في قصر ال نيار:
تكلمت العنود وهي تضحك:مازن انت ليه قليل أدب
حط مازن الجوال في أذنه بعد ماركب سلطان السياره:افا افا يامقرن لهدرجه أنا وصخ
العنود:وصخ وبس؟ انت فوق الوصاخه يامنحرف
مازن:الوعد في ملكتي يامقرن
تكلم سلطان :اخبارك يامقرن
سكتت العنود بخوف وهي تسمع صوته
رفع نظره مازن إلى سلطان وهو يبلع ريقه:الخط معلق عنده
تكلم سلطان:اجل مع السلامه نشوفك في ملكه الخوي
اغلق الاتصال منها وهو متوتر لان لو يدري الجد كنسل كل شي
عند العنود الي فصلت وهي تشوف ريوف تتقدم ومعها البنات جلست ذهب وهي تأخذ الحلا تكملت ريوف:بنات مين ذيك الي كانت جالسه جمب بشرى؟
فاطمه:ذيك بنت فلاح الكبيره
الجده ساره:يا اختي مصروعه مغير تتكلم عنس
الجده فطيم:زعييتره وانا اختس زعيييتره الي في رأسها حب تجيني وتعرفين أنا شسوي بها والله مغير هرج أنا ماني براعيه هرج أنا امسك الحرمه ثم إطا على رقبتها وتراه الوعد اقرب عرس يجي والله لا حظر و راسي طويل ثم تجي هي وبنتها
ضحكت الجده ساره:ابك أنا وحفيداتي كلنا معكن
ريوف:مجنونه مدري زوجها كيف تحملها
الجده فطيم:وجايب منها سبع ورعان بعد
الجده مزنه:ياويل تسبدي ، تقل أرنب كل سنه ورع
حنان:اكبر بناتها كبر ساره
سلطانه:وعيالها؟
هناي:كبر سيف ولانا
بشرى:على خبري عمر ولدها ٢٣
هناي:لا صدق استغفرالله ولدها عمره ٢٣
جهير:محد سلم منها كل ماشافت وحده سبتها
حصه:يالله يكفينا شرها
رضيه:هو صح مطلقها؟
نوير:تطلقت ورجعت تزوجت
مشاعل:ياشينها صدز
ريوف:تخيلوا من طليقها
عهود:منهو
ريوف:شفتوا عمي فايز اخوه حمد تزوجها وجايب منها بنتها الكبيره هديل عايشه عند أبوها
شهقت دانه:اسمها هديل حمد
ناظرتها شهد وتضحك:هي نفسها الي معنا في الجامعه
هنوف:أما هي نفسها
عهد:يوم رجعنا مع راشد وتهاوشت معه؟
كشرت شهد:مالومها يوم تهاوشت معه
ساره:من بعدها صرتي خويتها
غصون:تكلموا عن ناس نعرفهم عشان نشارك
لانا:طيب أنا و ولاء المساكين مانعرف عن وش تتكلمون
لدن:مين قال لكم ماتجون في قبيلتنا
الجوهره:حلفت عليكم إلا تدخلون القبيله
العنود:بنات طفش نبي سوالف حلوه
سُكره:نطلع؟
ذهب:عن نفسي تم
ريوف:وين نروح
ولاء:عادي اي مكان نروح كوفي او البوليفارد وورد
الين:ووواووو تممم
ريوف:وشنهو ذا
العنود:سوق كبير فيه محلات وتجمعات
شهقت ريوف وهي تمسك صدرها:تجمععع ابك لا ماراح نروح
في السياره:
ناصر:العيال هم وعماني وجدي في البر كاشتين نطلع معهم؟
الجد نيار:معهم بارق
ناصر:كلههم هناك
سياف:روح البيت وبكره نروح كلنا ننام فيه ومعنا غسان بس كلمهم قول لهم يرجعون
عبدالعزيز:قلهم يذب**حون ذبيحه
الجد نيار:هم في عزبتنا ولا برٍ ثاني
ناصر:والله مدري عنهم بس اكيد في العزبه
عبدالملك:اجل روح البيت نقول للحريم
وقف ناصر عند البقاله ونزل يجيب اكل لهم ومعه عبدالعزيز قال:رح ياناصر جيب مويه من القسم الثاني
ركض ناصر وهو يوقف ويفحط برجوله زلق وطاح على جركل المويه قام وهو يلتفت يمين ويسار وشاف الي واقفه ورابطه شعرها ومحطيه الطرحه على كتوفها وتناظره تقدم عبدالعزيز:مجنون انت قم قم ب...لف على البنت الي قدامه وقال:هلا هلا وداد
ابتسمت:هلا فيك
عبدالعزيز:كيف ابوك عساه طيب
هزت رأسها بالإيجاب:اي الحمدلله طيب بس لازال يراجع في المستشفى
عبدالعزيز:الله يشفيه وسلمي لي عليه
هزت رأسها بالإيجاب:ان شاء الله
لف نظره ل ناصر الي واقف:انت ليه ماارحت
ناصر:استناك
عبدالعزيز:امش امش الله يصلحك
طلعوا من البقاله بعد ماشتروا ونزلوا للقصر صارخ عبدالعزيز وهو يقول:ياولد طريق
طلعوا البنات غرفتهم وتقدموا يجلسون الجده:وش قالوا في غسان
الجد:ماعليه طيب وبكره ان احيانا الله نمشي للعزبه
عبدالملك:شرايكم بس نقعد وبعد بكره نروح للعزبه افضل عشان يرتاح غسان
الجده:وهو صادق
سياف:اجل ياناصر دق عليهم يرجعون
ناصر رفع جواله:وينكم
ساجر:في المستشفى
ناصر:وش فيك
ساجر:عند غسان
ناصر:اجل مع السلامه
اغلق الاتصال ورجع يدق على راشد:هلا راشد انت في العزبه
راشد:هاه..اي فيها ليه تبي شي
ناصر:روح مكان فيه أبراج صوتك يقطع
راشد:طيب يلا...تسمعني كذا
ناصر:اي كذا ينسمع صوتك المهم تعالو البيت وبعد بكره نروح كلنا
راشد:ياولد ابي شورما
ناصر:هاه
راشد:شورما اطلب لي
ناصر:وش دخلني فيك
راشد:انت تقول تعالو نطلب شورما
ناصر:من وين تسمع انت
راشد:صوتي واضح ..انا اسمع من الجوال
ناصر:دز امها بس
راشد:دز جدها ه ه ه ه
قفل ناصر في وجهه وكمل راشد سوالف ورفع الجوال:أف وانا من اليوم اسولف مع نفسي
هز رأسه بهدوء:مشكله والله العاطلين إذا أحد عطاهم وجه تمادو
رجع للعيال وقال:يلا نرجع
شاعر:كلمت عمك
راشد:كلمتهم يقلون ارجعوا وبعد بكره كلنا نروح للعزبه
وقف مسفر:اجل نمشي الحين
تركي:بجهز السياره وتعالو
وصلوا للبيت بدون احداث
