صهباء الطنايا

الجزء الثالث

صهباء الطنايا
الجزء الثالث

سحبتهن ..ذني هويات

محمد وهو مخطوف لونه ...جيبييهن
...هذني شنو محمد ...؟؟؟

...جيبيهن فااااتن
...لا وحگ علي ماانطيك ...
ايد لازمة الهويات وايده تمسح بدشداشتها رغوة الملابس وبينها وبين محمد طشت الملابس
بلمحة قرت اسماء واتخبلت
فرح محمد جهاد
مرح محمد جهاد
اسم الام بدور

متزوووووج علياااا محمدددد ابن امينة
...افهمج بس اهدي
...شتفهمني وكل هالمدة وانت ضاحك عليا
تقشمررررني ..هذة دگايك ابووووك
وجدي الحسين ما باقية يمك

راحت منفعلة تلم بملابسهم
اليوم اطلكني والله ماابقي
وحسبي الله ونعم الوكيل بأبوك
حوبتي تطلع بيهم وتعثررهم ..كون الله ياخذ حقي
...وكفيييي فااااتن نتفاهم
..اتركني
لبست عباتها عالراسها واخذت غراضها وشالت علي وطلعت من البيت تهف بعباتها

محمد يلبس بالقميص شحط الحذاء برجله
وطلع يدكم بالقميص بشارع
يستلحك الموقف ..

راحت مسرعة لبيت اخوها مصطفى بنفس الدربونة
طبت للبيت تبجي ذبت جنطة الملابس وعلي راح يلعب

خيرية :خيرج ام علي شصايرر...!!
..وينه اخوي ...؟؟
مصطفى ..ياستار يالطيف شكو ..حجاها وهو طالعة من الغرفة
...اندك الباب ومن ورا البردة مد راسه محمد
وصاح بعلو صوته ....ابووو حسين

...مصطفى : طب ابوو علي
شكو فاتن شصاير
..افهم منه وشوف شمسوووي
طب محمد ..السلام عليكم
..وعليكم السلام ..استريح ابو علي

ام حسين سوي النا جاي وجيبي مي لابو علي
..صار من عيوني

...كعد كبال فاتن وتوسط الكعدة مصطفى
مصطفى : الله بالخير شصاير عيوني

فاتن ...خلي هو يحجي
محمد ..بالتفاهم يابنت الحلال مو هيج تنحل الامور
..بالتفااااهم ....شلون تفاهم انتظر علما تجيب الطفل الثالث منها

مصطفى ..شكو غيرر تفهموووني
فاتن : السيد الي كبالك طلع متزززوج ومخلف همااات

مصطفى : وهو يدنك ميعرف يحجي ..ملامحه ماظهرت عليها اي تعابير تعجب او اندهاش وكأنما عنده علم مسبق بزواج محمد

فاتن ..متحجي لو انت هم تدري ومخبي
محمد ..هدي فاتن اني كلما اريد اجي وابلغج والله توگف بعيني هواي شغلات
يابنت الحلال الي صار غصب عني ..

...طلگني
مصطفى ..فاااااتن
...طلگني
...طلاگ مااطلگ وكومي لبسي عباتج وردي بيتج
...ههه بالاول احجيلي كم طفل مخلف منها ومن شوكت ..!! من الصلحة موو..؟؟
صار سنين واني ياغافلين الكم الله
ولك ليش موكفت بعينك عشرتي موكف بعينك حبي موكف بعينك ابنا علي ليشششش