قاتل في المتجر

التاسع عشر ( أيعقل أنه القاتل؟!)

ازيكم عاملين ايه
جاهزين؟؟
يلا نبدأ

ولما أخبر الطبيب، راشد بما سيحدث لصاحبه، قرر أن يتصل بكرم كي يقص عليه ما قاله له الطبيب، فانتفض كرم ما إن سمع واسرع مهرولًا إلى المستشفى وتبعته حبيبة والتي أيقنت أن هناك خطب ما قد حدث لهارون وقلقت والدتها فقد خافت أن تضيع فتاتها مرة أخرى وعليه لحقت بهما هي الأخرى.
ولما وصلوا، سأل كرم في خوف:
_ فين؟؟ فين فريد يا راشد؟؟

صرخت حبيبة في خضة:
_ ماله فريد؟؟ حصل له إيه؟

رد راشد في نبرة صوت منخفضة تحمل الأسى:
_ فريد هيعمل عملية في رجله ادعوا ربنا يشفيه ويقوم بالسلامه ويبقى كويس

ردت حبيبة في خوف شديد:
_ عملية ايه وليه إيه اللي حصل بس يا راشد؟!
_ وقع من على الكرسي على رجله والدكتور قال لازم عمليه

تدخل كرم في الحديث قائلًا:
_ الفكرة بس احنا الفلوس اللي حوشناها ممكن متكفيش

تنهدت حبيبة وردت:
_ خير إن شاء الله...

ثم التفتت حولها وتابعت:
_ هارون!! اومال فين هارون؟ هو بجد لسه مش لقينه؟!

هز راشد رأسه مؤكدًا، فصاحت في توتر:
_ يالهوي عليا وعلى سنيني يالهوي الواد راح فين!! هارون فين و جراله إيه بس ياربي!!

رد كرم فجأة:
_ هارون أهو بيرن عليا

التفوا حوله في سرعة وصاحت حبيبة:
_ رد، رد بسرعة

بالفعل استقبل المكالمة وقال:
_ إيه يا هارون فينك انت؟؟
_ اسمع يا كرم اللي هقولك عليه علشان هيتعمل بالحرف...
              *********
وفي صباح اليوم التالي، دخل ماجد مكتبه وكان قد احتجز فاروق عنده منذ ليلة أمس، طلب من العسكري أن يجلب له قهوته ثم أن يحضر له فاروق وبالفعل نفذ له العسكري طلبه، دخل عليه فاروق والنعاس يظهر جليًا على عينيه جلس بعدما أذن له وتحدث:
_ نعم يا بيه؟

احتسى رشفة من القهوة ورد:
_ إيه يا فاروق شكلك منمتش كويس امبارح ولا ايه؟

أخذ يتثاوب ورد:
_ مش متعود انام غير في بيتي
_ او في المصنع المهجور بتاع الصياد جمب فلوسك اللي شايلها هناك صح؟

لم يرد عليه فتابع:
_ فاروق عايز تروح ولا تشيل كل حاجة لوحدك؟
_ يا بيه أنا من امبارح عمال اقولك اني معرفش حاجة، حرفيا مش فاهم حضرتك عايز إيه! انا قلت اللي عندي

صاح في وجهه وهو يقول:
_ والصحفي اللي مات وقلت معرفوش وانا وريتك الصورة وانت معاه دا معناه إيه؟
_ قلت لحضرتك إني زمان لاني كنت متقرب من الباشا الصياد، ناس صحفيين كتير بيوقفوا معايا يسألوني عنه واحيانا كنا بنقعد نشرب الشاي كمان ومن كترهم انا نسيت مش فاكر إني قابلته، لكن انا فعلا معرفهوش
_ بردو مصر تنكر وتكدب بردو!!