العصر عند بطلتنا :
العنود : راح تأكلون أطلق عشاء
الجد محمد : اكيد راح ناكل اطلق عشاء دامه من يد عنوده
العنود ضحكت : أنا فدا وجهك يا جدي
الجد محمد: وين روان وليان
العنود : ينظفون المشب
الجد محمد : ايه زين اجل أنا بروح للصاله
العنود : تمام جدي
بدأت العنود تطبخ
عند البنات
ليان : خلاص لأعد تكحكحين ازعجتينا يختي
روان : وجع ياخي كح وش ذا التراب كله
ليان : خلاص روحي انتِ ساعدي عنوده
روان : ايه طيب بروح لها إذا بغيتي شي قولي لي
ليان : لا مايحتاج
روان وهي ترسل لها بوسه في الهوى : يلا باي
ليان : الي يشوفك يقول انك مسافره تراك بتروحين تطبخين
روان : ايه كلها واحد سفره من المشب للمطبخ
عند بطلنا :
عبدالعزيز : لا ما اضن مستحيل كيف اترك شغلي
ابو عبدالعزيز : إلا بتجي معنا الديره
عبدالعزيز : يا يبه شغلي ماقدر اتركه
ابو عبدالعزيز : ياولد اسمع كلامي وتعال معنا الديره
عبدالعزيز : بس
قطع كلامه أبوه : مافي بس الشركه ماهي شركتك
عبدالعزيز : هالله هالله شركتي
ابو عبدالعزيز : اجل تأخذ اجازه وتجي
عبدالعزيز : زين امري لله
ابو عبدالعزيز : يلا جهز نفسك شوي ونمشي وروح قوم اخوك محمد
عبدالعزيز راح لغرفه محمد : يا ورع قوم مسافرين للديره
محمد قام بحماس : احلف
عبدالعزيز : بزر أنا عشان اكذب عليك
محمد : ايه بزر ونص يلا بس قوم اطلع من غرفتي
عبدالعزيز ضرب محمد براسه : أنا قايل قليل ادب
عند بطلتنا
العنود : الحمدلله خلصت كل شي
روان : ليه ماخليتيني أساعدك
العنود : ابي راحتك والله
روان : يزينك عنوده
العنود : يلا نتجهز تراهم بقي لهم ساعه بالضبط ويوصلون
في الغرفه
العنود : بنات شغلو اغاني
ليان : ايه زين وش نشغل
روان : شغلو ماجد المهندس حقت أنا حنيت
ليان : شرايك العنود
العنود : تم اي شي
ليان شغلت الاغنيه
وبدو يتجهزون
العنود حطت ميكب وردي خفيف وسوت شعرها فير ولبست فستان وردي بسيط
ليان حطت ميكب وسط بالون البني وسوت شعرها ستريت فستان اسود حرير
روان حطت ميكب سموكي اسود وسوت تكسير لشعرها ولبست فستان احمر بسيط
وصلو أهل عبدالعزيز وبدو يسلمون على بعض وقعدو يسولفون
العنود بشويش : بس افنان
افنان : لبيه
العنود : امشي نتمشى في الحوش
افنان : ليه 😉
العنود : نتمشى ونرجع ولا ماتبين
افنان : إلا ابي وليه ما ابي
العنود : ايه زين اجل
طلعو للحوش
دق جوال العنود : هلا والله ارحبي
رهف : العنود أنا برا افتحي لي الباب
العنود : اوه تمام جايه
افنان : هي وين
العنود بفتح الباب ل رهف
افنان : طييب
افنان كانت واقفه عند المشب
عبدالعزيز خرج من المشب يبي يدخن : افنان ؟
افنان لفت : يمه من وين طلعت انت
عبدالعزيز : من السماء طحت
افنان : هههههه مايضحك
عبدالعزيز : وش تسوين
افنان : كنا نتمشى أنا وعنوده
عبدالعزيز ب استغراب : يعني ماتدرون اننا هنا في المشب كلنا ولو طلع واحد منا غبيات انتم
افنان : يووه ياعبدالعزيز لا تزعجني خلاص الحين بنروح للبيت
عبدالعزيز : اقولك اسمعي كلامي يلا إذا انتِ ماتتغطين العنود تتغطى
افنان : هي الي جايبه الفكره اصلا
عبدالعزيز : طيب يلا دحدري قبل ماتجي العنود
