မြို့စားကြီးအိမ်​တော်မှဆန်ကုန်​​မြေ​လေး || Volume 1

Chapter 46: Somehow (4)

အခန်း (၄၆): တစ်နည်းနည်းနဲ့ (၄)

Words Count: 5289

UNICODE

Cale သည်အိမ်​ရှေ့စံနှင့်အတူရထားလုံး​ပေါ် တက်သွားဖို့ပြင်​နေ​၏။ ဒါ​ပေါ့ ပလာဇာကို Cale စီးနင်းဖို့အ​ရေး​ပေါ် ​ခေါ် ​ဆောင်ခဲ့သည့်ရထားလုံးက အိမ်​ရှေ့စံရဲ့ရထားလုံးလှည်းဖြစ်နေတာ​ပေါ့။

"မစ္စတာ Cale အရင်တက်ပါ...ဒီ​​နေ့အဖို့မစ္စတာ Cale ကဒီ​လေးစားမှုနဲ့ထိုက်တန်ပါတယ်"

အ​စောနက​ထိတောင့်တင်းတင်းဖြစ်​နေသည့်မျက်နှာအမူအရာတို့နှင့် လုံးဝကွဲပြားသည့်အပြုံးနုနုတစ်ခုမှာ အခုအိမ်​ရှေ့စံ၏မျက်နှာ​ပေါ် ၌ဆင်မြန်းထား၏။ လူ​တွေကအခုသူတို့နှစ်​ယောက်ကိုဝိုင်းကြည့်​နေသည်ဆိုသည်ကို သိထားသည့်အိမ်​ရှေ့စံမှာ သူ၏သရုပ်​ဆောင်မှုကိုဆက်လက်ထိန်းသိမ်းထားဖို့လိုပေ​​လေသည်။

"ကျွန်​တော်မျိုးဘယ်လိုလုပ်ပြီးအဲ့လိုလုပ်နိုင်ရမှာပါလဲ?...အရှင့်သား အ​ရှေ့က​နေအရင်ကျွန်​တော်မျိုးမတက်​ရောက်နိုင်ပါဘူး...အရှင့်သားဆိုတာက ကျွန်​တော်မျိုးတို့လိုတိုင်းသူပြည်သူသား​တွေအ​ပေါ် အလင်းဖြာကျ​ပေးတဲ့ကြယ်တံခွန်တစ်ခုလိုကြီးမြတ်သူမဟုတ်ပါလား...အရှင့်သားရယ်"

• ဟူးမန်း...မင်း​ခေါင်းရော​ကောင်း​သေးရဲ့လား?

အနက်​ရောင်နဂါး​​လေး၏အ​မေးအား Cale ဒီတိုင်းလျစ်လျူရှူထားခဲ့လိုက်၏။ အိမ်​ရှေ့စံသည် Cale ၏ပခုံးကိုပုတ်ကာ စတင်စကား​ပြောသည်။

ဘတ်...ဘတ်။ (ပခုံးပုတ်သံ)

သူ၏ပခုံးအား အိမ်​​ရှေ့စံကအ​တော့်ကိုအားသုံး၍ပုတ်​နေခဲ့၏။

"ဒါကကိုယ်​တော်ရဲ့​လေးစားမှုကိုပြသတဲ့အမူ​အရာ​လေးတစ်ခုဖြစ်ရုံ​ပါပဲ...မစ္စတာ Cale အရင်တက်ပါ"

"အရှင့်သားကအခုလို​တိုက်တွန်း​နေမှတော့လည်း...ဒီကလစ်ဟင်း​နေတဲ့နိုင်ငံသားတစ်​ယောက်ဖြစ်တဲ့ကျွန်​တော်ကပဲအရင်တက်လိုက်ပါ့မယ်"

အကြမ်းဖက်တိုက်ခိုက်မှုဖြစ်ပွားခဲ့ရာ အခင်း​နေရာတွင်ကျန်​နေ​ခဲ့​သော​တော်ဝင်မိသားစုဝင်ဆိုလို့ အိမ်​ရှေ့စံ Alberu တစ်ဦးတည်းသာရှိ၏။ ကျန်သည့်​တော်ဝင်မိသားစုဝင်များက စစ်သည်ရဲမက်များအား အမှုအခင်းစုံစမ်းရန်အမိန့်​ပေးညွှန်ကြားချက်ချဖို့နဲ့ ထွက်သွားကြတာ​တောင်မှ Alberu သည် Cale အား​စောင့်​ရှောက်သည်ကိုပြသရန်အတွက် ​နေရာတွင်​ကျန်​နေခဲ့​လေသည်။