ياغاية نوفل ومناه

بارت ١٤

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
عبدالله بحده : تقول لها عمتي فاطمه طرقٍ عن خشمك
طالع نوفل لأبوه ونطق : على خشمي
عبدالله هز راسه : عشت ولدي
نوفل : تعيش
جلس نوفل هو وعمته وصارو يحاولون يغيرون مزاجه ،

- اول ايام العزاء -

صالح : هو صحيح الكلام اللي سمعناه يانوفل
رفع نوفل نظره ونطق : وشهو
صالح : انك تدري عن اللي فيها وجابرها تحمل
رص نوفل على سنونه وخالد مسك ذراعه ونطق : تجاهلهم يانوفل
غمض نوفل عيونه وهو يتذكر كلام عمته فاطمه ( قول الحقيقه بوجهه ولا تستحي الغلط كله عليهم انت انغشيت وفوقها حاولت فيها وهي رافضه )
فتح نوفل عيونه ونطق بحده : محد قالي عن مرضها ولا عرفت الا من الدكتوره والامور الثانيه ماينفع ذكرها بعدين ما اذكر الرجال يجيبون سيرة الحريم بمجالسهم
ارتبك صالح ونطق نوفل : اشوفك ارتبكت
صالح بلع ريقه : لا لا
نوفل قام من مكانه ونطق بأعلى ماعنده : علومك ماهيب علوم رياجيل اطلع برااا
قام عبدالله ونطق : يانوفل اذكر الله وش تقول انت
نوفل بحده : ذاكر ربي من قبل لا اشوف وجهه بس سوالفه ماهيب سوالف رجال
التفت نوفل على صالح : الا اذا احد مرسله
فز صالح : لا يابو عبدالله وش هالكلام

ملاحظه : ابو عبدالله هو نفسه نوفل لكن يسمونه ابو عبدالله على اسم ابوه

نوفل صد : لا عاد اشوف وجهك بمجالسنا
عبدالله بعصبيه : نوفل !!
نوفل التفت لابوه : لا يبه خله ينقلع ولا هذي ماهيب سوالف رجال
صالح : بس ما اذكر ان الرجال يطرد رجال من مجلس ابو حرمته
نوفل ضحك بسخريه : انت تسمع الكلام ولا لا ؟
صالح التفت على ابو هدى اللي جالس وساكت ونطق : وانت يا ابوها جالس ولا تقول شي !
رفع ابو هدى نظره لصالح ونطق : نوفل ماكذب
ابو هدى مد يده لناحية الباب ونطق : اطلع
صالح كان بينطق لكن توجه صقار وخالد له بعصبيه ونطق صالح : طيب طيب
طلع صالح والكل جلس بمكانه ، كانت غايه بالعزاء وجلست فاطمه جنبها ونطقت بصوت قصير : اخبارك
غايه بنفس النبره : بخير الحمدلله
فاطمه : الحمدلله .. عاد لازم تجوننا لبيت عمك عبدالله
غايه : ليه ؟
فاطمه : بس من زمان عنك وقلت اسولف معك
غايه : تمام بقول لامي
فاطمه : ماعليك انا اقولها
غايه : تمام

- مجلس الرجال -

كان نوفل حاط يده على جبينه وكان مصدع ،
صقار قرب لنوفل ونطق بصوت قصير : علامك
نوفل رفع راسه بشويش : صدع فيني هالصالح
خالد ضحك على خفيف : ليته على اسمه
نوفل : مامن صلاح استغفرلله
صقار : الحين لو يسمعك بينفجر
ضحك نوفل ونطق خالد : اي كذا اضحك
التفت نوفل على خالد وطبطب على كتفه ،

