(Unicode)
🚬 ဇာတ်ကောင်မိတ်ဆက် 🚬
ဇာမဏီသွေးမာန်(Dominant Omega)
*~*~*~*~*~*~*~*~*~*~*~*
အရပ် ၁၈၆ စင်တီမီတာရှိပြီး အသက် ၂၆နှစ်အရွယ် Dominant Omega တစ်ယောက်။ ဇာမဏီသွေးမာန်ဆိုတဲ့ နာမည်အတိုင်း မျက်ဆံတို့က အနီရောင်တောက်ပနေပြီး သာမန်အချိန်များတွင်တောင်မှ ထိုမျက်ဝန်းတို့က မာန်အပြည့်နဲ့ဖြစ်နေကာ ထက်မြတ်ပြတ်သားသည့် အရိပ်အယောင်တို့က အတိုင်းသား ထင်ဟပ်နေသည်။ တစ်နိုင်ငံလုံးတွင် ဒုတိယစီးပွားရေးလုပ်ငန်းရှင်အဖြစ်ရပ်တည်နေသော Red Ocean လုပ်ငန်းစုကြီး၏ နောက်ဆုံးမျိုးဆက် ဖြစ်သည့်အပြင် Red Oceanရဲ့ ဆက်ခံသူ အမြွှာအစ်ကို Dominant Alpha ၏ ဖူးဖူးမှုတ် အလိုလိုက်ခံထားရသော အိုမီဂါတစ်ယောက်။ ထို့်အပြင် နိုင်ငံ၏ ထိပ်တန်းအချောအလှများထဲတွင် ထိပ်ဆုံးက ရပ်တည်နေသော သူ။
အစ်ကိုဖြစ်သူအရှေ့မှာသာ သူ၏ ပျော့ညံ့မှုကို ချပြပြီး အခြားသူများအရှေ့တွင်တော့ ဇာမဏီငှက်တစ်ကောင်ပမာ အရှိန်အဝါတို့ကို ပေးစွမ်းနေပြီး မည်သူ့ကမှ မော့မကြည့်ရဲသည်အထိ အမြင့်တစ်နေရာတွင် ရှိနေသော အိုမီဂါတစ်ယောက်။ သူ၏လှပမှုနှင့် နောက်ခံတို့ကြောင့် မာနက မိုးထိအောင်မြင့်မားပြီး သူနဲ့ ထိုက်တန်သော အယ်လ်ဖာ ကမ္ဘာမှာ မရှိဘူးဟူ၍ မှတ်ယူထားသော အိုမီဂါ။
ထိုမာနတို့အား ရိုက်ချိုးမည့် အယ်လ်ဖာပေါ်လာသည့်နောက်တွင်တော့...။
Name - ဇာမဏီသွေးမာန်
Type - Dominant Omega
Age - 26
High - 186cm
DOB - 1.12.1996
Zodiac sign - Sagittarius ♐
🚬🚬🚬🚬🚬
ဘုန်းသမ္ဘာမော်ကွန်း(Dominant Alpha)
*~*~*~*~*~*~*~*~*~*~*~*
အရပ် ၁၈၈ စင်တီမီတာရှိပြီး အသက် ၂၆နှစ်အရွယ် Dominant Alpha ။ မြစိမ်းရောင် မျက်ဝန်းတို့က တည်ကြည်ခက်ထန်နေပြီး စိုက်ကြည့်ခံလိုက်ရတိုင်း ကျောချမ်းသွားစေသည့် ခံစားချက်တို့ကို ပေးစွမ်းနိုင်သည်။ နိုင်ငံ၏ နံပါတ်တစ် စီးပွားရေး လုပ်ငန်းရှင်ဖြစ်သော Star World လုပ်ငန်းစုကြီး၏ နောက်ဆုံးမျိုးဆက်ဖြစ်ပြီး အလိုလိုက်အကြိုက်ဆောင်ခံရသော အငယ်ဆုံး သားတစ်ယောက်။ ငယ်ငယ်ကတည်းက လိုချင်တာ လက်ညိုးထိုးလိုက်ရုံနဲ့ ရရှိခဲ့သောကြောင့် အရာရာကို ပေါ့ပျက်ပျက်သာ သဘောထားပြီး လိုချင်တာကို မရရအောင် ယူတတ်သော အယ်လ်ဖာ။ မိသားစု၏ စီးပွားရေးကို စိတ်မဝင်စားပဲ သူငယ်ချင်းများနှင့် ခရီးသွား blogger လုပ်ရင်း ဘဝကို အလေးအနက်မထားပဲ ဖြတ်သန်းနေသော အယ်လ်ဖာ။
