#نظرة_لك
الكاتبة دنيا
البارت الثالث
🖤🖤🖤🖤🖤🖤🖤🖤🖤🖤🖤🖤🖤🖤
زينب...
.. كعدت على صوت القرآن كمت واني مبتسمة الله شكد احب صوتة كمت بدلت و لبست النقاب ونزلت حجابي على حواجبي ولبست عبايتي وطلعت بره الغرفة
.. صباح الخير يااحلى جد بالعالم
.. صدق الله العلي العظيم.... صباح النور علوية بارك الله بيج وبملبوسج وعسى الله ينير طريقج
.. رحت اله وبست راسه وكعدت يمه أسولف حظني ويرتل القرآن واني مغمضة ومبتسمة على الشعور الي احس بي واني اسمع صوتة العذب
.. الله جدو شكد حلو صوتك بالقرآن شكد ما اسمعك اريد بعد
.. قبل من جنت اروح للجامع جان الشارع كله يلتم واكعد اقرألهم عود هسه تعبت
.. صباح الخير شلون احنه كل يوم نكعد على هالمنظر بين السيد وحفيدتة
.. كمت من جدي ورحت الابوي اعدل بعمامتة السودة و أسولف ويا وامدح صوت جدي باسني براسي
.. يلا ياعيني زينب راح تتأخرين على دوامج تعالو تريكو
.. وصدك تريكت وطلعنا اني وابوي افترقنا هوه طلع للولاية واني ومفت للخط ماطول رأسا اجه
.. السلام عليكم
.. وعليكم السلام
.. شلونج فاطمة الزهراء
.. هلا حبيبتي اني بخير انتي شلونج البارحة استمعت الكل الصوتيات الي دزيتيهن الي عاشت ايدج وسورة القدر سبحان الله شكد بيها فوائد
.. الحمدلله بخير وايدج حبيبتي كتبتيهن عندج ترى يفيدنج سامعة بطب العلم وطب الاعشاب
وهذا طب القرآن صدكيني بس تلتزمين بيهن وتشوفين شكد راح ترتاحين ومتحسين بضيق ودائما قبل لا تنامين اقريها على كلاص ماي وامسحي على عيونج ثلاث مرات كل عين
.. اي والله كلش مأذياتني بالعطلة اروح اشوفهن تعبت حتى صايرات يغوشن
.. ماتشوفين شر بحق محمد وال محمد وهاي اجت صديقتنا
رياحين.. السلام عليكم
.. وعليكم السلام
.... شلونجن بنات
.. الحمدلله بس شبيج صوتج مثل الضايجة
.. اي والله حيل ضايجة من نوصل اسولفلجن
.... شوفن شوفن صعدت عذراء صعدن الأرامل وجوهن تتباجى
.. ولج فاطمة صديقتج هاي اسكتي
.. خلي نوصل واني الها اذا ما شديتها يم صورة الإمام علي عليه السلام. تعيب علينا يجيج يوم وتنسحلين مثلنا
