فلتنحني لقلبي تذللا [ تتمة ]

‏‎‏‎‏‎‏‎‏‎‏‎‏𝑷𝑨𝑹𝑻★250

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

كان فالبالكو كيكمي او باحرى كيسف فالكارو وهو كيتسنى فيها تطلع ، ولكن ما بانتش مع انه شافهم مدخلينها لدار ..كان باغي يشوفها متحرق عليها ..

الشي لي خلاه ميقدرش يزيد يصبر ، زاد خارج من الشومبر هابط للتحت كيقلب لعندها حتى كيتسلل صوتها المتألم لمسامعه ..

هدى:" مقدراش ، كنحس بحالا شي حاجة غادي تطيح ليا وواحلة ".

وقف فارضه كيشوف ميرفت وسميرة واقفين قدامها حاجبين عنه رؤيتها ، عقد حواجبو مقرب لعندها وهو كيسمعهم كيحاولو معاها ..

سميرة:" هنتي غير حاولي ".

ميرفت :" حنا غادي نشدوك ما تخافيشش".

وقف خلفهم ناطق ببرود :" بعدو نشوف ".

تلفتو لعنده وقبل ما ينصاعو لطلبو شافو فبعضياتهم بتوتر الشي لي خلا آدم يرتاب قلقا ..بعدو من قدامه مخلينه يلمحها باركة بملامح محمرة طايبة بالبكاء ..

تفحصها ما كان بادي عليها تا حاجة من غير الجروح طفيفة لي فركابيها ويديها ، قرب لعندها محاول يتحذر لعندها حتى كتقفز راجعة للخلف خوفا منه ظانة انه غادي يضربها ..

هز حاجبو فيها ناطق بسخرية :" كتخافي زعما ، شنو عندك ".

طرفت بعينيها متحاشية النضر له مطنشاها ، ما عطاتوش رد الشي لي خلاه كيشوف فيها شحال قبل ما  ينطق  بحدة مقفزها هي وميرفت وسميرة ..

آدم :" نطقي ، طلقينا ..اشنو عندك ".

هدى تجاهلت مرة اخرى هازة راسها جهة مها وميرفت ناطقة بتنغنيغ:" قولو ليه يبعد مني ما باغا تا حاجة منو ".

سميرة قربت لعندها ناطقة بقلق:" خليه غير يشوف شنو لي كيضرك وديك الساعة يبعد بحالو ".

آدم شاف فيها ببرود قبل ما ينوض ناطق ببعدم اكثار :" هاهو مبعد ضبري روحك ".

نهى كلامو داير باش يخرج حتى كيوقفو صوت ميرفت ملي نطقت بخوف :" راه شادها الوجع ، وكتحس بشي حاجة غادي تطيح منها ومكتقدرش تزيد ".

تصمر فبلاصتو عاطيهم بالظهر ،قبل ما يرجع يتلفت لهم راجع لعندها ناطق بذعر:" كيفاش شي حاجة كتطيح منك ، باش كتحسيي".