من بين كل الناس اخترتك انتي

البارت الثامن

قبل العيد بيوم
________________

غرفة غيداء و مها
__________________

وعد:بنات مو طبيعي الفستان اليوم يوصلني و الحمدلله انه جا كويس ولا كان قلبت الدنيا مو معقوله الان يوصلني قبل  العيد بيوم حضها غيداء اشترته من اول هو و الاكسسوارات اما انا جهزت كل شي حتى المناكير والفستان توه يوصل'  شوق: انا جاني في بداية رمضان و اكسسواراته معه ريحت راسي' مها:انا شريته وبنفس اليوم جبت كل شيء
غيداء: يلا مو مهم اهم شي صار بيدك وهو مزبوط عليك ، متى نحط الماسكات؟
مها: شويه و ناخذ شاور العيد و نسوي عنايتنا و نحط ماسك لوجهنا و يديننا رجولنا و ننام ونصحى على الفجر نتجهز و نوريهم من هم[حفيدات عايد}
البنات: ونعممم
وعد:يويلي شاش راسي من يمسكني الحين
شوق: اهديي خلي راسك يشوش لما نشوف رقيه و مناير
و خوات جدي
وعد: اي والله انك صادقه انا بدخل اتروش بالحمام الي عند غرفتنا( وعد و شوق بغرفه سوا و برضو غيداء و مها بغرفه سوا)
شوق: اوكي

تعريف عن خوات جدهم
زهره🐍: عمرها 44 تكره الـ عايد كلهم ، مو غريبه عنها لو تكره  اخوها عايد بنفسه
مريم🐍: عمرها46 نفس اختها تكره الـ عايد كلهم وهدفها من الحياة انها تلعب بحياة الـ عايد وخاصةً وعد بسبب انها كانت الوحيده الي تراددها لما كانت ترمي كلام عليهم
كلهم مو متزوجات و صحبات رقيه اي رقيه ما غيرها عشان كذا رقيه ملازمتهم في كل مناسبات العيله بدون ما احد يعزمها الا زهره و مريم يعزمونها🐍🐍
دخلت وعد تتروش و تسوي عنايتها و طولت مره اما شوق الي كانت تحط ماسك على وجهها و شعرها و سوت مقشر لجسمها
نروح ل بطلنا عبدالعزيز هو و العيال راحوا للحلاق يتزبطون
و عبدالعزيز خفف الدقن و خل الشنب و قص شويه من شعره و سوا له سنفره و نفس الشي مع العيال الا بندر خل الدقن ما شاله بعد ما خلصوا
سهم: ما شاء الله اخوي عريسس شرايك تتزوج
عبدالعزيز: فارق بس
سهم: والله انه من داخلك ميت فرح يا حق وعـ....
عبدالعزيز: اسكت لا تجيب طاريها على لسانك
سهم: والله تحبها
بندر و بدر جلسوا يضحكون على صملت سهم
سهم: يعيال مين قال ماك
بدر؛ يوهه عزوز مر ماك اشتهيته
عبدالعزيز: والله الجوع كافر صدق الحين امر ماك، نجيب للجماعه معنا؟
بندر: اكيد ولا تبي جدي يفرمنا
اخذ عبدالعزيز طلبات العيال ودق على شوق يشوف وش يبون
نروح للبنات الي وعد تكون قد طلعت ولبست بجامة العيد الي تكون مبينه كتفها و لونها بيبي بينك و عليها فيونكات،و رطبت جسمها و نشفت شعرها الي فيه لفه خفيفه و طوله لين ظهرها و مستنيه شوق تطلع من الحمام تستشور لها شعرها دق جوال شوق وراحت تشوف مين و شافته عبدالعزيز و راحت لشوق
وعد:شوقق
شوق وهي داخل الحمام: شتبيين
وعد: عبدالعزيز يدق على جوالك
شوق: وش تبيني اسوي ردي عليه انتي
وعد: خليه يرن ماني راده
شوق: وعد مو منجدك يمكن يسالنا وش نبي اكل
وعد: يوهه طيب برد
ردت وعد
وعد: الو
عبدالعزيز حط كتم وقال يا هلا بصوت يحييني و يميتني
بدر: هيا خذلك العاشق الولهان
عبدالعزيز شال الكتم ونطق: هلا وعد وش تبون من ماك
سهم ضحك: ايوا طلع كذا نضامك!
وعد: لحظه اشوف البنات‚ حطت وعد كتم: وجع كيف عرفني
راحت وعد للبنات وخذت طلبهم ورجعت تكلم عبدالعزيز
وعد: عبدالعزيز معي؟
عبدالعزيز: لبيه
وعد: جيب 2 قراند تشيكن و 2ماك تشيكن
عبدالعزيز: من عيوني، تبين شي
وعد: اذلف
ضحك عبدالعزيز وسكر المكالمه
بندر: طلعت عاشق
عبدالعزيز: وينننن
بندر: ايه كلنا نعرف ذي البدايات تجحد بعدين تطيح بشباكها
ضحك عبدالعزيز و نطق: ايهه الا من ذي انا طايح من زمان
سهم: الللللللللععععببب والله وعد جابته من اقصاه
ضحك عبدالعزيز و صرف الموضوع
ووصلوا للبيت بعد ماقد الكل تروش و سوو عنايتهم

الصاله
____________

بدر و هو شايل الاكياس و العيال وراه: مهااااا
مها: ياربيييي جايه
نوره: الله الله نعيما
ضحك بدر: الله ينعم عليك
جواهر:ما شاء الله يا عبدالعزيز عريس، ادورلك على وحده؟
عبدالعزيز: موجوده موجوده
جواهر: تسمعينه يا نوره
نوره:اسمعه اسمعه،انت بس قولي مين تبي و اوعدك تصير حلالك
عبدالعزيز: ايه تمام تمام بعد الجامعه
نزلوا البنات تحت مع مها و خذوا اكلهم و طلعوا على الدرج
الجد: يا بنات وين بتاكلون
غيداء: بالصاله الصغيره الي مابين دورنا و دور العيال
الجد: كلوا سوا
وعد بهمس: لا اله الا الله جدي بيقضي علي عاجلا غير آجلا
ضحكوا البنات و طلعوا فوق زبطوا الجلسه و جو العيال
مها: شرايكم بنات اجيب البروجكتر حقي و نتفرج
البنات بصوت واحد: تم
بدر: و احنا
مها: يا غبي يعني بنخبي البروجكتر ولا كيف، الكل بيتابع
سهم: اببببببببب والله عطتك وحده
بدر: اسكت بس
جلسوا يتفرجون لين ما خلصوا اكل و كل واحد راح ل غرفته و البنات سوو السكين كير وناموا نوم عميق

انتضروا البارت الجاي العيد بيعجبكم متاكده🌷🌷
تعالوا تيك
Raalel 1212