سحر بصت لدياب اللي كان محاوط بأيده كتف هاجر و بيبصلها ببرود بغيظ شديد
دياب بثقة :و هو مين حبيب القلب بقى يا مرات ابويا ما هو انا جوزها ايه عندك اعتراض ان مراتي تنام في حضني
سحر بغيظ:انت بتعمل ايه هنااا هو مش المفروض ان امبارح كان ليلة دخلتك على شجن يعني المفروض دلوقتي تكون معاها مش مع ارض البور ال..
وقفت كلامها بخوف شديد و هي بتتنفض من صوت دياب الغاضب بشدة
: اخرسييييي اياكي تهيني مراتي تاني انتي فاهمة و انا حر انام هنا او اي مكان تاني انا اعمل اللي انا عايزاه مش انتي اللي هتمشيني و دا اخر تحذير ليكي مراتي خط احمر بعد كدا هنسى انك مرات ابويا
سحر بصت لهاجر و هي بتحاول تدايقها طلعت صوتها بخوف من دياب بس كان اهم حاجه عندها تدايق هاجر
:انهي واحدة فيهم ما انت اسم الله عليك متجوز اتنين
دياب بص لهاجر اللي بدأت دموعها تظهر في عينيها و رجع بص لسحر بغضب
:الاتنين جيتي عشان تنادي لهاجر صح هاجر شوية و نازلة اتفضلي بقى و خدي الباب وراكي يلا
سحر :تمام يا دياب انا هوريك
خرجت سحر بغيظ من دياب دياب بص لهاجر و اتكلم بحنية و حب
:خلاص متحطيهاش في دماغك سيبك منها
هاجر بخوف و هي بتبعد عن دياب
: انت لازم تخرج دلوقتي انا خايفة اي حد من جدك أو ابوك يشوفك هتحصل مصيبة يلا انا هروح اجبلك غيار غير و امشي
كانت لسه هتمشي بس دياب مسكها و شدها عليه اكتر و اتكلم بهمس: ممكن متضايقيش بجد و متخافيش اوي كدا انا معاكي
هاجر كانت لسه هتتكلم بس وقفت بصدمة و خوف لما سمعت سحر و هي بتقول بصوت عالي جدا و هي قاصدة تسمع كل الموجودين في القصر
: الحق يا اباااا تعال شوف حفيدك اللي بيعصي اوامرك و اللي كانت دخلته امبارح راح فين دلوقتي
خرجوا كلهم من اوضهم و الستات خرجوا من المطبخ بخوف دخل نبيل اوضة دياب من غير حتى ما يخبط بعد ما سحر قالتله انه بايت عند هاجر
نبيل بغضب وزعيق: انت بتعمل ايه هنااا يا ديااااااب انت نمت اهنا
دياب بأحترام:ايوا يجدي كنت
مكملش الجملة لينصدم بالصفعه القوية اللي نزلت على وشه و اللي كانت معاها دخلت شجن الاوضة
حطيت ايديها على بوؤها من الصدمة و هاجر بصيت لدياب بحزن و الم و كأن القلم ده نزل على وشها هي مش هو و سحر اللي بصيت بشماتة و ابتسامة جانبية
جابر راح وقف قدام نبيل و في ضهره كان واقف دياب اللي كان في قمة غضبه من جده
جابر:خلاص يا بوي اكيد دياب ميقصدش انت عارف مدى غلاوة هاجر عنده
نبيل بغضب : و شجن المفروض تكون نفس الغلاوة ابنك بيعصي اوامري يا جابر لا فوق يا دياب فوووق انت من غير جدك مكنتش هتبقى ولا حاجه انا اللي عملت كل واحد فيكوا فيوم ما امرك بحاجة تتنفذ مش كفاية اتجوزتها و جبتها و هي اصلا مبتخلفش قولتلك يا طلقها يا تتجوز عليها المهم تجبلي وريث لعيلة الجابري انما انت عملت ايه سبت مراتك ليلة دخلتك عليها و جيت تبات في حضن مرتك التانيه
