فلتنحني لقلبي تذللا [ تتمة ]

‏‎‏‎‏‎‏‎‏‎‏‎‏𝑷𝑨𝑹𝑻★249

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

خرجت من الشومبر بوجه ممسوح الملامح تا كتلقى فوجهها ميرفت لي بمجرد ما شافت نضرتها لها بتسمت ناطقة ببرود..

هدى:" شفتي ولدك اشنو دار ليا ، كيف قدرتي تصبري هاد العمر كله لهدشي ، حيث انا صافي ساليت من هدشي ".

ميرفت اغرقو عيونها بالدموع وهي كتشوف فحالتها لي كانت تا هي في يوم من الايام فمكانها وكتعاني من نفس معاناتها ، جرتها من يدها منزلاها معاها غادة بها لواحد صالة معزولة ..

بركت هي ووياها كتمسح ليها على يدها قبل ما تنطق بهدوء:" انا عارفة ابنتي الهدرة ما عندها باش تخفف عليك ، ولكن لي نقول لك عطي لراسك الوقت ، الوقت كيقاد كلشي واي حاجة شفتيها فلحظتها كبيرة وكارثة عطيها وقت تدوز وغادي تلقاي حجمها صغار وتقلصت ومبقاتش كتبان خطيرة كيف لولة ".

طبطبت ليها على يدها قبل ما تبتسم :" دابا خلينا من هدشي ، عندي ليك واحد الحاجة ".

هدى طرفت بعينيها باستغراب كتحاول تفهم شنو قصدت تا بانت ليها وحدة من البنات لي خدامين جايبة سينية ديال فيها مول كامل ديال نفس تشيز كيك لي كانت مشهية فالعشاء..

بدون ما تحس بلعت ريقها بلهفة في حين عينيها توسعو بترقب ، ميرفت بتسمت ملي شافت ردة فعلها لي كانت بادية على ملامحها ..

تبعت داك الطبق تا نحط قدامها ، من قد رغبتها به ما عرفتش كيفاش تبداه تلفتت لميرفت مبتسمة لها وهي كتنطق باامتنان ..

هدى:" شكراا اخالتييي شكرا بزافف".

نهات كلامها مليوحة عليها معنقاها في حين ميرفت كانت كتمسح على راسها ، هدى فصلت العناق وهزت المعلقة باش تاكل وهي كلها حماس حتى كتوقفها ميرفت ملي نطقت ..

ميرفت:" هو لي وصاني نصايبو ليك ما كانش باغيك تنعسي وهو باقي فخاطرك ".

تخالطو اللوان فوجهه هدى لمجرد سماع سيرتو ، حطت المعلقة من يديها تحت حزن ميرفت ملي فهمت ردة فعلها ..

مدت يدها هازة كف ميرفت بايسه وهي كتنطق بامتنان :" شكرا بزافف اخالتي ما كانش لاش تمحني راسك ، والله يعطيك الصحة ولكن غير سمحي ليا شهيتي تسدات منقدرش ناكلو ".