ياغاية نوفل ومناه

بارت ١٣

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
نوفل تصنم بمكانه ونطقت هدى : استعجل
طلع نوفل من شقته ونطق بأعلى صوته : يمه هدى بتولد
كانت اميره سهرانه مع غاليه ، فزت من مكانها وطلعت للشقه ، رجع نوفل لهدى ومسك يدها وجلسها على الكرسي ، دخلت اميره ونطقت : البس يايمه انا معها
لبستها عباتها وراح نوفل ولبس ثوبه ، ركضت غاليه لامها اميره ونطقت : جبت عباتك
اميره : نزليها الحين بلبسها
بعد دقايق نزلو تحت ونوفل شغل السياره وراحو للمستشفى ، بعد مده من الزمن طلعت الدكتوره وركض نوفل للدكتوره ونطق بخوف : ها بشري
الدكتوره : حاولنا باللي نقدر عليه لكن الطفل وامه توفو الله يصبركم

كانت هدى تتمنى تعيش وتشيل ولدها وكانت مسميته على اسم ابوها من اول ماعرفت انه ولد وكانت تجهز له بكل حب ونوفل كان خايف ان اهلها يحملونه هالذنب وكان كل ماتكلم مع هدى تبكي وتقوله ( لاتحرمني منه يمكن انا اعيش واضمه واربيه ) لكن راحت هي وولدها ونوفل بدال مايتحمل ذنبها تحمل ذنبها هي وولدها وكان يدري ان اهلها بيقولون له كلام نفس السم

راحت الدكتوره ونوفل ماقدر يتحمل الصدمه وطلع برا المستشفى ، دخلو ابو وام هدى واخوانها وشافو نوفل وهو طالع
ابو هدى : وينها بنتي
نوفل وقف ونطق بعصبيه : من الحين اقولكم انا من اول ماحملت حاولت فيها ولا نفع وماغير تصيح عندي وتقول مابي انا سويت اللي علي والباقي انتم تتحملونه لانها غلطتكم ماهيب غلطتي
معاذ ( اخو هدى ) : وش تقول انت
مارد نوفل ومشى وركب سيارته ومشى ، ابو وام هدى دخلو المستشفى وتوجهو لقسم الولاده ، كانت اميره جالسه على الكراسي وجنبها غاليه ،
تقدمت ام هدى : وينها بنتي
رفعت راسها اميره : عظم الله اجركم فيها وبولدها
طاحت ام هدى على ركبها وابو هدى ماطلعت منه اي ردة فعل ،

نوفل راح لمكانه هو وخوياه بالبر ، كان خالد وصقار يسولفون ، قامو ونطق خالد : ياهلا بالاب القادم
نوفل طالع له وكانت مشاعره متلخبطه مابين انه حزين على وضعه ووضع هدى وولده ومابين انه معصب على هدى ،
صقار طالع بنوفل : صاير شي؟
نزل راسه نوفل : ياليت ماصار
خالد : ليه عسى ماشر
صقار مشى لنوفل : تعال اجلس
جلس نوفل ونطق خالد : ليه وش صاير
نوفل : نفس ماتوقعت لا هي ولا والولد
صقار بأسى : لا حول ولا قوة الا بالله
خالد بصدمه : لاااا !!!
هز نوفل راسه ونطق : مع اني حاولت بس للحين احس بالذنب
صقار طبطب على كتف نوفل : انت سويت اللي عليك وانا اخوك والباقي عليها وهي ماسمعت انت مالك ذنب انت حاولت بقدر المستطاع
خالد : الله يعوضها بالجنه ويعوضك العوض اللي ينسيك هالليالي
نوفل : اللهم امين

- يوم جديد -

دخلت فاطمه بيت اخوها عبدالله وكان ولدها معها ونطقت : السلام عليكم
قامت اميره : وعليكم السلام ياهلا
فاطمه : اسفه لاني جيت فجأه بس نوفل وينه
اميره : البيت بيتك ونوفل فوق بشقته
فاطمه : تمام بروح له اجل
راحت فاطمه لكن وقفت اول مانطقت غاليه : هاتي ياعمه ولدك
فاطمه : لا ياعمري كافي عيالك
منال : معي انا عميمه
فاطمه : لا يروحي انتي مابي اشغلك
منال قربت ونطقت لفارس : تبي معي؟
مد فارس يدينه وضحكت منال : خلاص ولدك لي
فاطمه ضحكت ومنال خذت فارس ، طلعت فاطمه لشقة نوفل وطقت الباب ، كان نوفل منسدح بالصاله ويطالع السقف ، سمع صوت الباب ونطق : مفتوح
فتحت الباب فاطمه ونطقت : السلام عليكم
فز نوفل : وعليكم السلام
سكرت فاطمه الباب وجلست عنده ونطقت : شلونك
نوفل صد : ماني بخير
مدت فاطمه يدها على راس نوفل وصارت تمسح عليه ، نوفل ماقدر يمسك نفسه وحط يده على وجهه وبدت دموعه تنزل شوي شوي ،
قربت فاطمه منه بخوف : بسم الله عليك
نوفل : خلاص ياعمه تعبت اول ماهي غايه بعدين هدى
فاطمه : يعني كلام صالحه صح !

