17 تفكك
"اسوء طعنات الظهر تلك التي تاتيك من أكثر شخص تثق فيه .. بعدما كنت تظن وتثق انك تعني له شيئاً "
- جرح .
________________..
حينما تمنح ثقتك شخص تظن أنه يستحقها وتحبه من كل قلبك وتعطيه مشاعرك الصادقه ثم تدرك فيما بعد أن كل شي فعلته بلا فائده .. هنا تكون اصعب نقطه في حياتك لاتستطيع تقبلها .. تشعر أن قلبك يتمزق وعقلك يصرخ بجنون لماذا تركت له فرصه ثمينه في تمزيقك وتمزيق مشاعرك وتصبح وتمسي وكرهك لنفسك يزداد ويتضاعف حينما تدرك مقدار غبائك بما فعلت ..
..
ولا يوم في حياتي ظنيت اني بقع في ذا الموقف البايخ ..مع شخص انا طبيت على حياته غصبا عنه لاني كنت أظنه شخص طاهر وكل الي يصير معه مهو بإرادته ..
كنت اشوفه يعاملني بقسوه ومع ذا ظليت مصر أنه يصير صديقي ..كان يتمادا معي ويتفنن بقساوته معي بالكلام ومع ذا ماعطيت كلامه اي اهتمام لاني أدرك أنه من ورا قلبه ..ومو طالع من قلبه وأنه المجتمع فرض عليه أنه يتلبس شخصيه قاسيه للناظرين لكنه في الحقيقه يحمل قلب طيب مكسور ..
والشيء الي عمري ماتوقعته أنه زياد يطلع من النوع الي يتكلم من وراك ..
طيب ليش ماجاء وواجهني بدل ما يتكلم من ورأي كذا ..
ضحكه سخريه اعتلت مبسمه..
الا هو واجهك مليون مره بس انت يا ياسر راسك يابس وماعندك كرامه ..من اول مره طردك فيها كان حفظت ماء وجهك ولاعادة طبيت عليه مره ثانيه بس وش اقول على تفكيري العنيد ..
أعطيته أكثر مما يستحق ورفعت سقف امالي فيه وشفتني طحت طيحه قويه كسرتني كسر عمري ماراح أنساه ..الله يسامحك يازياد..
رفع جسمه بعدما كان متمدد بإهمال على السرير وأسند نفسه لورا بإهمال والتسجيل لازال يتردد في أذنه وكلام زياد حفظه عن ظهر قلب .. القلب الي انكسر من بعد الي سمعه أشلاء ..
أطلق تنهيده من اعماق جوفه الملتهب والمحترق والغصه متحجره وسط حلقه لاهو الي قدر يبلعها ولاهو الي قدر يطلعها ..
للان ماقدر يستوعب صدمته بزياد ..الولد صاحب القلب النقي بنظره طلع مايستحق كل النيات الي حطها له بعقله وصوره كأحسن شخص قابله ..
استغرق ثلاثه ايام عشان يستوعب صدمته بزياد ثلاثه ايام عشان يدرك مدا غبائه ..
ثلاثه ايام وهو حبيس غرفته المظلمه ولاله نفس يطلع للنور ..
وحتى المدرسه عطاها طاف لأنه متأكد أنه لو راح بيشوفه هناك وهو الي خلاص عافه وعاف شوفته قدامه ..
كره شي اسمه زياد وما وده يضيق خلقه أكثر ففضل أنه يغوب ثلاثه ايام يريح باله ويأخذ استارحه تارك العاصفه الي في صدره تهدى شوي على الاقل ..ومن اشرقت عليه شمس رابع يوم ماقدر الا يروح للمدرسه لأنه أدرك انه ليش يضيع دروسه عشان حد مايستحق ..

أنت تقرأ
خُذْلَان
Gizem / Gerilimروح يائسه تبحث عن قارب للنجاة.. لكنها تتابع الغرق في بحر الحياة .. الى ان يجدها من ينقذها من الغرق..