Nginig! (Compilation Of Horror Stories) KILABOT part 3! [ON GOING]

TRUE STORY #5 (from: @Alien_Kance04)

Twin Sister

Grade 1 si @Alien_Kance04 nung mangyari ito sa kanya. Ang Tito at Mama niya ang nakaranas nito.

Nasa eskwelahan nun si @Alien_Kance04. Na-iwan sa bahay ang Mama niya at Tito niya. Nasa sariling kwarto daw nun ang Tito niya samantalang ang Mama naman niya ay nasa sala at nanunood ng TV.

Naglalaro lang nun ng games sa cellphone nito ang Tito ni @Alien_Kance04 nang may marinig daw itong kumakanta sa kwarto ng Lola niya na katabi lang sa kwarto ng Tito niya. Kaboses daw niya iyon kaya agad na lumabas ang Tito niya at isinumbong daw siya sa Mama niya.

"Ate, ang anak mong makulet, nasa kwarto ni Mama. Baka may masira na naman yun dun."

"Anong nasa kwarto ni Mama? E hindi pa nga nakakauwi e. Mamaya pa ang labasan nun."

Dahil daw sa naging sagot ng Mama niya sa Tito niya ay agad na hinila ng Tito niya ang Mama niya papunta sa kwarto ng Lola niya.

"Pakinggan mo kung sino yang kumakanta." Ang utos daw ng Tito niya sa Mama niya kaya pinakinggan daw ito ng Mama niya at totoo nga, kaboses na kaboses niya ang kumakanta sa kwarto ng Lola niya. Pero imposible dahil nasa eskwelahan pa siya nung mga oras na yun at hapon pa ang labasan nila.

Mayamaya daw ay may biglang nabasag sa loob ng kwarto ng Lola niya at bigla daw na tumawa ang kaboses niya kaya sa takot ay agad na nagsitakbuhan palabas sa bahay ang Tito at Mama niya.

Kinagabihan nun ay agad na kina-usap ng Tito at Mama niya ang Lola niya.

"May bata talaga sa kwarto ko na kamukha at kaboses ng anak mo. Matagal ko nang nakikita yang batang yan habang nananalamin ako. Matagal ko nang gustong sabihin yan pero baka matakot ka. Pero dahil alam mo na, bukas, magpa-albularyo tayo."

Kinabukasan nga nun ay dinala siya ng Lola, Tito at Mama niya sa albularyo. Doon nila nalaman ang tungkol sa kamukha at kaboses na bata na nakatira sa kwarto ng Lola niya.

Kakambal niya iyon pero hindi yun tao kundi engkanto.

_END_