه
عاطفيةمخيلتي الثانيه حاضرنا الحالي واحداثه مرتبطه بالماضي والي صار فيه حلي القضيه يا توق وخلصينا من الم الماضي وذكري رعد فيك
