រឿង : និស្ស័យស្នេហ៍កណ្ដឹងកម្ម 🔔

Trailer : និស្ស័យស្នេហ៍កណ្ដឹងកម្ម

ម្ចាស់ក្រុងទាំង៨គឺជាអ្នកយាមប្រាសាទមាស២៨ជាន់ដែលជាប្រាសាទឃុំបិសាច នៅក្នុងដៃម្ចាស់ក្រុងនីមួយៗគឺមានកូនសោរ៨ដើមផ្សែងៗគ្នា បើអ្នកណាចងបើទ្វារប្រាសាទជួយរំដោះបិសាចដែលនៅខាងក្នុងនោះ គឺលុះត្រាតែអ្នកនោះប្រមូលផ្ដុំកូនសោរទាំង៨មកផ្គុំគ្នាជាថ្លុងមួយទើបអាចបើកបាន ។ ក្នុងចំណោមក្រុមទាំង៨ ក្រុងតានយ៉េ គឺអាថ៍កំបាំងជាងគេ ក្រុងមួយនេះតាំងនៅស្ថិតនៅក្នុងដែនមន្តអាគមមនុស្សធម្មតាមើលនឹងភ្នែកទទេគឺមិនឃើញនោះឡើយ ។

ដោយសារតែការធ្វេសប្រហែសនឹងការទុកចិត្ដមិត្តភក្តិខ្លាំងពេក ស្ដេចកណ្ដឹងមាសដែលជាម្ចាស់ក្រុង តានយ៉េ ក៏ត្រូវគេសម្លាប់ ធ្វើឱ្យក្រុងទាំងមូលក្លាយទៅជាក្រុងខ្មោច កូនប្រុសតែម្នាក់គត់របស់គាត់ក៏ត្រូវបាត់ខ្លួនតាំងពីពេលនោះមក ។

កន្លងទៅ៥ឆ្នាំ មនុស្សមួយក្រុមធំបាននាំគ្នាចូលទៅក្នុងក្រុងតានយ៉េ អ្នកខ្លះទៅទីនោះព្រោះតែទ្រព្យ សម្បត្តិ ខ្លះទៀតក៏ទៅព្រោះតែកូនសោរសម្ងាត់ ក្នុងនោះក៏មានអ្នកកំលោះម្នាក់ដែលត្រូវបានគេស្គាល់ថាជាបុត្រានៃរាជវង្សនាគខៀវ " ជួអ៉ីឆិន " ក៏ចូលរួមធ្វើដំណើរទៅក្រុងតានយ៉េ ដូចគ្នា ។

ចូលមកដល់ក្នុងក្រុង ជួអ៉ីឆិន ក៏បានទៅប៉ះកណ្ដឹងតានយ៉េនៅក្នុងកន្លែងហាមឃាត់ កណ្ដឹងនេះអ្នកណាក៏មិនអាចប៉ះពាល់បានដែរ ក្រៅពីមនុស្សនៃរាជវង្សតានយ៉េ អ្នកក្រៅតែហ៊ានល្មើសរាងកាយនឹងប្រែទៅជាដើមឈើបន្តិចម្ដងៗ រហូតដល់ស្លាប់ ។ ប្រាកដណាស់ ឱ្យតែមានចំណងប្រាកដជាមានវិធីស្រាយ បើចង់រួចផុតពីបណ្តាសានេះគឺលុះត្រាតែ ម្នាក់នោះរៀបការជាមួយមនុស្សក្នុងរាជវង្សតានយ៉េ ក្លាយទៅជាគ្រួសារតែមួយ នោះបណ្ដាសានឹងត្រូវស្រាយដោយខ្លួនឯង ។

ប៉ុន្តែក្រុងតានយ៉េដួលរលំសូម្បីតែមនុស្សម្នាក់ក៏គ្មានដែរ តើទៅរកស្រីក្រមុំរាជវង្សតានយ៉េមកពីណាដើម្បីដោះបណ្ដាសានេះទៅ ។

អាចថាមកពីជីវិតរបស់នាយនៅមិនទាន់អស់ក៏ថាបាន នាយក៏បានរកឃើញកូនប្រុសតែម្នាក់គត់របស់ស្ដេចកណ្ដឹងមាសនោះ ទោះចង់ឬមិនចង់ ជួអ៉ីឆិន ក៏ត្រូវតែរៀបការជាមួយគេដើម្បីដោះបណ្ដាសានេះដែរ ។