ملاحظه : صالحه نقالة علوم الديره وسمعت كلام نوفل لغايه ذيك الليله وبما ان كان صوته طويل وكان بيت صالحه قريب من بيت سعود وقالت لفاطمه عشان تتأكد صدق اللي فسرته ولا لا

بعدّ نوفل يده عن وجهه والتفت لفاطمه وبلع ريقه : وش قالت
فاطمه : انك تحبها
صد نوفل ولا قال شي ،
فاطمه : يعني صح كلامها !
نزل نوفل راسه ونطق : اي
فاطمه : وليه ماعلمتني !!!! لو ان بيني وبينك عشرين سنه كان اعذرك اما بيني وبينك سنه وحده بس وفوقها كل اسرارك عندي وياما سترت عليك بمصايبك ودايم كنت تسهر مع اخوياك واذا ابوي او ابوك سألو عنك اقولهم تعبان ونايم وبالاخير ماتقول لي نفس هالشي !!! عالاقل كان قلت لي احاول فيها !
نوفل رفع راسه : وش ينفع مثلاً لو قلت
فاطمه : ينفع وانا هالمرا بروح لها وبقولها كل شي عن اللي صار لك وان لو هي وافقت من الاول ماكان صار لك كذا
نوفل صد : واذا رفضت
فاطمه مسحت على ظهره : ماراح ترفض ماعليك
نوفل : واهل هدى
فاطمه : انت مو حاولت فيها ؟
هز نوفل راسه : اي
فاطمه : انت سويت اللي عليك والغلط على اهلها مو عليك ولا ليه يغشونك؟
نوفل : واذا احد لامني اني سبب موتها هي والولد
فاطمه : قول الحقيقه بوجهه ولا تستحي الغلط كله عليهم انت انغشيت وفوقها حاولت فيها وهي رافضه
نوفل سكت ولا رد ،
فاطمه : الله يصبرهم ويصبر قلبك على اللي مريت فيه ولو احد غيرك مر باللي انت مريت فيه ماتحمل ابد اما انت تحملت
نوفل : وش التحمل اللي خلاني اغير بيئة شغلي ؟
فاطمه : هو صح انه غلط والمفروض انك كلمتني قبل تسوي اي شي بس عاد اللي فات راح خلاص وان شاء الله بترجع انت هنا وبترجع شغلك وناسك وبتاخذ غايه من بيت ابوها وتصير حلالك وتعيش احلى ايامك معها بس انت نفس ماصبرت هالفتره اصبر لين تعدي الفتره هذي وبهالفتره عدل امورك وتعال هنا هناك انت لحالك ولا ينفع انك تصير لحالك بهالظروف وحنا صعبه نروح لك تعرف مسافه
نوفل هز راسه : ان شاء الله
فاطمه : وصدقني بدعيلك وبسوي كل شي اهم شي اشوفك سعيد
قام نوفل وحب راسها ونطق : الله يطول بعمرك ويحفظ لك فارس
فاطمه : امين واشوفك بحياتك متهني
نوفل ابتسم ونطقت فاطمه : الحين انت معي انزل تراني جايبه عريكه يحبها قلبك
صد نوفل : ماني مشتهي
مسكت يده وقامت : مالك داعي الصراحه يلا قم
نوفل : عشانك بس ولا ماني مشهتي
فاطمه : ايوا يلا قم وغسل يدينك وانزل
هز نوفل راسه وطلعت فاطمه من الشقه ، انسدح نوفل ونطقت فاطمه من برا الشقه : اشوفك وانت منسدح يلا قوم
غمض نوفل عيونه ونطق بصوت قصير : لا حول ولا قوة الا بالله
فاطمه : وينك انتظرك
نوفل : يلا يلا جاي
قام نوفل ونزل ، فزت اميره من مكانها ونطقت : من امس وهو بغرفته لا افطر ولا تغدا ونقوله اكل ولا ياكل طيب اطلع شوي ويقول لا ليتك من قبل جايه
فاطمه ضحكت : كأنه اخوي حافظته حفظ
اميره : اصلاً من يومكم صغار وانتم مع بعض
نوفل : انا مستغرب ان هذي عمتي حتى اني استحي على نفسي اقولها عمه
عبدالله بحده : ..