Sugar Mommy

Part 10

လေယာဉ်ပေါ်မှာ့ ဆင်းသည်နှင့်လာကြိုသောသူငယ်ချင်းများဆီသို့ပြေးဖက်ကာ အားရပါးရငိုချပစ်လိုက်မိသည်။

" လူကြားထဲမှာ မငိုပါနဲ့ ခြူးရယ်"

သူငယ်ချင်းများဝိုင်းအားပေးမှုကြောင့် ခြူးမျက်နှာ အပြုံးဝေဆာလာသည်။
သင်းရနံ့ကားပေါ်တွင် အုပ်စုလိုက် ရီမောပျော်ရွှင်နေသည်ကိုအဖိုးအဖွားကကြည့်ကာ ပီတိဖြစ်နေသည်။

"ဟဲ့ သင်းရနံ့
အိမ်မမောင်းပဲနဲ့ ဘယ်ကိုမောင်းလာတာလဲ"

"သိဘူးလေ နင့်အဖွားပြောတဲ့နေရာကိုမောင်းလာတာ"

ခြူးမျက်နှာအနည်းငယ်ပျက်ကာ အထုတ်များဘေးတွင်ရပ်နေသောအဖိုးဆီသို့သွားလိုက်သည်။

"အဖိုးတို့ ပြောတော့အိမ်ကိုပြန်ပို့‌ပေးမယ်ဆို"

"မြေးလေးအဖွားကဖုန်းဆက်ကြည့်ပါသေးတယ် မဒီက ဒီတိုက်ခန်းမှာပဲ နေပါဆိုလို့အဖိုးနဲ့အဖွားကလာတာ"

မာမီစိတ်ဆိုးနေတုန်း ပြောတာပါဟုအတွေးများမလွန်ခင်ရပ်တန့်လိုက်ပြီး ဖွားဖွားနောက်သို့ အားလုံးလိုက်သွားလိုက်ကြသည်။

____________________

မဒီ့သူငယ်ချင်းဟောင်း ဆွေဆွေမာနှင့်တွေ့ရန် ဘားတစ်ခုသို့ ကားမောင်းကာထွက်လိုက်သည်။ မဒီတို့မတွေ့ဖြစ်သည်မှာ ၈နှစ်လောက်တောင်ကြာမြင့်ခဲ့ပြီး မိုးကုတ်ကျောက်သူဌေးမတစ်ဦးလဲဖြစ်သည်။

"ဟေးးးးး "

ဘားသို့ရောက်သည်နှင့် လက်လှမ်းပြသော
အဆွေ့ဆီသို့ ပြုံးပြုံးလေးနှင့် ခြေတစ်လှမ်းချင်းလှပစွာသွားနေသည်။

"အိုးးးး မဒီရယ် အရင်ကလိုပဲလှလိုက်တာ"

"အဆွေ့ကို မှီပါ့မလားရှင်"

"အဆွေကသာ မဒီ့ကိုအမြဲမမှီတာပါနော်"

"ဟုတ်ပါပြီ မြှောက်နေလိုက်တာ"

ထို့နောက် ဝိတ်တာလေးရောက်လာပြီး မဒီစိတ်ကြိုက်မှာလိုက်သည်။

မဒီ့ဘက်သို့ တိုးကပ်လာသော အဆွေ့ကိုကြည့်ရင်း တစ်ချက်ပြုံးလိုက်ပြီး