အခန်း (၃၂): မင်း (၇)
Words Count: 4839
UNICODE
Choi Han နှင့်အတူ Cale လေ့ကျင့်ရေးကွင်းထဲမှထွက်လာလိုက်သည်။
"Hans...Ron...အထဲမှာရှိနေတဲ့လူနှစ်ယောက်ကိုလမ်းပြပေးလိုက်"
ပထမထပ်ဝင်ပေါက်နားတွင်စောင့်ကြပ်နေသည့် Hans Ron တို့အား Rosalyn နှင့် Lock တို့နှစ်ယောက်ကိုစောင့်ရှောက်စေပြီးChoi Han ကိုတော့ Cale သူ့အခန်းသို့ပြန်ခေါ် ခဲ့သည်။
အခုတော့အေးစက်သွားပြီဖြစ်သည့် အစောနကစားလက်စဟင်းပွဲတို့မှာ သူတို့နှစ်ယောက်အကြားတွင်ရှိနေလျက်ရှိကာ Cale ကစကားစပြောသည်။
"ပြောပါဦး ငါ့ကို"
"ဟုတ်ကဲ့"
သူတို့နှစ်ယောက်စလုံးမှာ စကားစမြည်တောင်မပြောတော့ဘဲ အဓိကအချက်ဆီသို့သာတန်းသွားကြတော့သည်။ Choi Han သည်ခါးကိုမတ်မတ်ထားရင်း စသည်။
"ကျွန်တော် Rosalyn ကိုမတွေ့ ခင်အချိန်အထိအကုန်လုံးအေးဆေးပဲ"
"ဆက်ပြော"
"အဲ့နောက် Cale-nim ပြောခဲ့တဲ့မြို့ကိုကျွန်တော်ရောက်တယ်...အဲ့ကိုရောက်ရောက်ချင်းပဲ Cale-nim ပြောထားသလို မြို့တော်ကိုဦးတည်သွားမယ့်ကုန်သည်အဖွဲ့ နဲ့ကျွန်တော်တွေ့ တယ်...အဖွဲ့ လို့ပြောဖို့ကို သူတို့မှာလူအရေအတွက်ကငါးယောက်ပဲပါတာမို့...အသေးစားကုန်သည်ခရီးသွားအုပ်စုပဲဖြစ်ဖို့များပါတယ်"
"ဖြစ်ချင်တော့ သူတို့မှာပါလာတဲ့အစောင့်ကဒဏ်ရာကြီးနဲ့မို့ သူတို့က လမ်းခရီးမှာစောင့်ရှောက်ဖို့အတွက် ကြေးစားစစ်သားနှစ်ယောက်လောက်ကိုရှာနေတာတဲ့လေ..."
Choi Han နဲ့ Rosalyn ကယင်းကုန်သည်အဖွဲ့ လိုအပ်နေခဲ့တဲ့ ကြေးစားအစောင့်နှစ်ယောက်ဖြစ်လာရသည်။ မူရင်းဇာတ်ကြောင်းထဲတွင်တော့ ထိုအတိုင်းပင်။
"အဲ့နေရာမှာ Cale-nim ပြောထားတာနဲ့ကွက်တိတူတဲ့ Rosalyn နဲ့ ကျွန်တော်ဆုံမိတာပဲ"
ŞİMDİ OKUDUĞUN
မြို့စားကြီးအိမ်တော်မှဆန်ကုန်မြေလေး || Volume 1
Fantastikအခန်း ၁ - ၁၀၀ [No Beta Read] ⚠️ ဘာသာပြန်သူ၏အချိန်ယူ ကြိုးစားအားထုတ်မှုကို လေးစားခြင်းအားဖြင့် ဘာသာပြန်သူခွင့်ပြုချက်မရှိဘဲ ပြန်လည်ကူးယူရောင်းစားခြင်းမပြုလုပ်ကြရန် မေတ္တာရပ်ခံပါသည်။ ⚠️
