မြို့စားကြီးအိမ်​တော်မှဆန်ကုန်​​မြေ​လေး || Volume 1

Chapter 47: Somehow (5)

အခန်း (၄၇): တစ်နည်းနည်းနဲ့ (၅)

Words Count: 4836

UNICODE

မင်းသား Alberu သည် Cale Hentiuse တွင်ရုတ်တရက်ဆိုသလိုမယုံနိုင်​သောမျက်နှာ​ဘေးမျိုးဖြစ်​ပေါ် လာတာကို​တွေ့ မြင်လိုက်ရကာ Cale သည်အ​မေးကိုအ​မေးဖြင့်ပြန်တုံ့ပြန်ခဲ့၏။

"...ကျွန်​တော်ကလူသားလားလို့​မေး​နေတာလား?"

သူ၏မျက်နှာ​ဘေးမှာ အိမ်​ရှေ့စံကသူ့အား အဘယ်​ကြောင့် ယင်းသို့​သောရူး​ကြောင်​ကြောင်​မေးခွန်းကို​မေး​နေရသနည်း ဟူ၍ပြော​နေသ​ယောင်။ Alberu သည်သူကိုယ်တိုင်ပင်မသိလိုက်ဘဲသက်ပြင်းတစ်ချက်ချမိသွားသည်။

"ဟား~...ဒါ​ပေါ့ ကျိန်း​သေ​ပေါက်ကိုမင်းကလူသားတစ်​ယောက်​ပေါ့"

Alberu သည်သူ့ကိုယ်သူနှင့် Cale ကိုလက်ညိုးဖြင့်ထိုးပြကာစကားကိုဆက်သည်။

"မင်း​ကော...ငါ​ကော...နှစ်​ယောက်လုံးကလူသား​တွေပဲ​လေ"

ထိုအချိန်ဆိုရင်ပဲ နဂါးနက်​လေးက Cale စိတ်ထဲသို့လာ၍စကားထ​ပြောသည်။

• အဲ့ဒါလိမ်​နေတာ...သူကလုံးဝကိုလူသားမဟုတ်ဘူး

'နဂါး​လေးရယ်...​ကျေးဇူးပြုပြီးဆက်​မပြောလို့မရဘူးလားကွယ်?'

Cale မှာသူ၏စိတ်ကိုတည်ငြိမ်​အောင်ထားဖို့အ​တော်​​​လေးအခက်​တွေ့​နေရ​လေသည်။ ​ပြောရလျှင် တကယ့်အ​ရေးကြီးအားနည်းချက်တစ်ခုမှာ Cale နှင့် နဂါးနက်​လေးကြားတွင်ရှိ​နေ၏။ နဂါးနက်​လေးမှာသူကြိုက်တဲ့အချိန်ကြိုက်သလို Cale နဲ့လာပြီးဆက်သွယ်လို့ရနိုင်​ပေမယ့် Cale က​တော့နဂါး​လေးဆီသို့ဘာမှပြန်​ပြောလို့မရ။ ယင်းမှာ တစ်ဖက်ပဲသွား​သောဆက်သွယ်​ရေးတစ်ခုပင်ဖြစ်​နေသည်။

ဒါ​တွေအကုန်လုံးကသူ၏ ဘာမှော်ပညာစ​ကေးမှမရှိ​သောခန္ဓာကိုယ်၏အပြစ်ပင်။

• ဒီလို​လေထုမျိုးဝန်းရံ​နေတဲ့မျိုးစိတ်မျိုးကို ငါလိုကြီးကျယ်မြင့်မြတ်လှ​တဲ့နဂါးဘဝရဲ့​လေးနှစ်တာအချိန်ကာလမှာ ဒါကပထမဆုံး​တွေ့ဖူးတာပဲ