Winnie (Anabelle)
Natatakam akong nakatingin sa mga candies at chichirya, wala naman sigurong masama kung titikman ko isa isa 'no?
Ako kasi ang nagbabantay ng tindahan na sobrang liit lang kasi pinabili ko si Savena ng gamot, yes pinabili ko siya ng gamot using my money. ayaw pa nga niya tanggapin pero sabi ko uunahin pa ba niya yung hiya kaysa sa kapatid niya.
Parang bata akong kumuha ng chichirya at ka agad binuksan. napa wow naman ako sa lasa dahil ang sarap, ngayon lang ako nakatikim ng ganito.
Isa isa kong tinikman ang pwedeng makain sa loob ng tindahan kaya napahawak nalang ako sa tyan ko.
"Who are you?"
Muntik na akong mapatalon sa kinatatayuan ko dahil sa nagsalita, pero ang nagpagulat sakin ay ito pala yung babaeng umaagaw ng obligasyon ko sa kapatid ko.
"Ikaw na naman." May accent niyang saad ng makaharap ako sa kanya.
Maarte niyang tinanggal ang sunglasses na suot at tinignan ang mga kalat ko.
"Where is she?"
"Bumili ng gamot." Sagot ko dahil alam ko naman na si Savena ang tinutukoy niya.
Iba yung aura niya pero hindi ako natutuwa sa kanya, ikaw ba naman kasi agawan ng obligasyon sa kapatid mo.
"Are you judging me?" May bahid na pagkairita niyang tanong.
Pinasadahan ko kasi siya ng tingin at parang hinuhusgahan ang pagkatao niya, I can't deny the fact that she's beautiful, pero hindi ko siya type.
Kay ma'am lang babaliko.
"Maybe, siguro, ata, oo?" Patanong kong sabi.
Umirap lamang siya at printeng umupo sa malambot na sofa, ang sama ng tingin niya sakin ngayon pero sinusuklian ko lang ng mapang asar na ngiti.
"Can you stop smiling? Nagmumukha kang adik na manyakis."
Na offend ako sa sinabi niya kaya winagsi ko ang mapaglaro kong ngiti, sa ganda kong ito pagkakamalan niya akong adik na manyakis?
"Finally! you're here."
Napatingin ako kay Savena na bagong dating lang, gumuhit sa mukha niya ang gulat ng makita ang babaeng nakaupo sa sofa.
"May bwisita ka." Sabi ko sa kanya at nginuso ang babaeng kanina pa masama ang tingin sakin.
"Pardon?"
"Pardon mo mukha mo."
"Ehem." Napatingin kami kay Savena ng tumikhim ito "Sa labas nalang ho kayo mag away kung pwede lang."
Matapos masabi 'yon ay pumasok na siya sa maliit na silid, lalo naman sumama ang tingin sakin ng isa kaya binilatan ko siya.
Bago pa man bumukas ang bastos niyang bibig ay tinalikuran ko na siya at iniligpit ang mga pinagkalatan ko dahil uuwi na ako mamaya.
Nang matapos ay kinuha ko ang sling bag na dala ko, kumuha ako ng iilang libo at inilagay sa lalagyan ng pera sa tindahan. ayaw ko nalang din sabihin kay Savena dahil alam kong hindi na naman niya tatanggapin.
Nag paalam nako kay Savena na kailangan ko ng umuwi, ang totoo nyan ay gusto ko pang manatili dito pero nakakahiya naman dun sa maarteng babae na bisita niya.
Naiinip na naghihintay ako sa susundo sa akin, kanina ko pa tinext yung isang bodyguard na naghatid sa akin dito kanina pero hanggang ngayon wala pa siya
Ang hirap talaga kapag lumaki kang taong bahay lang
"Ang malas naman oh!" Bulalas ko ng bumuhos ang malakas na ulan.
