في استديوا في الرديوا كان جالس المذيع والاستاذ الدكتور النفسي وخبير الروحاني وخبير علوم الطاقة الدكتور محمود
المذيع :لو مرت بشيء غريب لو مرت بشيء غير منطقي لو شفت حاجه ومش عارفها تفسير لو حاسس ان في حاجه جوه المرايا بتكلمك لو حاسس انك مش لوحدك مع انك لوحدك اتصل بينا ومتردتش واحكي حكايتك واحنا هنعرضها علي الالف المستمعين ال بسمعونا
يرن جرس الهاتف
الو انا سمر
المذيع :اهلا وسهلا بيكي استاذة سمر اتفضلي
سمر :اهلا وسهلا بيك ممكن اتكلم مع الدكتور محمود
المذيع:طبعا الدكتور معاكي
محمود :ازيك يا سمر عامله ايه
سمر :الحمد لله كويسه وانت عامل ايه
محمود :الحمد لله اتفضلي يا سمر انا معاكي
سمر :دكتور انا شغاله في صيدلية وبيحصل فيها حاجات غريبة جدا
محمود :حاجات زي ايه وانتي اصلا صيدلانية
سمر :لاء انا اتعلمت الصيدله الدكتور صاحب الصيدلية علمني الشغل في الصيدلية واسماء الأدوية وبقت شاطره في المجال واشتغلت معاه في الصيدلية بس بيحصل حاجات غريبة جدا فيها
محمود :حاجات زي ايه
سمر :بيجي زبون يشتري منا دوا المفروض ان الدوا ده مينفعش يطلع الا بروشتة من الدكتور المختص بالحالة لازم روشتة هو بقي الدكتور بطلعه لزبون ده من غير روشتات
محمود :الدوا ده ايه من أنواع المخدرات صح
سمر :ايوه بظبطت كده هو الرجل ده بيجي هو تقريبا صاحب الدكتور بيجي يسلم عليه ويوقف معاه يتكلموا شويه وبعد كده يطلعله الدوا والرجل ده شكله كده مش مظبوط بيجي يطوح شمال ويمين وكلامه كده تحس انه مش متزن في كلامه أو ضرب قرصين هو غريب
محمود :ايوه طيب وبعدين
سمر :بتجي كمان مراته هي بنت كده بتلبس عبايات ويعني كويسة وطيبة معايا هي احيانا بتجي لدكتور وبيديها نفس الدوا ده بتجي هي و ابنها واد كده اربع سنين تقريبا معرفش هو صغير جدا المهم مراته دي جتلي وقالتلي عايزة اعمل تحليل حمل وعملته وقالتلي اقرالي النتيجة قراتلها قلت لها ان حضرتك حامل قالتلي بجد انا حامل قلت لها ايوه حامل قالتلي طيب ماشي قلت لها انتي متابعه مع دكتورة قالتلي لاء مش بروح لدكتورة وبعد كده هي مشيت
محمود :طيب ايه الغريب في كده
سمر :الغريب انها كانت جايه مش متزنه هي كمان وبتطوح شمال ويمين انا فكرتها دايخه قلت لها تعالي اقسلك الضغط قستلها الضغط طلع ضغطتها واطي جدا انا استغربت قلت لها انتي ازاي وقفه علي رجليكي انتي المفروض يكون مغمي عليكي دلوقتي قلت لها متاخدش ادويه علشان الحمل اطلعي اشربي حاجه تنزل الضغط وكتبت لها شوية اعشاب تجبها لضغط الواطي بس بعد كده جوزها جهه لينا والدكتور مكنش موجود جاي يقولي هاتي الدوا قلت له لاء هات روشتة قالي بقولك هاتي الدوا قلت له هات روشتة هو عملي خناقة وكان هيكسر الصيدلية واتصل بالدكتور الدكتور اتصل بيا وقالي اديله الدوا قلت له لازم روشتة الدوا ده مش هينفع يطلع هو قالي بلاش فزلجه اديله الدوا وخلاص انتي مش عارفه لو مش خد الدوا ده ممكن يعمل فينا ايه اديله الدوا انا خفت ودت الرجل الدوا وقبل كده مراته كانت عندي في الصيدلية عايزة كريم لبشرة وجوزها ده جهه مسكها ضربها في الصيدلية وايه ال نزلك وشتمها وشدها من ايدها دخلها التوك توك ومشيوا هو التوك توك بتاعه
انا مش فاهمه حاجه من ال بيحصل ده الا ان الدكتور ده شمال وشمال اوي
محمود :اولا الناس دي مدمنين مخدرات والدكتور بيجبلهم المخدرات وهو ممكن مهددينه مثلا علشان كده خايف منهم وبيجبلهم المخدرات او هو يعرفهم او قرايبو مثلا او بياخد فلوس منهم اسمعي احسن حاجه يا تبلغي عن الدكتور يا تمشي من الصيدلية لو انتي مش حابه ال بيحصل ده
سمر :انا هدور علي شغل في صيدلية تانية وهمشي وهيبسلهم المكان خالص ايه الهبل ال بيحصل ده لاء مش هبلغ عنه ومليش دعوة انا مش حابه ادخل نفسي في مشاكل
محمود :خلاص شوفي شغل في صيدلية تانية وهم بقي الله يوقعهم في شر اعمالهم
سمر :تمام هعمل كده
محمود :تمام اتمني ليكي التوفيق
سمر :شكرا ليك جدا يا دكتور محمود
محمود :علي ايه تحت امرك
المذيع :خلصت حلقتنا النهارده انتظرونا بكره في حلقة جديدة