- بالليل ببيت عبدالله -

فاطمه وهي تكلم قمر : لا عاد لازم تجوننا تعرفين الجادل بتجيننا وامي بعد عندنا هذي هي ولازم انتي تجين انتي وبنتك
قمر : ان شاء الله بقول سعود ويمرنا
فاطمه : لا يروحي روحه اكيد انه نايم الحين ! انا بقول لنوفل ويجيبني لكم
قمر : لا نوفل اللي فيه مكفيه
فزت غايه اول ماسمعت اسم نوفل ،
كملت قمر : ليه يجينا حنا نجي على رجولنا
غايه قامت واتجهت للدرج وتعمدت تطيح ، قمر التفتت على غايه : دقيقه يافاطمه غايه طاحت شوي واجيك
كان نوفز واقف عند فاطمه ،
فاطمه بخوف : اسم الله عليها ليه وش صاير
قمر : مدري الحين بشوفها خلك معي
غايه بصوت عالي : ماما رجلي توجعني
قمر اتجهت لها : اسم الله عليك ياماما وين اللي يوجعك
غايه بكذب : ساقي
قمر : قوه توجعك؟
غايه بكذب : ايوا
قمر : يوه اجل مايحتاج نروح دام رجلك كذا
غايه فتحت عيونها بصدمه : لا ماما نروح ليه مانروح
قمر بقفطه : ما شاء الله يوم جبت طاري الروحه صرتي كويسه !
غايه بتوتر : لا ماما ماينفع نرد عمتي
قمر : واضح
غايه : ايوا
قمر : وشلون نروح يعني نركب مع الرجال !
غايه : ماما اكيد عمتي بتجي معه
قمر : اسمعي ياغايه هالرجال انسيه من بالك ولا عاد تجين صوبه !
غايه بصدمه : ماما !
قمر بحده : يعني تبينه ! بعد كل اللي سواه فيك تبينه !
غايه نزلت راسها : الغلط مني انا

نوفل اخذ جوال فاطمه وهو يحاول يسمع ،
فاطمه : خير وانا بسمع !
نوفل : مايحتاج
فاطمه بصدمه : هذا انتم يارجال ما كأن حرمتك متوفيه
نوفل ماسمع فاطمه لانه كان مركز مع كلام غايه ،
قمر : وماحسيتي انك الغلطانه الا الحين ؟
غايه نزلت راسها : ماما انتي تعرفين اني وقتها كنت مريضه و..
قاطعتها قمر : والمرض ماهو عذر ! شوفي هدى وهي مريضة قلب والحمل خطر عليها وشوفيها تزوجت وهذي بعد ماتعرفه وشلون لو تعرفه !
غايه رفعت نظرها لامها : بس ماما اخاف يطلع نفس هذاك
قمر : ماكل الرجال مثل بعضها ولا كل الحريم مثل بعضها ياما اخوان تعاملهم مع زوجاتهم غير ! الاول ماعنده الا الضرب والصوت العالي عليها وعلى بناتها وعيالها والثاني ماعنده غير سمي وابشري لو تبين نجمه من السما جبتها لك انتي وبناتك وعيالك
غايه بتردد : بس ماما ا..
قاطعتها قمر : اللي يحبك ينتظرك مايروح لغيرك ولو راح فهو اكيد مجبور وقلبه عمره ماراح يكون لغيرك لكن اللي عليك انتي هنا انك تدعين واذا هو خير لك بيجيك واذا هو شر ربي بيبعده عنك وبيعوضك باللي احسن وافضل منه
غايه وهي تطالع اصابعها : ولو كنت احبه
قمر ابتسمت : اذا ربي قاسمه لك بيجيبه اهم شي لا انتي ولا هو ترتكبون الحرام
ابتسمت قمر وكملت : ولو يجيك مرا ثانيه وترفضيته ياويلك مني كافي انك طلعتي لي قرون
رفعت غايه نظرها لأمها وضمتها ،

فاطمه كانت مقربه للجوال اللي كان عند اذن نوفل ، التفتت لنوفل وابتسمت بعد ما سمعو الحوار اللي بين غايه وامها وضربت كفته بشويش ونطقت بصوت قصير : اخس اخس
نوفل ابتسم وبعد الجوال عنه ونطق :الحمدلله العوض جاي
فاطمه : هذاني اقولك من امس بس انت غبي
نوفل طالع لها من بطرف عين ونطق : وشو
فاطمه ضحكت برعب : لا ولا شي
بعدت قمر ونطقت : عمتك اكيد تنتظرني
هزت غايه راسها وقامت قمر وخذت الجوال ونطقت : ..