فلتنحني لقلبي تذللا [ تتمة ]

‏‎‏‎‏‎‏‎‏‎‏‎‏𝑷𝑨𝑹𝑻★248

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

الالم ، خفقان القلب، طنين فالأذن..ثقل في الانفاس، كل ما كانت كتحس به فديك اللحظة لي صفعها بديك الطريقة ،حست كأن راسها فصل عند جسدها بطريقة هالكة ..

تقعدت من الارض على ركابيها وشعرها مخبي ملامحها،حاولت توقف ولكن بمجرد ما حاولت توقف رجعت طاحت في بلاصتها شادة راسها وهي كتشهق زافرة النفس بعنف مخلية شعرها يتطاير من وجهها بفعل زفرها للنفس ..

وقف كيشوف فيها كيفاش خارت قوتها ،لحد ديك اللحظة ما كانش واعي باش دار وكان كل ما كيدور فراسه ديك الريحة الكارو والشراب لي كانو مستولين على انفاسها مخالطينهم ..

فقد تحكم على نفسه للولهة  ظن انه غلط ودوك الروايح ما نابعينش منها مع انه اللقطة لي قربها منه تسللت ريحتها تال اعماقه ، زفر بغضب قبل ما يزيد لعندها تا كيوقف قدامو ياسين صارخ فوجهه..

ياسين:" علاشش كتضربها اولد القحـ بة ، مريض فكـ رك ".

آدم خنزر فيه دافعو من قدامه لايحه في الارض حدا هدى صارخ فيه :" يا ولد قحـ بة شحال من مرة تبريت فيك تبعد عليها ، عاطيها تكمي وتشرب القوا د والله يعدو ربك تا نقتـ لك تا وياها ".

ياسين تقعد كيشوف فيه جاي جيهتو قبل ما يكالي بيده على وجهه مخليه كيركل فيه برجليه جهة ضلوعه وفخاده، هدى بمجرد ما سمعت كلام آدم وشافتو كيفاش كيضرب فياسين وهي تحبو على ركابيها ويدها جيهتو باش تحاول توقفه ..

ياسين في عز الضرب المبرح لي كان كياكل من خوه بقلب رحب غير شاف هدى كتقرب لعندو ومن ممكن تأذى كثر في طريقه  وهو يمد يده دافعها مورا ظهره فاتح يديه مانع ركلات آدم يوصلو لها وهاد ما زاد من غيضه خوه اكثر ..

آدم غير شاف داك المنظر كيفاش ياسين مطاكي علي هدى كأنه كايكل الضرب على ودها ، فكرة جننته شعلت فيه العافية كثر ما كانت شاعلة ..

دفع ياسين برجلو مباعدو من قدام هدى قبل ما يمد قبضته هازها من شعرها موقفها مخلي صراخها يعلى ، ياسين حاول ينوض يفكها من يدو ولكن الالم لي انفجر في صدره وظهره شل حركته ..

تلاح في فالارض على ظهره كيزفر النفس باضطراب وبملامح مهشمة لي ممنعاتوش انه يصدر قهقهات مضحكة ، علا راسه كيشوف فآدم لي شاد هدى من شعرها..