جاهلٍ بالحُّب

( البارت الثامن)

بْسـم آلُلُہ آلُرحٍـمـنْ آلُرحٍـيَم 🤎.

•
•
— المستشفى —
كِنان جالس ويشوف كيف باسل كله أجهزه وحالته حاله بكى وبكى وبكى وهو يتخيل لو أبوه شافه بهالمنظر وش بتكون ردة فعله؟
طلعت السيستر وهي تنطق: المريض صحى!!!! أنصدم كِنان يلتفت وكيف الأطباء تجمعو على غرفته ويشوفون وفعلا صحى باسل
باسل بدوخه: نجود اهخ .... يانجووود
الدكتور: ارتاح ياباسل ارتاح طلع احد الأطباء يقول لكِنان: المريض صحى وقاعد ينادي بنت اسمها نجود
أنصدم كِنان ويحمد باسل ربه ان اللي كان مرافق معه هو " كِنان " مو احد ثاني لان الأغلب بيفهمون شي غلط .،
كِنان: ايه هي كانت معه فالحريق يمكن يحسب صار لها شي وهي طيبه
الدكتور: تمام بنتأكد من صحته وبعدها ننقله للغرف العاديه وقتها تقدر تدخل تتطمن
كِنان: زين وانتظر كِنان وقت معين ونقلو باسل وراح له يدخل
كِنان اول ماشاف باسل صاحي ركض عنده يضمه ويحب رأسه وخشمه يبتسم: الحمدلله على السلامه يابو عبدالله خطاك الشر
باسل: الله يسعدك ويبارك بعمرك ، بس وش صار لي ؟
كِنان بدء يحكيه اللي صار وباسل أنصدم
باسل: وكيفها بنت عمك عساها بخير؟ كِنان: بخير بخير يقولون الأطباء انك كنت تهذري باسمها وش عندك ياولد
باسل انكب لكن قال: مدري والله مدري يمكن لأنها آخر وحده شفتها وكان مغمى عليها
كِنان: اها .. والله يا أننا خفنا عليك خوف ياباسل كبيرنا وصغيرنا يدعون انك تصير بخير
ضحك باسل وتذكر اخوه وقال: ياسر وينه؟
كِنان: مدري والله المهم أزهب عمرك شويات وبهربك
أنصدم باسل: وشهو!؟ ابتسم كِنان: ماتبي؟ ابتسم باسل بحماس: إلا بالله ابي ! وش يجلسني هنا
ابتسم كِنان: اجل يلا وجهز كِنان كم غرض له وبدأ كِنان يفك الاجهزه وشويات كذا طلعو من الغرفه وقدرو يهربون من المستشفى ركبو السياره وضحك باسل : اف والله خفت ننقفط !
ضحك كِنان: لو أنا مكانك كان ماراح يخلوني اهلي او احد من اخواني يطلعوني من المستشفى ف احمد ربك
باسل استغرب: الحمدلله بس اف ليه؟
كِنان: الاهتمام الزايد .. تعرف
باسل ابتسم: فهمتك ، طيب كِنان
كِنان: لبيه؟ باسل: لبيت في منى ، ياسر وينه ؟ رجعتوه ؟
كِنان : لا مارجعناه ياولد خفنا انه يتكلم او يزل لسانه وابوك يصير به شي وخذيناه معنا
باسل: ماخاف ولا شي؟ كِنان ابتسم: لا ماعليه ماشاءالله رجال يزقح مع سعد
ضحك باسل: زين ..
مشو للعزبه ومن وصلو نزل كِنان وفتح لباسل وسانده عشان يوقف زين ومشى معه ونطق: السلام عليكم !
الكل: عليكم السلام
بهاج من بعيد: باسل؟؟؟؟ وركض يبتسم ويضحك: باسل جاء باسل جاء باسل طيب باسل طيب ! .
— الحاره —
فقد الأمل انه يلقاهم لف الدنيا لف ولا لقاهم كان ضايق حييل وزعلان شلون بيلاقيهم؟ وهم وينهم بالأساس ! هل هم عايشين أصلا؟ .
رجع للبيت بقلة حيله ودخل وتجمعو عليه حرمه وبناته
البنات: لقيتهم !!!!
سكت ابو باسل مايرد ومن شافو وجهه عرفو انه ماحصلهم وبدأ البكاء والصياح والزعل في بيت ابو باسل بدال ما ان الجد راشد يهوّن عليهم ويهدى الوضع زاد الطين بلّه ! .
راحو لغرفتهم وجلسو ؛ وتين تبكي ولجين قاعده تفكر . لحد ما نطقت بطلتنا ( لجين ) : وتين
وتين وهي تمسح دموعها: نع نءء نعم؟
لجين: الحين إذا باسل وياسر مختفين وين الجد راشد ؟ محد قال عنهم شي ومحد جاب طاري لهم حتى ماقالو إذا عايشين او ميتين !
وتين ببكي وعصبيه: وانا فاضيه لتس عشان تسأليني هالسوال !!!
لجين: وتين فكري معي زين !!! لو صابهم شي لسمح الله كان درينا وكان تكلمو ! وهذا دليل ان ياسر وباسل بإذن الله حييين واكيد إنهم معهم ! صحصحي معي!
وتين مسحت دموعها تنطق: بس شلون؟
لجين: يا الله بشرح كم مره أنا؟؟ .. اسمعي يعني معقوله كلهم ماتو؟! معقوله كلهم صار لهم مثل الشي؟ احس لا !
وتين: اممم ااها
— العزبه —
الجد راشد : عساك بخير !
باسل : بخير .. بس .. وين ياسر؟ ماشوفه؟
بهاج: موجود ياسر موجود .. ارتاح انت بس
ابو وافي: افطر .، باسل: اء لالا مابي ماشتهيت ابو راكان: افطر ياولدي وعين من الله خير !
باسل : والله مابي مانيب مشتهي شيٍ ابد
الجد راشد : خلوه على كيفه ! وتركوه .
— الحريم —
ليان: جاء باسل .. فزت نجود تنطق: صدق؟؟ هو بخير؟؟ ليان: مدري بس سمعتهم يقولونه
كادي قامت بحماس وعجله: وقاعدين باردين مبردين؟؟!!! مشينا نشوف ..
نجود اللي وافقتها الرأي: ايه ايه ايه يالله !!
ابتسمو جود ولين يناظرون بعض ويتغامزون ومن سوء حظهم ان نجود انتبهت لهم ورمت الحصى عليهم: وعمى !! ياحيوانات وش تتغامزين فيه انتي وياها؟؟؟
جود مسكت كتفها بألم: عمى عمى! الواحد مايمزح معتس انتي؟؟ نجود: احسن تستاهلين عشان مره ثانيه ماتبقبقين عيونتس وضحكو البنات ........