: مش كفاية بتخو،، نيني وانا زي الهبلة فكراكي اختي.. كمان الفيديو اللي استأمنتك عليه روحتي اديتيهولو
بصتلها باستحقار وكملت ..انا ازاي كنت مخدوعة فيكي السنين دي كلها
بيري... انتي فاهمة غلط ياحورية.. انا مخو، نتكيش
حورية.... متحاوليش تنكري. شوفت صورته وهو جايلك هنا شقتك. وشوفتك كمان معاه في العربية.. ايه هتنكري وتقولي ان مش انتي. هتكدبي عنيا اللي شافتك
اتنهدت بيري وقالت.... لا ياحورية. كل اللي بتقوليه صح. هو فعلا كان عندي . بس ممكن تهدي وانا هفهمك
حورية.... انتي واحدة خا،، ينة. هتفهميني ايه.
كملت بسخرية.... هو فيه تبرير للخيا،،
بس سكتت بصدمة لما بيري قالت.... انا ومحمد اتجوزنا من سبع سنين .... من قبل ما يحبك ولا تحبيه. يعتبر كنتو ماتعرفوش بعض لسه
كانت حورية مش قادرة تستوعب اللي بتسمعه.معقولة!!! صاحبة عمرها متجوزه جوزها وهي متعرفش طول السنين دي كلها!!!
قربت ليها وقالت بجنون.... انتي بتقولي ايه.. متجوزين ازاي. متجوزين يعني ايه.. طب وانا. انا اييييه.. انتي ازاي كده..ازاي طول السنين دي كلها بتعامليني علي اني اختك وانتي متجوزة جوززي.. ازاي قدرتي تخدعيني كل ده
بصتلها وهي بترجوها تنفي اللي قالته وقالت... انتي بتكدبي عليا صح.. قولي انك بتكذبي.. وانا هصدقك. قولي يابيري. هصدقك
وهي دموعها بتنزل وبترجوها بعنيها
لكن بيري ردت عليها وقالت بحزن وندم .... ياريت. بس دي الحقيقه ياحورية
كانت حاسة ان حد بيخبطها علي راسها مش قادرة تصدق. مش عارفه تستوعب من الصدمة.
وهي بتقول بضياع.. ازاي
بيري نزلت علي الارض مكانها وابتدت تحكي بشرود وتقول.... انا ومحمد اتعرفنا علي بعض وقت ماكنت في دبي من سبع سنين. كان هو هناك في شغل وانا كمان. قربنا من بعض. واتجوزنا... كان يعتبر جواز في السر... لاننا محبناش نعلنو وخصوصا انا.. لاني كنت عارفة انو مش هيدوم بسبب فرق السن اللي بيني وبينه.. محمد اصغر مني بخمس سنين. مكنتش حابة الناس ينتقدوني ويقولو اني اتجوزت واحد اصغر مني.. كمان علاقتنا مكانتش حب وجواز قد ما كانت اعجاب من الطرفين .. كنت انا معحبة بيه وهو كان معجب بيا..يعني كانت علاقتنا رغبة في بعض مش اكتر...فضلنا مع بعض فترة...قضينا وقت لطيف . كنت مبسوطة معاه. وبعد ما نزلنا مصر فضلنا مع بعض سنة.. خوفت اتعلق بيه اكتر ف طلبت منو ننفصل ...وكمان لان علاقتنا مكنتش حب ف كنت متوقعة انه طبيعي هيحب وهيتجوز... وفعلا في الفترة دي كان ابتدي يقرب منك و حبك. لما عرفت انه انتي اللي حبها. خوفت عليكي. انا كنت عارفة ان محمد بتاع مزاجو يعني مابيعرفش يحب. مكنتش عاوزاكي توقعي فيه لاني كنت شايفة ان مش دا اللي تستاهليه
